دەپۋتات اسحات ايماعامبەتوۆ بۋرابايدا ٶتكەن ۇلتتىق قۇرىلتايدىڭ IV وتىرىسىندا كٶتەرٸلگەن مەسەلەلەرگە كەڭٸنەن توقتالىپ, بۇل رەتتە قر پارلامەنتٸ مەجٸلٸسٸندە قانداي زاڭ جوبالارى قاراستىرىلىپ جاتقانىن ايتتى, دەپ حابارلايدى Dalanews.kz.
"پرەزيدەنت ۇلتتىق قۇرىلتايدا ەلدٸڭ بولاشاعى, دامۋى جەنە قازاقستان مىقتى بولا تٷسۋٸ ٷشٸن دەل قازٸر قانداي قادامدار جاساۋ كەرەكتٸگٸ تۋرالى ويلارىمەن بٶلٸستٸ. ەڭ باستىسى – العا جىلجۋ. ەكونوميكا, ادامي كاپيتال, تەحنولوگييالار, مٸنە وسىلاردىڭ بارلىعىن دامىتۋ كەرەك" دەگەن دەپۋتات Facebook-تەگٸ جازباسىندا كەيبٸر سالالارعا جەكەلەي توقتالادى.
بٸلٸم بەرۋ جەنە عىلىم
مەكتەپتەردٸ سالۋ جەتكٸلٸكسٸز, ولاردى زاماناۋي, قولجەتٸمدٸ ەرٸ ىڭعايلى ەتۋ كەرەك. بۇل – قالادا دا, شالعاي اۋىلدا دا, شەكارالاس ٶڭٸرلەردە دە تۇراتىن ەر بالانىڭ يگٸلٸگٸ ٷشٸن جاسالاتىن شارۋا. ستۋدەنتتەر مەن جاس عالىمداردى, تەحنولوگييالاردى قولداۋ – جاي شىعىن ەمەس, بولاشاققا قۇيىلعان ينۆەستيتسييا. قازٸر دەپۋتاتتار "عىلىمي قالاشىقتار" جٶنٸندەگٸ زاڭ جوباسىمەن اينالىسىپ جاتىر. بۇل – عىلىمدى بەلسەندٸ دامىتۋداعى ماڭىزدى بەتبۇرىس بولماق.
دەنساۋلىق ساقتاۋ جەنە ەلەۋمەتتٸك قورعاۋ سالاسى
اۋرۋحانالار مەن وڭالتۋ ورتالىقتارى حالىققا جاقىن ورنالاسۋى تيٸس. ەمدەلۋ ٷشٸن ادامدار جٷزدەگەن شاقىرىمدى ەڭسەرمەۋٸ كەرەك. پرەزيدەنت وسىنداي ولقىلىقتاردى جويۋ باعىتىندا ٷلكەن جۇمىستار قولعا الىنعانىن اتاپ ٶتتٸ.
مەملەكەت باسشىسى ەرەكشە قاجەتتٸلٸگٸ بار بالالار مەن ينكليۋزيۆتٸ وقىتۋ مەسەلەسٸنە دە نازار اۋدارىپ, ارنايى زاڭ ەزٸرلەۋدٸ تاپسىردى. بۇل – جەي عانا كٶمەك ەمەس, بۇل ەربٸر بالانىڭ لايىقتى بٸلٸم الىپ, قوعامعا بەيٸمدەلۋٸنە, تولىققاندى ٶمٸر سٷرۋٸنە جول اشاتىن باستاما. وتباسىلاردى, ەيەلدەر مەن بالالاردى قولداۋ, ٶمٸردٸڭ قيىن جاعدايىنا تاپ بولعان ادامدارعا كٶمەكتەسۋ – جەي ايتىلعان بوس سٶز ەمەس, ناقتى شەشٸلۋٸ كەرەك مٸندەتتەر.
مەدەنيەت جەنە ۇلتتىق بەينە
ۇلتتىق مەدەنيەت – حالىقتىڭ جانى مەن رۋحاني قازىناسى. فيلمدەر, تەاترلار مەن كٸتاپتار – تەك ٶنەر تۋىندىلارى ەمەس, ۇلتتىڭ بولمىسىن تانىتاتىن قۇندىلىقتار. كينويندۋسترييانى دامىتۋ تۋرالى زاڭنامالىق ٶزگەرٸستەر ەزٸرلەنٸپ جاتقانى دا وسىعان دەلەل. بۇل جەردە تەك قاراجات بٶلۋ ەمەس, مازمۇن مەن ساپانىڭ جوعارى بولۋىن قامتاماسىز ەتۋ ماڭىزدى.
سونداي-اق, جەكە بٸلٸم بەرۋ ۇيىمدارىنا قاتىستى اتاۋلاردى رەتتەۋ مەسەلەسٸ تالقىلانۋدا. زاڭ جوباسى بٸرٸنشٸ وقىلىمنان ٶتتٸ.
تەاترلار مەن ولاردىڭ ينفراقۇرىلىمىن قولداۋ – ماڭىزدى مٸندەت. مٷمكٸن, بيزنەس پەن دەمەۋشٸلەردٸ تارتىپ, زاڭنامالىق تۇرعىدان جٷيەلٸ قولداۋ مەحانيزمٸن جاساۋ قاجەت بولار.
سپورت جەنە ٶڭٸرلەردٸ دامىتۋ
بالالارعا ويىن الاڭدارى, جاستارعا لايىقتى سپورت ورتالىقتارى كەرەك. چەمپيون بولۋ – ەركٸمنٸڭ ارمانى, الايدا ەڭ باستىسى – حالىقتىڭ دەنساۋلىعىن نىعايتۋ. ٶڭٸرلەر سٶز جٷزٸندە ەمەس, ٸس جٷزٸندە قارىشتاۋى تيٸس. ادامدار ٶز ٶزٸنٸڭ تۋعان قالاسىندا, اۋىلىندا تاڭداۋ بولماعاندىقتان ەمەس, قولايلى جاعدايلارعا جاساۋعا مٷمكٸندٸكتەر بولعاندىقتان ٶمٸر سٷرۋٸ كەرەك.
بۇدان ەرٸ نە بولماق?
پرەزيدەنت – ناقتى ەرەكەتتەرگە بەت بۇرۋ قاجەتتٸگٸن اتاپ ٶتتٸ. تاريحي مۇرامىزدى قادٸرلەي وتىرىپ, ٶتكەنگە بايلانىپ قالماي, بولاشاققا قاراي ۇمتىلۋىمىز قاجەت.
بٷگٸندە دەپۋتاتتار ەرەكشە بالالاردى قولداۋ, "عىلىمي قالاشىقتاردى" قۇرۋ, كينويندۋسترييا, بٸلٸم بەرۋ مەكەمەلەرٸنٸڭ اتاۋلارىن رەتتەۋ, دەنساۋلىق ساقتاۋ مەن مەدەنيەت سالاسىن دامىتۋعا قاتىستى زاڭدار مەن تٷزەتۋلەردٸ دايارلاپ جاتىر. تەاترلاردى قولداۋ مەن ولاردىڭ ينفراقۇرىلىمىن جەتٸلدٸرۋ ٷشٸن قوسىمشا شارالار قولعا الىنۋى دا ىقتيمال.
الدا ٷلكەن جۇمىس كٷتٸپ تۇر.
