مەدەنيەت جەنە اقپارات مينيسترٸ ايدا بالاەۆا "قازاقفيلمگە" قاتىستى قاۋەسەتتەرگە جاۋاپ بەردٸ, دەپ حابارلايدى Dalanews.kz.
بٸرٸنشٸ. «قازاقفيلم» جەرٸنٸڭ ساتىلۋى جٶنٸندەگٸ اقپاراتقا قاتىستى.
"بۇل مەسەلە تٶڭٸرەگٸندەگٸ نەگٸزسٸز قاۋەسەت بٸرجولا توقتاتىلۋى تيٸس. «قازاقفيلمگە» تيەسٸلٸ جەرلەر كينوستۋدييا يەلٸگٸندە قالا بەرەدٸ. جەر ساتىلعان جوق جەنە تەك كينەماتوگرافييا مٷددەسٸ ٷشٸن پايدالانىلۋدا", دەيدٸ مينيستر.
ەكٸنشٸ. كينوستۋدييانى جٶندەۋگە قوماقتى قارجى سالۋعا دايىن ينۆەستورلاردىڭ بار ەكەنٸ جايلى.
"بۇل اقپارات قوعامدا كەڭ تاراپ جٷر, الايدا مۇنداي مەلٸمدەمەلەردٸ قۇجاتتارمەن نەمەسە ناقتى كەپٸلدٸكتەرمەن راستاي المايتىن ادامدار جاساپ وتىر. مەملەكەت, ياعني مەدەنيەت جەنە اقپارات مينيسترلٸگٸ ناقتى ينۆەستورلارمەن جۇمىس ٸستەۋگە دايىن. دەگەنمەن ەزٸرگە ەشقانداي ناقتى ۇسىنىس, بٸردە-بٸر كەپٸلدٸك حاتى جوق. بارلىعى تەك ەڭگٸمە دەڭگەيٸندە".
ٷشٸنشٸ. كينوستۋدييانى استاناعا كٶشٸرۋ تۋرالى.
"بۇل دا ەشقانداي نەگٸزٸ جوق قاۋەسەت. قازٸرگٸ ۋاقىتتا ەلورداعا «قازاقانيماتسييا» شىعارماشىلىق بٸرلەستٸگٸن كٶشٸرۋ مٷمكٸندٸگٸ قاراستىرىلىپ جاتىر. مۇندا ماڭىزدى جايت – «قازاقانيماتسييا» ٶندٸرٸستٸك بازا ەمەس, انيماتسييالىق كونتەنت جاساۋعا تاپسىرىستاردى بٶلەتٸن قۇرىلىم. سوندىقتان ونىڭ استاناعا كٶشۋٸ سالانىڭ جۇمىسىنا ەش كەدەرگٸ كەلتٸرمەيدٸ.
ٶكٸنٸشكە قاراي, كەيٸنگٸ بەس جىلدا ەلٸمٸزدە ساپالى انيماتسييالىق فيلمدەر تٷسٸرٸلگەن جوق. وسىعان بايلانىستى انيماتسييالىق يندۋسترييانى كرەاتيۆتٸ يندۋسترييالار قورىنىڭ اياسىندا دامىتۋ ورىندى بولماق. قور قۇرىلىمىندا انيماتسييانى دامىتۋعا باعىتتالعان كرەاتيۆتٸ حاب جاساقتالۋدا.", دەيدٸ بالاەۆا.
بٷگٸندە قازاقستاندىق كينويندۋسترييادا ماڭىزدى ەرٸ وڭ ٶزگەرٸستەر ورىن الۋدا. «قازاقفيلم» – جاي عانا كينوستۋدييا ەمەس, بۇل – قازاق مەدەنيەتٸنٸڭ سيمۆولى. سوندىقتان ونى دامىتۋ – باسىم باعىتتىڭ بٸرٸ دەيدٸ مينيستر.
"پرەزيدەنت قول قويعان جاڭا زاڭعا سەيكەس ەلٸمٸزدە فيلمدەردٸ قارجىلاندىرۋدىڭ جالپى كٶلەمٸنٸڭ كەمٸندە 30%-ى جىل سايىن تٸكەلەي «قازاقفيلمگە» باعىتتالاتىن بولادى. بۇل كينوستۋدييا جۇمىسىنىڭ تيٸمدٸلٸگٸ مەن قارجىلىق تۇراقتىلىعىن ارتتىرادى.سونداي-اق مەملەكەتتٸك قولداۋعا يە بولاتىن كينوجوبالاردى ٸرٸكتەۋدٸڭ جاڭا ەرەجەلەرٸ بەكٸتٸلدٸ. بيىل جاڭا ەرەجەلەر بويىنشا كونكۋرس ەكٸنشٸ رەت ٶتكٸزٸلٸپ وتىر", دەيدٸ مينيستر.
ايدا بالاەۆانىڭ سٶزٸنشە, كينوستۋدييانى حالىقارالىق ىنتىماقتاستىقسىز دامىتۋ مٷمكٸن ەمەس. «قازاقفيلم» شەتەلدٸك ەرٸپتەستەرٸمەن بٸرلەسٸپ بٸرقاتار ماڭىزدى فيلمدەر تٷسٸرۋدٸ جوسپارلاپ وتىر. بۇل – قازاقستاندىق كينونى ەلەمدٸك نارىقتا تانىتۋ جەنە وتاندىق كينەماتوگرافيستەردٸڭ پوزيتسيياسىن نىعايتۋ ٷشٸن ماڭىزدى قادام.
"سونىمەن قاتار, دەمەۋشٸلەردٸ تارتۋدىڭ ارقاسىندا كينوستۋدييادا سوڭعى 15 جىلدا جٷرگٸزٸلمەگەن جٶندەۋ جۇمىستارى باستالدى. بۇل – ينفراقۇرىلىمدى جاڭعىرتۋدىڭ العاشقى كەزەڭٸ. وسى ورايدا كينوستۋدييا مەن قازاقستاندىق كينوٶندٸرٸستٸڭ دامۋىنا ٷلەس قوسىپ جٷرگەن جاندارعا العىس بٸلدٸرەمٸن! ەرينە, ەڭگٸمە ەزٸرگە كٷردەلٸ جٶندەۋ تۋرالى ەمەس, بٸراق بۇل – «قازاقفيلمدە» جۇمىس ٸستەۋ ٷشٸن قالىپتى جاعداي جاساۋعا باعىتتالعان ناقتى قادامدار.
اتاپ ايتقىم كەلەتٸنٸ, «قازاقفيلم» تەك كينوتۋىندىلار عانا ەمەس, ەڭ الدىمەن – شارۋاشىلىق جٷرگٸزۋشٸ كومپانييا جەنە بەسەكەگە قابٸلەتتٸ نارىق قاتىسۋشىسى. ول جوعارى كەسٸبي كينوٶنەردٸڭ دامۋىنا لايىقتى جاعداي جاسايدى. سوندىقتان مينيسترلٸك بۇل كەسٸپورىندى رەجيسسەر نەمەسە اكتەر ەمەس, كينوستۋدييا قىزمەتٸن تابىستى ەرٸ تيٸمدٸ جٷرگٸزۋگە قابٸلەتتٸ كەسٸبي مەنەدجەر باسقارۋى تيٸس دەگەن قاعيدانى بەرٸك ۇستانادى", دەيدٸ مينيستر.
