«ازاماتتارعا ارنالعان ۇكىمەت» شقو بويىنشا فيليالىنىڭ ديرەكتورى ازامات ەسەمبۋلوۆتىڭ ايتۋىنشا، حقو-عا قۇجاتتارىنىڭ مەرزىمى ءوتىپ كەتكەن كليەنتتەر ءجيى جۇگىنەدى. ال ق ر «اكىمشىلىك قۇقىق بۇزۋشىلىق تۋرالى» كودەكسىنە سايكەس، قازاقستان رەسپۋبليكاسى ازاماتتارىنىڭ تىركەۋسىز نەمەسە جەكە باسىن كۋالاندىراتىن قۇجاتتارسىز ءبىر ايدان استام ءجۇرۋى 7 اەك مولشەرىندە ايىپپۇلدىڭ سالىنۋىنا اكەپ سوعادى.
«جەكە كۋالىكتى تۇرعىلىقتى تىركەۋ ورنىنا قاراماستان كەز كەلگەن حقو-دا اۋىستىرۋعا بولادى. وندا تەك 0،2 اەك مولشەرىندە مەملەكەتتىك باج تولەۋ قاجەت. جاڭا قۇجات 15 جۇمىس كۇنى ىشىندە دايىن بولادى. قالاۋىڭىز بويىنشا قوسىمشا اقى تولەپ، كۋالىكتى دايىنداۋ مەرزىمىن بەس جۇمىس كۇنىنە دەيىن جەدەلدەتۋگە بولادى»، - دەپ ناقتىلاپ ءوتتى فيليال ديرەكتورى.
سونداي-اق، جەكە كۋالىك 16 جاستان باستاپ بەرىلەدى. العاشقى قۇجاتتى الۋ ءۇشىن ءجاسوسپىرىم اتا-اناسىنىڭ بىرىمەن حقو-عا جۇگىنۋى كەرەك. ءوتىنىش بەرۋ ءۇشىن تۋۋ تۋرالى كۋالىك، ءتولقۇجات (بار بولسا) جانە مەملەكەتتىك باج سالىعىنىڭ تولەنگەنى تۋرالى تۇبىرتەك تاپسىرۋ قاجەت.
تۋۋ تۋرالى كۋالىكتە تەگىن نەمەسە اتىن وزگەرتكەن، نەكەگە تۇرۋعا/بۇزۋعا بايلانىستى تەگىن وزگەرتكەندەر دە ءبىر اي ىشىندە قۇجاتىن جاڭارتۋى ءتيىس.
ايتا كەتەيىك، شقو بويىنشا جىل باسىنان بەرى جەكە باستى كۋالاندىراتىن 30 مىڭنان استام قۇجات بەرىلگەن.
انىقتاما: پاسپورت مەرزىمى وتكەن جاعدايدا ايىپپۇل قاراستىرىلماعان. ول شەتەلگە شىعۋ ءۇشىن پايدالانىلاتىن قۇجات. ءتولقۇجات الۋ ءۇشىن كەز كەلگەن حقو-عا جۇگىنۋگە بولادى. مەملەكەتتىك باج مولشەرى – 8 اەك.
