Baǵdat Mýsin taǵy da internet sapasy týraly: «Men Tokioda bolǵan joqpyn, salystyra almaimyn»
«Ministrlik retinde birneshe reitingke súienemiz. Biraq reiting biz úshin de, qazaqstandyqtar úshin de mańyzdy emes. Biz úshin Qazaqstan aýmaǵynda usynylatyn bailanys sapasy mańyzdy. Men Qazaqstan azamaty retinde siz siiaqty internetti qoldanamyn. Mende jeke internet joq. Sondyqtan, Qazaqstandyqtardyń bailanys sapasyna qatysty suraqtar mende de týyndaidy», – dedi Mýsin Úkimettegi brifingte jýrnalisterdiń suraqtaryna jaýap berip.
TsDIAÓM basshysy Qazaqstandaǵy uialy bailanys jáne internet sapasy máselesin talqylaý úshin apta saiyn uialy bailanys operatorlarymen kezdesetinin aitty.
«Men operatorlarmen kezdesip bir saǵat boiy olardyń qansha bazalyq stantsiia ornatqanyn, qanshasyn jóndeý kerek ekenin, qansha aýystyrylǵanyn jáne t.b. talqylaimyz. Shyn máninde, biz, TsRIAP retinde, onymen ainalyspaýymyz kerek. Operatorlyq biznes – naryq, onda árdaiym jeke oiynshylar bolady. Olar bir-birimen básekelesip, sapaly bailanys qyzmetin usynyp, klient úshin kúresýi kerek. Biraq búgin «Qazaqtelekom» qurylymynda eki uialy bailanys operatory bar», – dedi Mýsin.
Sondai-aq, jýrnalister ministrden Tokio men Astanadaǵy internet sapasyn salystyrý týraly taǵy da surady.
«Qazaqstandyqtar joǵary sapaly internetke laiyq. Biraq qazir bailanys sapasy biz birlesip sheshýimiz kerek máseleler bar. Men halyqaralyq agenttikterdiń analitikalyq esepteýlerinde ne bar ekenin túsindire almaimyn. Men Tokioda bolǵan joqpyn, salystyra almaimyn, biraq taǵy da aitamyn, eger Qazaqstannyń ortasha turǵyny men Tokionyń ortasha turǵynyn salystyratyn bolsaq, onda biz meniń paiymdaýyma emes, qandai da bir halyqaralyq zertteýge súienýimiz kerek», – dep qorytyndylady Mýsin.
