الماتىداعى №1 وبلىستىق بالالار ٷيٸنٸڭ تەربيەلەنۋشٸلەرٸ قوناەۆ قالاسىنا كٶشۋگە قارسى ەكەنٸن بٸلدٸرٸپ, بەينەٷندەۋ جارييالادى,- دەپ حابارلايدى Dalanews.kz
ولاردىڭ ايتۋىنشا, بۇعان دەيٸن الماتى وبلىسىنىڭ ەكٸمٸ مارات سۇلتانعازيەۆپەن, بٸلٸم باسقارماسىنىڭ ٶكٸلدەرٸمەن جەنە بالا قۇقىقتارى جٶنٸندەگٸ ۋەكٸل دينارا زەكيەۆامەن كەزدەسۋ ٶتكەن. سول كەزدە شەنەۋنٸكتەر مەكەمەنٸڭ كٶشٸرٸلمەيتٸنٸنە ۋەدە بەرگەن.
"بالالار ٷيٸ سول ورنىندا قالادى دەگەن بولاتىن. بٸراق ٷش اي ٶتتٸ, تاعى دا كٶشٸرۋ تۋرالى ەڭگٸمە باستالىپ كەتتٸ. تٸپتٸ بالالار ٷيٸن قوناەۆقا كٶشٸرۋ تۋرالى بۇيرىق شىققانىن كٶردٸك. نەلٸكتەن? بۇل قانداي شەشٸم? شەنەۋنٸكتەر, ەكٸمدەر, جاۋاپتى تۇلعالار, بالالاردى جايىنا قالدىرىڭىزدار", – دەدٸ تەربيەلەنۋشٸلەر ٶز ٷندەۋٸندە.
سونىمەن قاتار ولار قوناەۆ قالاسىنداعى جاڭا عيماراتتىڭ ماڭىندا ساپالى مەديتسينالىق مەكەمەلەردٸڭ جوق ەكەنٸن ايتىپ, الاڭداۋشىلىق بٸلدٸردٸ.
"بٸز بٷكٸل بالالار ٷيٸنٸڭ اتىنان زاماناۋي, وتباسىلىق ٷلگٸدەگٸ مەكەمە سۇرايمىز. بٸز باي ادامدار سيياقتى كٶپ نەرسە تالاپ ەتٸپ وتىرعان جوقپىز", – دەلٸنگەن ٷندەۋدە.
ايتا كەتەيٸك, الماتىداعى بوستاندىق اۋدانىنداعى باعاناشىل شاعىناۋدانىندا ورنالاسقان №1 وبلىستىق بالالار ٷيٸنە قاتىستى تاعى دا داۋ شىقتى. بيىل ناۋرىزدا وسى مەكەمەنٸڭ تەربيەلەنۋشٸلەرٸ ٶزدەرٸن الماتىدان قوناەۆ قالاسىنا كٶشٸرمەك بولعان بيلٸكتٸڭ شەشٸمٸنە قارسىلىق تانىتقان ەدٸ. قوعام بەلسەندٸلەرٸ بولسا, "ەكٸمدٸك بالالار ٷيٸ ورنالاسقان باعالى جەر تەلٸمٸن قۇرىلىس كومپانييالارىنىڭ بٸرٸنە بەرٸپ, ونىڭ ورنىنا تۇرعىن ٷي كەشەنٸن سالعىسى كەلەدٸ" دەپ دابىل قاققان بولاتىن.
جاعداي قوعامدىق نارازىلىققا ۇلاسقان سوڭ الماتى وبلىسىنىڭ ەكٸمٸ مارات سۇلتانعازيەۆ ارنايى مەلٸمدەمە جاساپ, "الماتىدا وقىپ جاتقان بالالاردىڭ ورنىنان قوزعالمايتىنىن, سەبەبٸ بۇل ولاردىڭ بەيٸمدەلۋٸ مەن قوعامعا ارالاسۋىنا كەرٸ ەسەر ەتەتٸنٸن" ايتقان.
ونىڭ سٶزٸنشە, بالالاردىڭ ٶزدەرٸ دە الماتىدان كەتكٸسٸ كەلمەيتٸنٸن جەتكٸزگەن. ەكٸمدٸك تٸپتٸ بۇل شەشٸمدٸ قابىلداۋ كەزٸندە تەربيەلەنۋشٸلەردٸڭ پٸكٸرٸن باستى نازارعا العانىن باسا ايتقان ەدٸ. وسىلايشا وبلىس ەكٸمدٸگٸ باستاپقى ۇستانىمىنان شەگٸنٸپ, بالالار ٷيٸ بۇرىنعى ورنىندا قالادى, ال قوناەۆ قالاسىندا تەك جاڭادان بالالاردى قابىلدايتىن ورتالىق اشىلادى دەگەن مەلٸمدەمە جاساعان.
الايدا ٷش اي ٶتپەي جاتىپ, دەپۋتات باقىتجان بازاربەك ەلەۋمەتتٸك جەلٸدە توسىن قۇجات جارييالادى. 2025 جىلى 10 شٸلدەدٸ الماتى وبلىسىنىڭ بٸلٸم باسقارماسى "ارنايى ەلەۋمەتتٸك قىزمەتتەرگە مۇقتاج بالالاردى قولداۋ جٶنٸندەگٸ وبلىستىق ورتالىقتىڭ مەكەنجايىن ٶزگەرتۋ تۋرالى" بۇيرىق شىعارعان ەكەن. ياعني بالالار ٷيٸنٸڭ بۇرىنعى ورنىنان قوناەۆقا كٶشۋ مەسەلەسٸ قايتادان كٷن تەرتٸبٸنە شىققان.
