Tek naýqas anyqtalǵan synyptardyń oqýshylary ǵana onlain oqýǵa kóshken. Buǵan qosa, syrqattanǵan ustazdar da az emes, dep habarlaidy Dalanews.kz 31 arnanyń “Informbiýro” jańalyqtaryna silteme jasap.
Sabaq bastalyp úlgermei jatyp, Almaty oblysynyń 301 oqýshysy koronavirýs juqtyryp aýyryp qaldy. Sonyń saldarynan 122 synyp karantinge jabylǵan. Qazir indet juqtyrǵan oqýshylardyń barlyq synyptastary, iaǵni 1500-ge jýyq oqýshy qashyqtan oqýǵa jiberildi.
Oqýshylar arasynda indetke shaldyqqandar ásirese Taldyqorǵanda kóp. Oblys ortalyǵynda 80 oqýshydan COVID-19 anyqtalǵan eken.
Aýdan ortalyqtary, aýyldarda da jaǵdai máz emes. Qazir qaýipti indet Eńbekshiqazaq, Uiǵyr, Talǵar aýdandarynda da dendep tur. Ondaǵy 80-ge tarta oqýshy em qabyldap jatyr.
Qyzylorda oblysynda dál qazir 102 oqýshy infektsiiasy aýyryp jatyr. Olardyń ishinde 10 oqýshy indetti mektepke baryp júrgende juqtyrǵan. Biraq mamandar bul balalar juqpaly indetti bilim uiasynda emes, úilerindegi jandardan juqtyrǵan deidi.
Sonymen qosa oblystaǵy mektepterde bilim beretin 22 muǵalimniń Covid-19-ǵa shaldyqqany belgili bolǵan.
Qazir muǵalimderi men oqýshylarynan indet anyqtalǵan synyptar karantinge jabylyp, oqýshylar onlain formatta oqyp jatyr. Jáne synyp bólmelerine indetke qarsy dezinfektsiialaý jumystary júrgizilip jatyr deidi mamandar.
Elimizdiń soltústiginde jańa oqý jyly bastalǵan on kúnniń ishinde tolyǵymen karantinge jabylǵan mektepter joq. Biraq qala men aýyldarda 84 oqýshydan virýs anyqtalyp, 22 synyp karantinge jabylǵan.
Qazir balalar sabaqty onlain oqyp jatyr. Oqýshylardan bólek, on toǵyz muǵalimnen virýs anyqtalǵan eken.
“Mektep jasyndaǵy balalardyń arasynda 84 jaǵdai tirkeldi. Olardyń 22-i dástúrli formatta oqyǵan. Qalǵandary jazǵy demalys kezinde ata-analarynan juqtyrǵan bolyp shyqty. Sondai-aq tórt balabaqsha tárbielenýshisi virýs juqtyrdy”, – dedi SQO sanitarlyq epidemiologiialyq baqylaý departamentiniń basshysy Áset Jumataev.
Mamandar jaǵdai ýshyǵa berse oqýshylardy úiden oqytamyz deidi. Al ázirge balalar men ata-analardy santiralyq jáne karantin talaptaryn saqtaýǵa shaqyrady.
https://www.youtube.com/watch?v=au0uauxPDWU
