Óz kezginde Azamathan Ámirtai ákimderdi sailaý kerek degen tujyrymǵa kelýine osydan birneshe kún buryn Jambyl oblysy, Merki aýdany ákiminiń orynbasary Meiirjan Súleimenovtyń óz basshysynyń syrtynan saýdalap, synǵa qalýy áser etkenin jasarmady.
– Elimizde «shen-shekpendilerdiń, ákim-qaralardyń orny satylyp alynady eken» degen sypsyń sóz shyndyqqa ainala bastaǵandai. Bulai deitinim keshe ǵana áleýmettik jelide sóz bop jatqan Jambyl oblysy, Merki aýdany ákiminiń orynbasary Meiirjan Súleimenovtyń óziniń basshysynyń jaily ornyn ielenýge 50 myń dollar bermek bolǵan masqara qareketi. Bul jait búkil ákimderdiń abyroiyna jaǵylǵan qara kúie bolmaq.
Tipti álgi beibaq telefonmen (óńirdiń belgili biznesimenimen) sóilesip jatyp, «álgi oryn 50 myń dollar emes, 200 myń dollarǵa deiin kóterilip ketpei me?» degen úreide aitqan kórinedi. Bul sózdiń bári ulttyq biýro ókilderi onyń telefonyn tyńdaǵanda belgili bolsa kerek. Óziniń basshysynyń ornyn aqsha arqyly satyp almaq bolǵan Meiirjan Súleimenovtyń aldaǵy taǵdyry ne bolmaq? Estýimiz she ol qyzmetten bosatylǵan kórinedi. Jón-aq.
Egerde eshkim bilmei ol aýdan ákiminiń oryntaǵyn 200 myń dollarǵa satyp alyp jatsa, qaltasynan shyǵarǵan aqshanyń oryn qalai toltyrady? Orta eseppen alǵanda 200 myń dolar 70 million teńge. Demek shyqqan shyǵyndy aýdan halqynyń esebinen jabatyny belgili. Iaǵni paraqorlyqqa, jemqorlyqqa jol ashady degen sóz. Mine, bizdiń elde jemqorlyq osylai órship otyr, – deidi qoǵam belsendisi.
– Bul rette Sybailas jemqorlyqqa qarsy agenttik jumysyn kúsheitýi tiis. Kózge kórinip turǵan eń basty másele, ákim-qaralardy taǵaiyndaýdyń durys emestigi. «Barmaq basty, kóz qysty» bolyp, retin taýyp jyly, maily orynǵa otyrǵan ákim qara basynyń múddesin birinshi orynǵa qoiatyny belgili.
Qaitpek kerek? Demek barlyq ákimderdi tek halyqtyq sailaý arqyly ǵana bilik tizginin ustatý qajet. Sonda ǵana olar halyqpen sanasyp, el aldynda jasaǵan eńbegi úshin esep beredi. Al úitpeiinshe, osy ketkenimiz ketken, – degen Azamathan Ámirtai ákimderdiń jumysyn jandandyrýda sailaýdyń asa mańyzdy ekenin alǵa tartypty.
