13 سەۋٸردە الماتىداعى №12 قالالىق كلينيكالىق اۋرۋحاناسىنىڭ 20 مەديتسينالىق قىزمەتكەرٸنٸڭ كوروناۆيرۋس جۇقتىرعانى بەلگٸلٸ بولدى. ارتىنان بۇل اۋرۋحانانىڭ بٷتٸندەي كارانتينگە جابىلعانى جارييالاندى. جەلٸدە وسى اۋرۋحانانىڭ كوروناۆيرۋسقا شالدىققان تراۆموتولوگ دەرٸگەرٸ - ديداردىڭ ۆيدەوسى پايدا بولدى, دەپ حابارلايدى Dalanews.kz.
الماتىلىق دەرٸگەر ديدار مەركٸدەگٸ ەرٸپتەسٸ تولقىناي سەكٸلدٸ ٶزدەرٸنٸڭ قورعانىس قۇرالدارىمەن تولىقتاي قامتاماسىز ەتٸلمەگەنٸن اشىپ ايتىپ, قۇزىرلى ورگان مەن پرەزيدەنتتەن ٶز ٸستەرٸنە قاتىستى ەدٸل تەكسەرۋ جٷرگٸزۋدٸ سۇرايدى.
سونداي-اق ول ٶزٸ جۇمىس ٸستەيتٸن اۋرۋحانانى عانا ەمەس, ەلٸمٸزدٸڭ بارلىق ٶڭٸرٸندەگٸ اۋرۋحانالاردى جاپپاي تەكسەرۋدٸ, سٶيتٸپ كوروناۆيرۋستىڭ تارالۋ وشاعىن دەر كەزٸندە اۋىزدىقتاۋدى سۇرايدى.
بۇل ۆيدەو جۋرناليست ماقسات تولىقبايدىڭ Facebook-تەگٸ پاراقشاسىندا جارييالاندى.
- بٸز باسىندا تەك مەديتسينالىق ماسكامەن جٷردٸك. ال پنەۆمونييا, جٶتەلگەن ناۋقاستاردىڭ بارلىعى تٶتەنشە جاعداي جارييالانعاننان باستاپ بٸزگە اعىلىپ تٷسٸپ جاتتى.
بٸز بولساق, بٸر ماسكامەن جٷردٸك, تٷسٸنەسٸزدەر مە? ارنايى كيٸم, ارنايى ماسكا, كٶزٸلدٸرٸك دەگەن سەكٸلدٸ قورعانىس قۇرالدارى بٸزدە بولعان جوق.
مٸنە, بەرتٸنگە دەيٸن, تەك 7 سەۋٸردە عانا بەرە باستادى ونى بٸزگە. بەرٸ كەش بولعاندا. وسىلاي ٸندەت وشاعىنا اينالدىق. ايتايىن دەگەنٸم, تەكسەرۋدٸ ەدٸل جٷرگٸزسٸن. بٸز وتباسىمىز ٷشٸن, قىزمەتتٸك ابىرويىمىز ٷشٸن الاڭدايمىز. ەڭ دۇرىسى, كوروناۆيرۋس كٶپتەپ تاراپ كەتپەسٸن دەمەسە, قازاقستاننىڭ بارلىق اۋرۋحاناسىن تەكسەرسٸن. قالاداعى بٸزدەگٸ جاعداي مىناۋ, ال ٶڭٸرلەردە نە بولىپ جاتىر, ونى ەلەستەتۋدٸڭ ٶزٸ قيىن? مۇندا جاپپاي اۋرۋ جۇقتىرعاندار - بەرٸ كارانتيندە, بەرٸ تالداۋ نەتيجەسٸن كٷتٸپ, بٸر-بٸرٸمٸز ٷشٸن الاڭداپ وتىرمىز, - دەيدٸ ۆيدەودا الماتىلىق دەرٸگەر.
