«مينيسترلىك رەتىندە بىرنەشە رەيتينگكە سۇيەنەمىز. ءبىراق رەيتينگ ءبىز ءۇشىن دە، قازاقستاندىقتار ءۇشىن دە ماڭىزدى ەمەس. ءبىز ءۇشىن قازاقستان اۋماعىندا ۇسىنىلاتىن بايلانىس ساپاسى ماڭىزدى. مەن قازاقستان ازاماتى رەتىندە ءسىز سياقتى ينتەرنەتتى قولدانامىن. مەندە جەكە ينتەرنەت جوق. سوندىقتان، قازاقستاندىقتاردىڭ بايلانىس ساپاسىنا قاتىستى سۇراقتار مەندە دە تۋىندايدى»، – دەدى مۋسين ۇكىمەتتەگى بريفينگتە جۋرناليستەردىڭ سۇراقتارىنا جاۋاپ بەرىپ.
ءسدياوم باسشىسى قازاقستانداعى ۇيالى بايلانىس جانە ينتەرنەت ساپاسى ماسەلەسىن تالقىلاۋ ءۇشىن اپتا سايىن ۇيالى بايلانىس وپەراتورلارىمەن كەزدەسەتىنىن ايتتى.
«مەن وپەراتورلارمەن كەزدەسىپ ءبىر ساعات بويى ولاردىڭ قانشا بازالىق ستانسيا ورناتقانىن، قانشاسىن جوندەۋ كەرەك ەكەنىن، قانشا اۋىستىرىلعانىن جانە ت.ب. تالقىلايمىز. شىن مانىندە، ءبىز، سرياپ رەتىندە، ونىمەن اينالىسپاۋىمىز كەرەك. وپەراتورلىق بيزنەس – نارىق، وندا ءاردايىم جەكە ويىنشىلار بولادى. ولار بىر-بىرىمەن باسەكەلەسىپ، ساپالى بايلانىس قىزمەتىن ۇسىنىپ، كليەنت ءۇشىن كۇرەسۋى كەرەك. ءبىراق بۇگىن «قازاقتەلەكوم» قۇرىلىمىندا ەكى ۇيالى بايلانىس وپەراتورى بار»، – دەدى مۋسين.
سونداي-اق، جۋرناليستەر مينيستردەن توكيو مەن استاناداعى ينتەرنەت ساپاسىن سالىستىرۋ تۋرالى تاعى دا سۇرادى.
«قازاقستاندىقتار جوعارى ساپالى ينتەرنەتكە لايىق. ءبىراق ءقازىر بايلانىس ساپاسى ءبىز بىرلەسىپ شەشۋىمىز كەرەك ماسەلەلەر بار. مەن حالىقارالىق اگەنتتىكتەردىڭ اناليتيكالىق ەسەپتەۋلەرىندە نە بار ەكەنىن تۇسىندىرە المايمىن. مەن توكيودا بولعان جوقپىن، سالىستىرا المايمىن، ءبىراق تاعى دا ايتامىن، ەگەر قازاقستاننىڭ ورتاشا تۇرعىنى مەن توكيونىڭ ورتاشا تۇرعىنىن سالىستىراتىن بولساق، وندا ءبىز مەنىڭ پايىمداۋىما ەمەس، قانداي دا ءبىر حالىقارالىق زەرتتەۋگە سۇيەنۋىمىز كەرەك»، – دەپ قورىتىندىلادى مۋسين.
