ۇلىبريتانييالىق BAE Systems كومپانيياسى Air Astana-داعى 6,86% ٷلەسٸن تولىق ساتۋدى جوسپارلاپ وتىر. بۇل پاكەت نارىقتىق باعادان شامامەن 15% تٶمەن, ياعني بٸر دەپوزيتارلىق قولحات ٷشٸن شامامەن 5,1 دوللار دەڭگەيٸندە ۇسىنىلۋى مٷمكٸن. 18 ناۋرىزداعى ساۋدا قورىتىندىسى بويىنشا, Air Astana اكتسييالارى تاريحي ەڭ تٶمەنگٸ دەڭگەيگە دەيٸن قۇلدىراپ, 5,74%-عا (707,6 تەڭگەگە دەيٸن) تٶمەندەگەن.
BAE Systems-تٸڭ Air Astana كاپيتالىنان شىعۋى وتاندىق ەۋە كومپانيياسىنىڭ الداعى كٶرسەتكٸشتەرٸ مەن قىزمەتٸنە قالاي ەسەر ەتەدٸ? بۇل ساۋالعا Qazaq Expert Club تەڭ قۇرىلتايشىسى, ەكونوميست باۋىرجان شۋرمانوۆ جاۋاپ بەردٸ, دەپ حابارلايدى Dalanews.kz.
شۋرمانوۆتىڭ ايتۋىنشا, بۇل – 20 جىلدان استام ۋاقىتقا سوزىلعان ينۆەستيتسييالىق كەزەڭنٸڭ اياقتالۋى.
"BAE Systems Air Astana قۇرىلۋ كەزەڭٸندە نەگٸزگٸ سەرٸكتەس بولدى. كومپانييانىڭ كورپوراتيۆتٸك باسقارۋ جٷيەسٸن قالىپتاستىرۋعا جەنە حالىقارالىق بەدەلٸن ارتتىرۋعا ٷلكەن ٷلەس قوستى. IPO ٶتكەننەن كەيٸن ولاردىڭ قاتىسۋى ستراتەگييالىق ماڭىزىن جوعالتتى", – دەيدٸ ساراپشى.
ونىڭ ايتۋىنشا, بۇل جاعداي كومپانييادا مەسەلە بار دەگەندٸ بٸلدٸرمەيدٸ, بۇل – ينۆەستوردىڭ ٶز ٷلەسٸن ساتىپ, جوبادان شىعۋى. الايدا شىعۋ تەسٸلٸ ماڭىزدى.
"ٷلكەن كٶلەمدەگٸ اكتسييانى جەڭٸلدٸكپەن ساتۋ قىسقا ۋاقىتتا اكتسييا باعاسىنا قىسىم تٷسٸرەدٸ, ياعني باعا تٶمەندەۋٸ مٷمكٸن. سونىمەن قاتار نارىقتا اكتسييا سانى كٶبەيەدٸ, سەبەبٸ بۇل ٷلەس نەگٸزٸنەن ٸرٸ ينۆەستورلارعا ۇسىنىلادى", – دەپ تٷسٸندٸردٸ شۋرمانوۆ.
سونىمەن قاتار ەكونوميستٸڭ پٸكٸرٸنشە, بۇل مەمٸلە Air Astana-نىڭ وپەراتسييالىق قىزمەتٸنە تٸكەلەي ەسەر ەتپەيدٸ. كومپانييا جاڭا كاپيتال تارتپايدى, ال باسقارۋ قۇرىلىمى ٶزگەرٸسسٸز قالادى.
"دەگەنمەن بۇل جاعدايدىڭ جاناما ەسەرلەرٸ بار. بٸر جاعىنان, كومپانييا بۇرىنعىداي ٸرٸ شەتەلدٸك ينۆەستوردان ايىرىلادى, ال مۇنداي ينۆەستورلار ەدەتتە كومپانيياعا سىرتقى نارىقتا سەنٸم ارتتىراتىن ەدٸ. ەكٸنشٸ جاعىنان, اكتسييالاردىڭ ەركٸن ساتىلاتىن ٷلەسٸ كٶبەيەدٸ. بۇل – جاڭا ينۆەستورلار ٷشٸن جاقسى مٷمكٸندٸك. بۇعان دەيٸن اكتسييالار از بولعاندىقتان كٸرە الماعان ٸرٸ قورلار ەندٸ قىزىعۋشىلىق تانىتۋى مٷمكٸن. ۇزاق مەرزٸمدە بۇل كومپانييانىڭ ينۆەستورلار قۇرامىن جاقسارتىپ, ونى نارىققا بەيٸم, اشىق كومپانيياعا اينالدىرادى", – دەيدٸ ساراپشى.
شۋرمانوۆتىڭ ايتۋىنشا, BAE Systems-تٸڭ شىعۋى Air Astana ٷشٸن دەل بٸر وسال كەزەڭگە تۇسپا-تۇس كەلٸپ وتىر. قازٸر كومپانييا تاياۋ شىعىستاعى جاعداي مەن Pratt & Whitney قوزعالتقىشتارىنا قاتىستى مەسەلەلەرگە بايلانىستى تابىس پەن جۇمىس كٶرسەتكٸشتەرٸ جاعىنان قىسىم كٶرٸپ وتىر.
"جالپى, نارىققا ەسەرٸ ەرتٷرلٸ بولادى. قىسقا مەرزٸمدە – اكتسييالاردى جەڭٸلدٸكپەن ساتۋ جەنە ولاردىڭ نارىقتا كٶبەيۋٸ باعاعا كەرٸ ەسەر ەتۋٸ مٷمكٸن. ورتا مەرزٸمدە – جاعداي تۇراقتالادى, سەبەبٸ كومپانييانىڭ نەگٸزگٸ قىزمەتٸ ٶزگەرمەيدٸ. ال ۇزاق مەرزٸمدە – وڭ نەتيجە بولۋى ىقتيمال, ەگەر اكتسييالاردىڭ ەركٸن اينالىمى ارتىپ, جاڭا ينۆەستورلار كەلسە جەنە كومپانييا ەدٸل باعالانا باستاسا", - دەپ تٷيٸندەدٸ ەكونوميست.
