«Azamattarǵa arnalǵan úkimet» ShQO boiynsha filialynyń direktory Azamat Esembýlovtyń aitýynsha, HQO-ǵa qujattarynyń merzimi ótip ketken klientter jii júginedi. Al QR «Ákimshilik quqyq buzýshylyq týraly» kodeksine sáikes, Qazaqstan Respýblikasy azamattarynyń tirkeýsiz nemese jeke basyn kýálandyratyn qujattarsyz bir aidan astam júrýi 7 AEK mólsherinde aiyppuldyń salynýyna ákep soǵady.
«Jeke kýálikti turǵylyqty tirkeý ornyna qaramastan kez kelgen HQO-da aýystyrýǵa bolady. Onda tek 0,2 AEK mólsherinde memlekettik baj tóleý qajet. Jańa qujat 15 jumys kúni ishinde daiyn bolady. Qalaýyńyz boiynsha qosymsha aqy tólep, kýálikti daiyndaý merzimin bes jumys kúnine deiin jedeldetýge bolady», - dep naqtylap ótti filial direktory.
Sondai-aq, jeke kýálik 16 jastan bastap beriledi. Alǵashqy qujatty alý úshin jasóspirim ata-anasynyń birimen HQO-ǵa júginýi kerek. Ótinish berý úshin týý týraly kýálik, tólqujat (bar bolsa) jáne memlekettik baj salyǵynyń tólengeni týraly túbirtek tapsyrý qajet.
Týý týraly kýálikte tegin nemese atyn ózgertken, nekege turýǵa/buzýǵa bailanysty tegin ózgertkender de bir ai ishinde qujatyn jańartýy tiis.
Aita keteiik, ShQO boiynsha jyl basynan beri jeke basty kýálandyratyn 30 myńnan astam qujat berilgen.
Anyqtama: Pasport merzimi ótken jaǵdaida aiyppul qarastyrylmaǵan. Ol shetelge shyǵý úshin paidalanylatyn qujat. Tólqujat alý úshin kez kelgen HQO-ǵa júginýge bolady. Memlekettik baj mólsheri – 8 AEK.
