Kezdesýde «TiJi» telearnasynyń qazaq tilindegi tanymal mýltfilmderdiń aýdiojiliginiń resmi tusaýkeseri ótti. Bul jobanyń júzege asyrylýyna 2021 jyly Aida Balaeva bastamashylyq etken bolatyn.
Asqar Omarov Memleket basshysy Qasym-Jomart Toqaevtyń 2022 jyldy «Balalar jyly» dep jariialaǵanyn atap ótip:
– Qazirgi aqparattyq ǵasyrda balalardyń qarym-qatynas ortasyn qalyptastyrýda mýltfilmderdiń yqpaly zor. Osyǵan bailanysty Ministrlik álemge tanymal mýltiplikatsiialyq balalar arnalaryn qazaq tiline aýdarý boiynsha aýqymdy jobany iske asyrýda. Bul balalardyń memlekettik tilge degen qyzyǵýshylyǵyn arttyrýǵa, sondai-aq óskeleń urpaqty tárbieleýge septigin tigizetinine senimdimin, – dedi ministr.
Kezdesý barysynda jýrnalisterdiń biliktiligin arttyrý, animatsiia óndirisi jáne Ministrlik jetekshilik etetin basqa da salalar boiynsha ekijaqty yntymaqtastyqty damytý perspektivalary talqylandy.
Aita ketý kerek, balalar televiziialyq kontentin óndirýshilerdi tańdaý kezinde balalar telearnalarynyń osyndai jobalardy iske asyrýdaǵy tájiribesi jáne habar taratý tilderiniń sany eskerildi. Máselen, «TiJi» arnasynyń 20 elde 14 túrli tilde habar taratý tájiribesi bar. Telearnanyń negizgi missiiasy - 2 jastan 7 jasqa deiingi balalar úshin qaýipsiz aqparattyq keńistikti qamtamasyz etý.
– Qazaq tili óte bai til; jáne ony nasihattaý maqsatynda qazaqstandyq balalar úshin arna qurýǵa jáne qazaq balalaryna olardyń memlekettik tiliniń damýyna yqpal etetin oiyn-saýyq jáne bilim berý kontentin qalyptastyrý boiynsha birlesken bul joba - bizdi osynaý igi iske yntalandyrdy, – dep atap ótti Jan-Rene Okýtiýre.
Búgingi tańda qazaq tilindegi «TiJi» aýdiojolaǵy tómendegi operatorlarda qoljetimdi: Alma TV, TV Commerce, Qazaqtelekom, Fermata PRK, Qainar Media (Taldyqorǵan q.), Teralain (Nur-Sultan q.), TTK (Temirtaý q.).
