جەتٸسۋ وبلىسىندا اپەللياتسييالىق سوت ايزات جۇمانوۆانىڭ ٶلٸمٸنە قاتىستى قىلمىستىق ٸستٸ قارايدى. جەبٸرلەنۋشٸ تاراپ سوتتالعان ادامعا تاعايىندالعان جازانى قاتاڭداتۋدى تالاپ ەتٸپ وتىر, دەپ حابارلايدى Dalanews.kz.
بۇل تۋرالى جەبٸرلەنۋشٸ تاراپتىڭ مٷددەسٸن قورعاپ وتىرعان ادۆوكاتتاردىڭ بٸرٸ حابارلادى. ولار ٸستٸ نەعۇرلىم اۋىر باپ بويىنشا قايتا سارالاۋ قاجەت ەكەنٸن العا تارتىپ وتىر.
ەڭگٸمە كٷيەۋٸ سوققىعا جىعىپ, سونىڭ سالدارىنان قازا تاپقان جاس ەيەل ايزات جۇمانوۆانىڭ ٶلٸمٸنە بايلانىستى قوزعالعان قىلمىستىق ٸس تۋرالى بولىپ وتىر.
ٸس اپەللياتسييالىق ساتىنىڭ ٶندٸرٸسٸنە قابىلدانعان. سوت وتىرىسى 25 اقپانعا بەلگٸلەنگەن.
«بٸرٸنشٸ ساتىداعى سوتتا-اق بٸز بۇل ٸستٸڭ قىلمىستىق كودەكستٸڭ 99-بابىنىڭ 1-بٶلٸگٸمەن ەمەس, ەرەكشە قاتىگەزدٸكپەن جاسالعان ادام ٶلتٸرۋ رەتٸندە, ياعني وسى باپتىڭ 2-بٶلٸگٸ بويىنشا قارالۋى تيٸس ەكەنٸن ايتقانبىز. تيٸستٸ دەلەلدەردٸ دە ۇسىندىق. الايدا سوت ونى ەسكەرمەدٸ, پروكۋراتۋرا دا تيٸستٸ دەڭگەيدە ەرەكەت ەتپەدٸ. بٸز ٸستٸڭ مەن-جايى مەن سالدارى قاتاڭىراق قۇقىقتىق باعا بەرۋدٸ تالاپ ەتەدٸ دەپ ەسەپتەيمٸز. ايىپتالۋشىنىڭ ەرەكەتٸ قىلمىستىق كودەكستٸڭ 99-بابىنىڭ 2-بٶلٸگٸ بويىنشا, ياعني 15 جىلدان 20 جىلعا دەيٸن نەمەسە ٶمٸر بويىنا باس بوستاندىعىنان ايىرۋدى كٶزدەيتٸن نورما اياسىندا قارالۋى كەرەك», - دەدٸ جەبٸرلەنۋشٸ تاراپتىڭ ادۆوكاتى زارينا مەيرەمباەۆا.
ەسكە سالايىق, بيىل 9 قاڭتاردا سوت ايبار جانبولاتتى قىلمىستىق كودەكستٸڭ 99-بابىنىڭ 1-بٶلٸگٸ بويىنشا كٸنەلٸ دەپ تانىپ, وعان ورتاشا قاۋٸپسٸزدٸك مەكەمەسٸندە 14 جىل باس بوستاندىعىنان ايىرۋ جازاسىن تاعايىنداعان بولاتىن.
