تەك ناۋقاس انىقتالعان سىنىپتاردىڭ وقۋشىلارى عانا ونلاين وقۋعا كوشكەن. بۇعان قوسا، سىرقاتتانعان ۇستازدار دا از ەمەس، دەپ حابارلايدى Dalanews.kz 31 ارنانىڭ “ينفورمبيۋرو” جاڭالىقتارىنا سىلتەمە جاساپ.
ساباق باستالىپ ۇلگەرمەي جاتىپ، الماتى وبلىسىنىڭ 301 وقۋشىسى كوروناۆيرۋس جۇقتىرىپ اۋىرىپ قالدى. سونىڭ سالدارىنان 122 سىنىپ كارانتينگە جابىلعان. ءقازىر ىندەت جۇقتىرعان وقۋشىلاردىڭ بارلىق سىنىپتاستارى، ياعني 1500-گە جۋىق وقۋشى قاشىقتان وقۋعا جىبەرىلدى.
وقۋشىلار اراسىندا ىندەتكە شالدىققاندار اسىرەسە تالدىقورعاندا كوپ. وبلىس ورتالىعىندا 80 وقۋشىدان COVID-19 انىقتالعان ەكەن.
اۋدان ورتالىقتارى، اۋىلداردا دا جاعداي ءماز ەمەس. ءقازىر ءقاۋىپتى ىندەت ەڭبەكشىقازاق، ۇيعىر، تالعار اۋداندارىندا دا دەندەپ تۇر. ونداعى 80-گە تارتا وقۋشى ەم قابىلداپ جاتىر.
قىزىلوردا وبلىسىندا ءدال ءقازىر 102 وقۋشى ينفەكسياسى اۋىرىپ جاتىر. ولاردىڭ ىشىندە 10 وقۋشى ىندەتتى مەكتەپكە بارىپ جۇرگەندە جۇقتىرعان. ءبىراق ماماندار بۇل بالالار جۇقپالى ىندەتتى ءبىلىم ۇياسىندا ەمەس، ۇيلەرىندەگى جانداردان جۇقتىرعان دەيدى.
سونىمەن قوسا وبلىستاعى مەكتەپتەردە ءبىلىم بەرەتىن 22 ءمۇعالىمنىڭ Covid-19-عا شالدىققانى بەلگىلى بولعان.
ءقازىر مۇعالىمدەرى مەن وقۋشىلارىنان ىندەت انىقتالعان سىنىپتار كارانتينگە جابىلىپ، وقۋشىلار ونلاين فورماتتا وقىپ جاتىر. جانە سىنىپ بولمەلەرىنە ىندەتكە قارسى دەزينفەكسيالاۋ جۇمىستارى جۇرگىزىلىپ جاتىر دەيدى ماماندار.
ەلىمىزدىڭ سولتۇستىگىندە جاڭا وقۋ جىلى باستالعان ون كۇننىڭ ىشىندە تولىعىمەن كارانتينگە جابىلعان مەكتەپتەر جوق. ءبىراق قالا مەن اۋىلداردا 84 وقۋشىدان ۆيرۋس انىقتالىپ، 22 سىنىپ كارانتينگە جابىلعان.
ءقازىر بالالار ساباقتى ونلاين وقىپ جاتىر. وقۋشىلاردان بولەك، ون توعىز مۇعالىمنەن ۆيرۋس انىقتالعان ەكەن.
“مەكتەپ جاسىنداعى بالالاردىڭ اراسىندا 84 جاعداي تىركەلدى. ولاردىڭ 22ء-ى ءداستۇرلى فورماتتا وقىعان. قالعاندارى جازعى دەمالىس كەزىندە اتا-انالارىنان جۇقتىرعان بولىپ شىقتى. سونداي-اق ءتورت بالاباقشا تاربيەلەنۋشىسى ۆيرۋس جۇقتىردى”، – دەدى سقو سانيتارلىق ەپيدەميولوگيالىق باقىلاۋ دەپارتامەنتىنىڭ باسشىسى اسەت جۇماتايەۆ.
ماماندار جاعداي ۋشىعا بەرسە وقۋشىلاردى ۇيدەن وقىتامىز دەيدى. ال ازىرگە بالالار مەن اتا-انالاردى سانتيرالىق جانە كارانتين تالاپتارىن ساقتاۋعا شاقىرادى.
https://www.youtube.com/watch؟v=au0uauxPDWU
