دەپۋتات اسحات ايماعامبەتوۆ ٷكٸمەت ساعاتىندا ەلدەگٸ جۇمىسسىزدىق مەسەلەسٸن قوزعادى, - دەپ حابارلايدى Dalanews.kz.
اسحات ايماعامبەتوۆ بايانداماسىن تاكسي جٷرگٸزۋشٸسٸمەن بولعان ەڭگٸمەسٸنەن باستادى.
«جۋىردا تاكسيدە كەلە جاتىپ, جٷرگٸزۋشٸمەن ەڭگٸمەلەستٸم. ونىڭ ەسٸمٸ سەرجان ەكەن. مۇنىڭ الدىندا گيدرولوگ-ينجەنەر بولىپ جۇمىس ٸستەپتٸ. ول ٶزٸنٸڭ جۇمىسى تۋرالى, سۋ رەسۋرسىن باسقارۋ تۋرالى مايىن تامىزىپ ەڭگٸمەنٸ باستاپ كەتتٸ. بٸر ۋاقىتتتا مەنٸڭ سۇراق قوياتىنىمدى تٷسٸندٸ مە, كٸشٸگٸرٸم ٶكٸنٸشپەن, «تٷسٸنەسٸز عوي, مەنٸڭ وتباسىم بار, موينىمدا نەسيەلەرٸم بار دەگەندەي, سوندىقتان ٶز ماماندىعىمدى – گيدرولوگييا سالاسىن قانشالىقتى جاقسى كٶرسەم دە, ينجەنەر-گيدرولوگتىڭ جالاقىسىمەن الىسقا بارا المايسىڭ» دەپ اقتالۋعا تىرىستى. بۇل – بٸر ادامنىڭ عانا باسىندا بار جاعداي ەمەس, بٸزدەگٸ ەڭبەك نارىعىنداعى تٷيتكٸلدٸ مەسەلەلەردٸڭ كٶرٸنٸسٸ دەپ ايتار ەدٸم. مەنٸڭ ويىمشا, وسىندا وتىرعان ەر دەپۋتات ەلٸ تالاي وسىنداي مىسالداردى ايتىپ بەرە الادى. نەگە وسىنداي بٸلٸكتٸ ماماندار ٶز ماماندىقتارى بويىنشا جۇمىس ٸستەمەي جٷر? ەڭبەك نارىعىنداعى ديسبالانستىڭ سەبەبٸ نەدە? نەگە ماماندار جەتكٸلٸكسٸز» - دەدٸ ايماعامبەتوۆ.
دەپۋتاتتىڭ سٶزٸنشە, كەيبٸر ماماندىقتارعا گرانت بٶلٸنسە دە بٸردە-بٸر ادام ٶتٸنٸش بەرمەگەن.
«تاعى بٸر اقپارات: بٸز ماماندار جەتٸسپەيدٸ دەيمٸز. بٸراق گرانتتاردى يگەرۋ كەزٸندە مىنانداي جايت ورىن الۋدا. گيدرومينەراتسييا ماماندىعىنا بٶلٸنگەن گرانتتارعا بٸردە-بٸر ادام ٶتٸنٸش بەرمەگەن. ياعني, كونكۋرس 0 ادامدى قۇرادى. كٶلٸك قۇرىلىستارى بويىنشا بٶلٸنگەن 300 گرانتتىڭ تەك 29-نا ادام قابىلداندى. ياعني, 1 گرانتقا 0,1 ادامنان كەلٸپ وتىر. بۇل مىسالدار كادر تاپشىلىعى كٷردەلٸ مەسەلە ەكەنٸن ايقىن كٶرسەتەدٸ. ياعني, پروبلەما گرانت سانىندا نە ونىڭ دۇرىس بٶلٸنبەۋٸندە عانا ەمەس, تٸپتٸ ولاردى دايىندايتىن كوللەدجدەر مەن ۋنيۆەرسيتەتتەردٸڭ بولماۋىندا نەمەسە وقۋ ساپاسىندا ەمەس ەكەنٸ بارلىعىمىزعا انىق دەپ ويلايمىن», – دەيدٸ دەپۋتات.
سونداي-اق ول جۇمىسپەن قامتۋ شارالارى جەرگٸلٸكتٸ دەڭگەيدە قوعامدىق جۇمىسقا تارتۋدان, ەلەۋمەتتٸك جۇمىس ورىندارىن ۇسىنۋدان جەنە جاستار پراكتيكاسىنان اسا الماي وتىرعانىن ايتتى.
«2008 جىلدان باستاپ جۇمىسپەن قامتۋدىڭ بەس باعدارلاماسى قابىلداندى. ياعني, ەر ەكٸ جىل سايىن جاڭا باعدارلاما قابىلدانىپ وتىرعان. ولار قانداي نەتيجە بەردٸ. ەگەر جۇمىسپەن قامتۋ شارالارى نەگٸزگٸ قۇرالدارمەن ەدٸستەرمەن تالدايتىن بولساق, وندا ولار وسى جىلدار بويى كونتسەپتۋالدى تٷردە ايتارلىقتاي ٶزگەرمەگەن. نەگٸزٸنەن ۋاقىتشا سيپاتتا بولعانىن بايقايمىز. باياعى جارتاس – سول جارتاس. بٸز ەلٸ كٷنگە دەيٸن تٸزەسٸ شىققان شارالاردى قولدانۋدامىز. جاڭا جٷيەلٸ شارالار از. سول باياعى ۋاقىتشا جۇمىس ورىندارىن قۇرۋ. وقىتۋ, شاعىن نەسيە بەرۋ جەنە ت.ب. ال جەرگٸلٸكتٸ دەڭگەيدە بۇل شارالار قوعامدىق جۇمىسقا تارتۋدان, ەلەۋمەتتٸك جۇمىس ورىندارىن ۇسىنۋدان جەنە جاستار پراكتيكاسىنان اسا الماي وتىر. وسى شارالاردىڭ قانشالىقتى تيٸمدٸ ەكەنٸن دە زەرتتەپ جاتقان ەشكٸم جوق» - دەيدٸ ايماعامبەتوۆ.
دەپۋتتاتتىڭ ايتۋىنشا, ٷكٸمەتتٸڭ ەسەبٸنەن جىل سايىن شاماماەن 900 مىڭ ادام جۇمىسقا ورنالاسادى.
«ەندٸ مىنا ساندى قاراساق. ٷكٸمەتتٸڭ ەسەبٸنەن جىل سايىن شاماماەن 900 مىڭ ادام جۇمىسقا ورنالاسادى ەكەن. سوندا جىل سايىن 1 ملن-عا جۋىق ادام جۇمىسقا ورنالاسسا, جۇمىسسىزدىق دەڭگەيٸ نەگە ٶزگەرٸسسٸز قالىپ وتىر دەگەن سۇراق بارلىعىمىزدى مازالايدى. ەڭ قىزىعى, سوڭعى ون جىلدا جۇمىسسىزدىق 4,5 جەنە 4,7 دەڭگەيدە ٶزگەرمەي تۇر. 2023 جىل قورىتىندىسى بويىنشا 963 مىڭ ادام جۇمىسقا ورنالاستىرىلعان ەكەن. بٸراق جۇمىسسىزداردىڭ سانى نەبەرٸ 445 مىڭنان اسپايدى. سوندا جۇمىسقا مۇقتاج ادامداردىڭ سانىنان ەكٸ ەسە كٶپ ادام جۇمىسقا ورنالاسقان با? سوندىقتان سۇراق ٶتە كٶپ», – دەيدٸ ول.
