ءىىم اۆتونەسيەلەۋدىڭ قىلمىستىق سحەماسىن اشكەرەلەدى، دەپ حابارلايدى Dalanews.kz.
19 قاڭتاردا ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى الماتى، شىمكەنت قالالارىندا، سونداي-اق، الماتى، باتىس قازاقستان جانە تۇركىستان وبلىستارىندا الەۋمەتتىك وسال ازاماتتاردىڭ اتىنا اۆتونەسيە راسىمدەپ، كەيىن كولىكتەردى شەتەلگە شىعارىپ وتىرعان قىلمىستىق توپتىڭ قىزمەتىن توقتاتتى.
"كۇدىكتىلەر قىسىم كورسەتۋ جانە قورقىتۋ ارقىلى قورعانسىز ازاماتتاردى ءوز اتىنا اۆتونەسيە راسىمدەۋگە ماجبۇرلەگەن. تولەم قابىلەتتىلىگى بار دەگەن جالعان كورسەتكىش قالىپتاستىرۋ ماقساتىندا كۇدىكتىلەر ازاماتتاردىڭ بانك شوتتارىن ۋاقىتشا تولىقتىرىپ، ولاردىڭ كرەديت تاريحىن جاساندى تۇردە جاقسارتقان. كۇدىكتىلەر جالعان قۇجاتتاردى پايدالانا وتىرىپ، كولىكتەردى كەپىلگە قويىپ، ميكروقارجى ۇيىمدارىنان نەسيە العان. وسىدان سوڭ قىمبات كولىكتەر شەتەلدە ساتىلعان"، - دەپ جازىلعان حابارلامادا.
ءقازىر وسىنداي 15 دەرەك انىقتالىپ، وزگە دە ەپيزودتار بويىنشا جۇمىس جۇرگىزىلىپ جاتىر.
ءتىنتۋ ءىس-شارالارى بارىسىندا بىرنەشە اتىس جانە سۋىق قارۋ، وق-دارىلەر، قىلمىستىق ارەكەتتەردى راستايتىن قۇجاتتار تاركىلەنگەن.
"نەگىزگى 6 كۇدىكتى قاماۋعا الىنىپ، ۋاقىتشا ۇستاۋ يزولياتورىنا قامالدى"، - دەپ جازىلعان حابارلامادا.
