ٶز كەزگٸندە ازاماتحان ەمٸرتاي ەكٸمدەردٸ سايلاۋ كەرەك دەگەن تۇجىرىمعا كەلۋٸنە وسىدان بٸرنەشە كٷن بۇرىن جامبىل وبلىسى, مەركٸ اۋدانى ەكٸمٸنٸڭ ورىنباسارى مەيٸرجان سٷلەيمەنوۆتىڭ ٶز باسشىسىنىڭ سىرتىنان ساۋدالاپ, سىنعا قالۋى ەسەر ەتكەنٸن جاسارمادى.
– ەلٸمٸزدە «شەن-شەكپەندٸلەردٸڭ, ەكٸم-قارالاردىڭ ورنى ساتىلىپ الىنادى ەكەن» دەگەن سىپسىڭ سٶز شىندىققا اينالا باستاعانداي. بۇلاي دەيتٸنٸم كەشە عانا ەلەۋمەتتٸك جەلٸدە سٶز بوپ جاتقان جامبىل وبلىسى, مەركٸ اۋدانى ەكٸمٸنٸڭ ورىنباسارى مەيٸرجان سٷلەيمەنوۆتىڭ ٶزٸنٸڭ باسشىسىنىڭ جايلى ورنىن يەلەنۋگە 50 مىڭ دوللار بەرمەك بولعان ماسقارا قارەكەتٸ. بۇل جايت بٷكٸل ەكٸمدەردٸڭ ابىرويىنا جاعىلعان قارا كٷيە بولماق.
تٸپتٸ ەلگٸ بەيباق تەلەفونمەن (ٶڭٸردٸڭ بەلگٸلٸ بيزنەسٸمەنٸمەن) سٶيلەسٸپ جاتىپ, «ەلگٸ ورىن 50 مىڭ دوللار ەمەس, 200 مىڭ دوللارعا دەيٸن كٶتەرٸلٸپ كەتپەي مە?» دەگەن ٷرەيدە ايتقان كٶرٸنەدٸ. بۇل سٶزدٸڭ بەرٸ ۇلتتىق بيۋرو ٶكٸلدەرٸ ونىڭ تەلەفونىن تىڭداعاندا بەلگٸلٸ بولسا كەرەك. ٶزٸنٸڭ باسشىسىنىڭ ورنىن اقشا ارقىلى ساتىپ الماق بولعان مەيٸرجان سٷلەيمەنوۆتىڭ الداعى تاعدىرى نە بولماق? ەستۋٸمٸز شە ول قىزمەتتەن بوساتىلعان كٶرٸنەدٸ. جٶن-اق.
ەگەردە ەشكٸم بٸلمەي ول اۋدان ەكٸمٸنٸڭ ورىنتاعىن 200 مىڭ دوللارعا ساتىپ الىپ جاتسا, قالتاسىنان شىعارعان اقشانىڭ ورىن قالاي تولتىرادى? ورتا ەسەپپەن العاندا 200 مىڭ دولار 70 ميلليون تەڭگە. دەمەك شىققان شىعىندى اۋدان حالقىنىڭ ەسەبٸنەن جاباتىنى بەلگٸلٸ. ياعني پاراقورلىققا, جەمقورلىققا جول اشادى دەگەن سٶز. مٸنە, بٸزدٸڭ ەلدە جەمقورلىق وسىلاي ٶرشٸپ وتىر, – دەيدٸ قوعام بەلسەندٸسٸ.
– بۇل رەتتە سىبايلاس جەمقورلىققا قارسى اگەنتتٸك جۇمىسىن كٷشەيتۋٸ تيٸس. كٶزگە كٶرٸنٸپ تۇرعان ەڭ باستى مەسەلە, ەكٸم-قارالاردى تاعايىنداۋدىڭ دۇرىس ەمەستٸگٸ. «بارماق باستى, كٶز قىستى» بولىپ, رەتٸن تاۋىپ جىلى, مايلى ورىنعا وتىرعان ەكٸم قارا باسىنىڭ مٷددەسٸن بٸرٸنشٸ ورىنعا قوياتىنى بەلگٸلٸ.
قايتپەك كەرەك? دەمەك بارلىق ەكٸمدەردٸ تەك حالىقتىق سايلاۋ ارقىلى عانا بيلٸك تٸزگٸنٸن ۇستاتۋ قاجەت. سوندا عانا ولار حالىقپەن ساناسىپ, ەل الدىندا جاساعان ەڭبەگٸ ٷشٸن ەسەپ بەرەدٸ. ال ٷيتپەيٸنشە, وسى كەتكەنٸمٸز كەتكەن, – دەگەن ازاماتحان ەمٸرتاي ەكٸمدەردٸڭ جۇمىسىن جانداندىرۋدا سايلاۋدىڭ اسا ماڭىزدى ەكەنٸن العا تارتىپتى.
