ايكوركەم مەلدەحان ءىسى: وقيعاعا قاتىستى كۇتپەگەن دەرەكتەر ايتىلدى

ساعىنىش سارداروۆا 24 مام. 2024 15:58 3275

ارمان جۇمان - قاڭتار وقيعاسى كەزىندە قازا تاپقان 4 جاسار ايكوركەمنىڭ ىسىنە قاتىستى جالعىز كۇدىكتى اسكەري. بۇعان دەيىن استاناداعى اسكەري سوتتىڭ اپەللياسيالىق القاسى ارمان جۇماندى اقتاۋ ۇكىمىنىڭ كۇشىن جويعان ەدى. وسىلايشا استانا قالاسىنىڭ سوتى قاڭتار وقيعاسى كەزىندە وققا ۇشقان ايكوركەمنىڭ ءىسى بويىنشا ءبىرىنشى ساتىداعى ۇكىمگە اپەللياسيالىق شاعىمدى قارادى.

سوت ءبىرىنشى ساتىداعى ۇكىمنىڭ كۇشىن جويۋ جانە سوتتالۋشى اسكەري قىزمەتشى ارمان جۇمانعا 7 جىلعا باس بوستاندىعىنان ايىرۋ جازاسىن تاعايىنداۋ تۋرالى قاۋلى شىعاردى. ارمان جۇمان سوت زالىندا قاماۋعا الىندى. الايدا بۇل ءىس ءالى اياقتالماعان سەكىلدى، - دەپ حابارلايدى Dalanews.kz.

Ulysmedia.kz مالىمەتىنشە، سوتتالۋشىنىڭ تۋىستارى مەن ادۆوكاتتارى سوتتىڭ بۇل شەشىمىمەن كەلىسپەيدى. ولاردىڭ ايتۋىنشا، ارمان جۇمان ايكوركەمگە وق اتپاعان. ولار سوتقا وسىنى دالەلدەمەكشى. ا.جۇمان جاقتاۋشىلارىنا سويلەۋگە مۇمكىندىك بەرىپ وتىر.

قىز بالا 2022 جىلدىڭ 7 قاڭتارىندا الماتىنىڭ ورتالىعىندا قازا تاپتى. مەلدەحان اۋلەتىنىڭ بالالارى - 18 جاستاعى باۋىرجان، جانەل، ايكوركەم جانە اعاسى بەكيسلام كولىكپەن كەلە جاتقاندا وق اتىلعان. سوت بۇعان كىنالى 27 جاستاعى اسكەري قىزمەتكەر ارمان جۇمان دەپ تانىپ، ونى سوتتادى. ارماننىڭ تۋىستارى باسىلىمعا ونىڭ كىناسى دالەلدەنبەگەنىن ايتقان.

العاشىندا ايكوركەم مەلدەحاننىڭ ءىسى ق ر قىلمىستىق كودەكسىنىڭ 99-بابى «ادام ءولتىرۋ» بويىنشا تەرگەلدى. ءبىراق تەرگەۋ 7 قاڭتاردا كولىككە كىمنىڭ وق اتقانىن انىقتاي الماعاندىقتان، قىلمىستىق باپ قايتا سارالاندى. ارمان جۇمان قىزمەتتىك وكىلەتتىگىن اسىرا پايدالانعانى ءۇشىن سوتتالدى. ول كولىككە وق اتۋعا بۇيرىق بەرگەن-مىس. الايدا ونىڭ بۇيرىقتى كىمگە بەرگەنى انىقتالمادى. قول استىنداعىلار مۇنداي بۇيرىق بولماعانىن العا تارتادى. قىزعا كىمنىڭ وعى تيگەنى جۇمباق كۇيىندە قالدى.

العاشىندا سوت ارمان جۇماندى اقتادى. الايدا كەيىننەن ۇكىم وزگەرتىلىپ، ول كىنالى دەپ تانىلدى. جابىرلەنۋشى تاراپ اپەللياسيالىق شاعىم ءتۇسىردى. اقتاۋ ۇكىمىنىڭ كۇشىن جويۋعا سول كۇنى بولعان وقيعانى كوردى دەگەن كۋاگەردىڭ ءسوزى اسەر ەتتى.

"قىلمىستىق ىستەر جونىندەگى سوت القاسى كۋا مەن جابىرلەنۋشىنىڭ ايعاقتارى بىر-بىرىنە سايكەس كەلەدى دەپ ەسەپتەدى. سونداي-اق ولار تەرگەۋ ەكسپەريمەنتى مەن وقيعا ورنىنداعى ايعاقتاردى ناقتىلاۋ ەكەۋىنىڭ دە ءبىر نارسەنى ايتقانىنا دالەل دەپ كورسەتكەنىنە سىلتەمە جاسادى"، - دەپ ءتۇسىندىردى ادۆوكات وكسانا مۇسوحرانوۆا.

سوتتالۋشىنىڭ قورعاۋشىسى ۇكىممەن كەلىسپەي، ارى قاراي شاعىمدانۋعا شەشىم قابىلدادى. جابىرلەنۋشى تاراپ تا قايتا قاراۋدى تالاپ ەتىپ، ءىستى ق ر قىلمىستىق كودەكسىنىڭ 99-بابى «كىسى ءولتىرۋ» بويىنشا قايتا سارالاۋدى تالاپ ەتتى.

جۇمان ءقازىر استانالىق تەرگەۋ يزولياتورىندا وتىر، ول ءبىزدىڭ ساۋالدارىمىزعا جاۋاپ بەرىپ، سول قارالى كەشتە نە بولعانىن تۇسىندىرۋگە كەلىستى.

ونىڭ تىكەلەي باستىعى 26363 بولىمشەنىڭ كومانديرى پودپولكوۆنيك داۋرەن ورازوۆ بولعان.

"ينسترۋكسيادان وتكىزۋ بارىسىندا د.ورازوۆ ومىرگە، دەنساۋلىققا ءقاۋىپ تونگەن جاعدايدا نەمەسە كولىك جۇرگىزۋشىلەرى توقتاۋ تالاپتارىن ورىنداماعان جاعدايدا عانا وق اتۋعا بولاتىنىن ءتۇسىندىردى. اتالعان جاعدايلاردا اسپانعا وق اتۋ ارقىلى ەسكەرتۋ جاساۋىمىز كەرەك"، - دەپ ءتۇسىندىردى ارمان.

ايتۋىنشا، ونىڭ قاراماعىندا التى اسكەري قىزمەتكەر بولعان، ءبىراق ول ولارعا مەلدەحان وتباسى مىنگەن كولىككە وق اتۋعا بۇيرىق بەرمەگەن.

7 قاڭتاردا ساتبايەۆ – جەلتوقسان كوشەلەرىنىڭ قيىلىسىندا اسكەري قىزمەتكەر كەزەكشىلىكتە بولعان.

"الاڭ اۋماعىندا ءبىزدىڭ بولىمشەنىڭ 90 اسكەري قىزمەتكەرى عانا ەمەس، باسقا دا بولىمشەلەر بولدى. مەنىڭ باقىلاۋ-وتكىزۋ پۋنكتىم جەلتوقسان كوشەسىنە قاراما-قارسى، سەيفۋلليننەن 700 مەتر قاشىقتىقتا ورنالاسقان (وقيعا وسى جەردە بولعان. – اۆتور). سول سەبەپتى قايعىلى وقيعاعا مەنى ايىپتى ەتىپ كورسەتۋ ءتيىمدى بولدى دەپ ويلايمىن. وقتى كىم اتقانىن بىلمەيمىن. ءبىر بىلەتىنىم: مەنىڭ قاراماعىمداعىلار مەلدەحاندار وتباسى مىنگەن كولىككە وق اتپادى"، - دەيدى ا.جۇمان.

ول اسكەري قىزمەتشىلەردە داۋىس ۇدەتكىش قۇرال،  راسيا، تۇندە كورۋ قۇرىلعىلارى بولماعانىن ايتتى. دەسە دە، ولارعا جۇكتەلگەن مىندەت – تاپسىرىلعان ايماقتى كۇزەتىپ، بوتەن كولىكتەردى وتكىزبەۋ.

سول كۇنى الاڭعا قاراي كوپتەگەن كولىكتەر ءجۇرىپ جاتتى. بىزگە ءوزىمىز ورنالاسقان سەكتوردى قورعاۋ تۋرالى بۇيرىقتار بەرىلدى. كولىكتەر جاقىنداعان كەزدە ءبىز نۇسقاۋ بويىنشا ارەكەت ەتتىك: ولاردىڭ كوپشىلىگى بۇرىلۋدى تالاپ ەتكەننەن كەيىن كەتىپ قالدى. پوليسيا قىزمەتكەرلەرىن دە وتكىزبەدىك.

جۇماننىڭ ايتۋىنشا، ول جانە ونىڭ قاراماعىنداعىلار باقىلاۋ-وتكىزۋ بەكەتىنىڭ جانىندا كولىككە وق اتىلعانىن پوليسيا جاۋاپ الۋعا شاقىرعان كەزدە بىلگەن.

"سودان كەيىن ولار ءبىز تۇرعان جەردە كولىككە وق جاۋدىرىلىپ، ءبىر بالانىڭ قازا تاپقانىن ايتتى. بىزدەن بۇل تۋرالى بىردەڭە بىلەسىڭدەر مە دەپ سۇرادى. ءبىز ەشتەڭە بىلمەيتىنىمىزدى ايتتىق. سودان پوليسيا قىزمەتكەرلەرىنە سەنىپ، ەشتەڭەگە مۇقيات قاراماستان، قاعازعا قول قويدىق"، - دەيدى سوتتالۋشى.

ارمان جۇماننىڭ ايتۋىنشا، 5 قاڭتاردا اسكەريلەر الاڭعا ءتورت كاماز كولىگىمەن جەتكىزىلگەن. ولاردىڭ قولىندا تەك كاسكا مەن ساپەر كۇرەكتەرى عانا بولعان. سول كۇنى ولارعا شابۋىل جاسالىپ، كەيبىرەۋلەرى ءتۇرلى جاراقات العان. شابۋىل جاساعاندار اراسىندا تەك ازاماتتىق كيىممەن جۇرگەندەر عانا ەمەس، پوليسيا كيىمىن كيگەن ادامدار دا بولعان.

ادۆوكاتتار اتقان كولىك پەن ارمان جۇماننىڭ اراسى سول ساتتە كەم دەگەندە 700 مەتر ەكەنىن انىقتادى. بۇعان قوسا، ولار جانىپ جاتقان اكىمدىك عيماراتىنان شىققان ءتۇتىننىڭ كەسىرىنەن ماڭايدى ءجوندى كورە الماعان.

"اپەللياسيالىق سوت تۇمان بولماعان دەپ شەشتى، ءبىراق سوتقا دەيىنگى تەرگەپ-تەكسەرۋگە قاتىسقان قۇزىرلى ورگاندار «قازگيدرومەت» رمك-عا اۋا رايى قانداي بولدى دەپ سۇراۋ سالعان. بۇل كورىنۋ مۇمكىندىگىن انىقتاۋ ءۇشىن قاجەتتى شارا. قازگيدرومەت تۇمان بولمادى دەپ جاۋاپ بەرگەن. ال توتەنشە جاعدايلار مينيسترلىگى ءورت پەن ءتۇتىننىڭ شىعۋ فاكتىسىن راستادى"، - دەيدى وكسانا مۋسوحرانوۆا.

سەرگەكتىڭ كامەرالارىنان ەشقانداي جازبالار بولعان جوق ، ويتكەنى بۇلىكشىلەر ولاردى جويىپ جىبەرگەن.

كۋاگەر فارحات مادىقۇل الاڭ ىرگەسىندەگى عيماراتتا جۇمىس ىستەگەن. ونىڭ ءۇيى بۇل ارادان الىس بولعاندىقتان، جۇمىستان سوڭ ەشقايدا كەتپەي، كۇنى بويى كەڭسەدە وتىرعان.

"سوتقا دەيىنگى تىڭداۋدا ول سىرتقى ەسىككە تەمەكى شەگۋ ءۇشىن شىققانىن، اسكەريلەردىڭ قالاي تۇرعانىن، وق جاۋدىرعانىن كورگەنىن ايتتى. ال كەيىن سوت وتىرىسىندا ونىڭ جاۋابى ەكىۇشتىلاۋ شىقتى. ءبىر جەرىندە وقيعانى ەسىك گلازوگى ارقىلى قارادىم دەسە، ەندى بىردە تەرەزەدەن قاراعانىن ايتتى. ياعني نە بولىپ جاتقانىن قاي جەردەن كورگەنىن ناقتى ايتا المادى"، - دەيدى وكسانا مۋسوحرانوۆا.

ەر ادامنان وقيعادان ءتورت ايدان كەيىن العاش رەت جاۋاپ الىنعان.

"ونى قالايشا ۇمىتۋعا بولادى؟ ەلەستەتىپ كورىڭىزشى: ءسىزدىڭ كوز الدىڭىزدا كولىككە وق اتىپ جاتىر. مۇنى قاي جەردەن كورگەنىڭدى قالاي ۇمىتۋعا بولادى"، – دەيدى زاڭگەر.

ول تاعى ءبىر تاڭعالارلىق جايتتى اتاپ وتەدى: كۋاگەر ءوزىنىڭ باسشىسىمەن تەلەفون ارقىلى سويلەسكەن. ءبىراق قانداي دا ءبىر سەبەپتەرمەن ول كولىككە وق اتىلعانى تۋرالى ءتىس جارماعان.  ونىڭ ۇستىنە ەر ادام ۋاقىتىنىڭ كوپ بولىگىن ينتەرنەتتە وتكىزگەن، وقيعا كەزىندە تەلەفونىن دا پايدالانىپ وتىرعان. ال سوت وتىرىسىندا كۋاگەر كولىككە وق اتىلعان كەزدە ۇيالى تەلەفونىم زاريادكادا تۇرعان ەدى دەپ جاۋاپ بەرگەن.

ايىپتاۋشى تاراپتىڭ كۋاگەرى باسقا كولىكتەردىڭ اتىلعانىن كورمەگەنىن ايتتى بۇل كۇنى الاڭدا ورتەنىپ كەتكەن كولىكتەر كوپ بولعان. 

ايىپتالۋشى مۇندا تەك 7 قاڭتاردا عانا بولدى، وعان دەيىن باسقا اسكەري بولىمدەر بولعان؛ ءارى ءتۇرلى بەلسەندى اكسيالار ءوتىپ، اتىس بولدى. ءبىراق كۋاگەر، نەگە ەكەنى بەلگىسىز، وسى جاعدايلاردى عانا كورگەن بولىپ شىقتى. سوتتا ول ايدوس مەلدەحاندى ايدوس اعا دەپ اتاپ، «ايدوس اعا مەنى تاۋىپ الىپ، سوتتا كۋا بولاتىنىمدى ايتتى» دەدى. مەنىڭ ويىمشا، بۇل دا ءبىزدىڭ اق ەكەنىمىزگە دالەل، - دەدى ناتاليا ۋسوۆا.

ادۆوكات سونداي-اق كۋاگەر مەن جابىرلەنۋشىلەردىڭ ايعاقتارى ءارتۇرلى ەكەنىن العا تارتادى. مىسالى، ءبىرى كولىك قيىلىستىڭ قاق ورتاسىندا بولعان دەسە، ەكىنشىسى جەلتوقسان كوشەسىنە جەتپەي بۇرىلىپ كەتكەنىن ايتادى. ال ول جەردەن كۋاگەردىڭ وقيعانى كورۋى مۇمكىن ەمەس ەدى.

ەڭ ماڭىزدى سۇراقتاردىڭ ءبىرى - سول تاعدىرلى كەشتە بالالار كولىكپەن نە ىستەپ ءجۇردى؟

بۇل بىزگە دە جۇمباق. اكەسىنىڭ ايتۋىنشا، ۇلكەن ۇلى بالالاردىڭ بىرگە بارۋعا سۇرانعانىن، سوندىقتان ول ولاردى وزىمەن بىرگە الىپ كەتكەنىن ايتتى. ولار جاقىن ماڭداعى دۇكەندەرگە بارماق بولدى، ءبىراق ولار جابىق بولعاندىقتان، باسقالارىن ىزدەۋگە شىققان. ولاردىڭ الاڭعا نە ءۇشىن بارعانى بەلگىسىز. ويتكەنى ول جەردە جاپپاي تارتىپسىزدىكتەر بەلەڭ العان ەدى. بارلىق دۇكەندەر قيراپ، جۇمىس ىستەمەدى»، - دەپ ءتۇسىندىردى ناتاليا ۋسوۆا.

جونەلتۋ پۋنكتى ءسۇيىنباي داڭعىلى، 263 ءۇي بولاتىن. ولار 18.33-تە كەتتى. بۇل، ايتپاقشى، تۇركسىب اۋدانى، الاڭنان شالعايداعى اۋدان. كولىك وتقا ورانعان جەرگە دەيىنگى قاشىقتىق شامامەن 11 كم. ساپاردىڭ ماقساتى - ازىق-تۇلىك پەن جايالىق ساتىپ الۋ.

زاڭگەر ناتاليا ۋسوۆانىڭ ايتۋىنشا، ولار الاڭعا جەتۋ ءۇشىن جارتى قالانى اينالىپ وتكەن.

دەتاليزاسيا بويىنشا ساعات 19:39-19:41 ارالىعىندا باۋىرجان مەلدەحان مىنگەن كولىك ساتبايەۆ 22ب جانىنان وتكەن (بۇل وتكىزۋ بەكەتىنە ەڭ جاقىن پۋنكت. ساتبايەۆ پەن سەيفۋللين كوشەلەرىنىڭ قيىلىسى)، 19:47-دەگى كەلەسى پۋنكت - جۇمالييەۆ 108. بۇل بوگەنباي باتىر مەن جۇمالييەۆ كوشەلەرىنىڭ قيىلىسى، جۇمان تۇرعان وتكىزۋ پۋنكتى ساتبايەۆ-جەلتوقسان كوشەلەرىنىڭ قيىلىسىندا بولعان. 

بۇل رەتتە جابىرلەنۋشى تاراپ سوت وتىرىسىندا دۇكەنگە توقتاپ، بىردەڭە ساتىپ العانىن ايتتى. وقيعا بولعان كۇنى كولىكتى تەكسەرگەن كەزدە ول جەردە بىردە-بىر پاكەت بولماعان. ولاردىڭ نە ساتىپ العانى بەلگىسىز. 

سوت وتىرىسىندا جابىرلەنۋشىنىڭ ۇلى بىلەتىن جالعىز مارشرۋتى سەيفۋللين كوشەسى ەكەنىن، سوندىقتان ول سول جەرگە كەلگەنىن ءتۇسىندىردى. ءبىراق زاڭگەرلەر ونىڭ قالانى جاقسى بىلەتىنىنە سەنىمدى. بولجام بويىنشا، وتباسى الماتىعا 2019 جىلى كوشىپ كەلگەن. 

"102-گە حابارلاسقاندا، ساتبايەۆ – سەيفۋللين كوشەلەرىنىڭ قيىلىسىندا كولىككە وق جاۋدىرىلعانىن ايتقان. سودان كەيىن قىلمىستىق ءىستى تەرگەۋ باستالعاندا، سەيفۋللين كوشەسىندە اسكەريلەر جوق ەكەنىن ءتۇسىنىپ، ولار ايعاقتارىن وزگەرتىپ، جەلتوقسان كوشەسىندە جۇرگەندەرىن العا تارتقان. بالالاردىڭ اكەسىنىڭ ءوزى تەرگەۋشىلەردى اۋەل باستان-اق شاتاستىرعان. ءوز تۇسىنىكتەمەلەرىندە ءارتۇرلى ايتقان: «ۇيدە بولاتىنمىن، پامپەرس كەرەك بولدى، ءبىز ازىق-تۇلىك الۋعا شىقتىق». ءبىراق ارىپتەسىم ەكەۋمىز ولاردىڭ (سول كەشتە ۇلى مەن بالالارى. - اۆتور) قالانى اينالىپ شىققانىن  انىقتادىق"، - دەيدى ادۆوكات وكسانا مۋسوحرانوۆا تەرگەۋ دەرەكتەرىن ءبولىسىپ. 

وتباسى قاجەتتى تاۋارلاردى كۇندىز ساتىپ الۋعا مۇمكىندىگى بار ەدى. زاڭگەرلەردىڭ ايتۋىنشا، اكەسى مەن بالاسى كۇنى بويى قالانى ارالاعان.

"بالالاردىڭ اكەسى العاشىندا قالادا بولىپ جاتقان وقيعادان بەيحابارمىن دەدى. ءبىراق ءبىز دەتاليزاسيانى شىعارىپ الدىق. ولار 102-گە كۇندىزگى ۋاقىتتا قوڭىراۋ شالعان، نەگە ەكەنى بەلگىسىز. قوڭىراۋ ءۇزىلىپ قالادى. كۇندىز اكەسى دە، بالاسى دا كولىكپەن جۇرگەن. ولار بۇعان قاتىستى ەشقانداي تۇسىنىكتەمە بەرمەدى. سوت بارىسىندا ءبىز سۇراقتار قويدىق، ءبىراق ولار: «ەسىمدە جوق، بىلمەيمىن» دەپ جاۋاپ بەرۋدەن قاشتى. بۇل – ادام وتىرىك ايتقان كەزدەگى ستاندارتتى رەاكسيا"، - دەيدى وكسانا مۋسوحرانوۆا سەنىمدى تۇردە.

سول كۇنى مەلدەحان وتباسى 14.13-16.48 ارالىعىندا كولىكپەن قالانى ارالاپ جۇرگەن.

ولار قالادا نە بولىپ جاتقانىن جاقسى بىلگەن. ويتكەنى اقوردادان سمس-حابارلامالار كەلىپ جاتتى، ينتەرنەت جۇمىس ىستەپ تۇردى، ترافيك قولدانىلعانى كورىنىپ تۇر. سونىمەن قاتار زاڭگەرلەر زارداپ شەككەن تاراپتىڭ نارازىلىق شەرۋى وتكەن كۇندەردىڭ بارىندە قالاعا بارعانىن جانە وقيعانىڭ قاق ورتاسىندا بولعانىن اتاپ ءوتتى. مۋسوحرانوۆانىڭ ايتۋىنشا، مۇنى دالەلدەيتىن ۆيدەو دا بار.

الاڭدا تۇسىرىلگەن ۆيدەوعا ساراپتاما جاسادىق، ۆيدەوداعى ەر ادام بالالاردىڭ اكەسى ەكەنىن انىقتالدى. سوتتا ولار (جابىرلەنۋشى – اۆت.) بۇل ول ەمەس، ۇقسايتىن ادام دەگەن ەدى.

"جالپىلاي العاندا، ەشكىم ادامدارعا وق اتقان جوق. وسىعان ۇقساس قىلمىس ىستەر سوت قاراۋىنا تۇسپەگەن"، - دەپ اتاپ ءوتتى ادۆوكات.

ونىڭ ۇستىنە جارعىعا سايكەس، كولىك اسكەريلەردىڭ ەسكەرتۋىنە قاراماستان قوزعالىستى جالعاستىرسا، اسكەري قىزمەتشىلەر ونىڭ دوڭگەلەكتەرىن اتىپ توقتاتۋعا قۇقىلى ەدى، - دەپ ءتۇسىندىردى ادۆوكات.

مەلدەحاننىڭ كولىگىندە 20 وق تەسىگى انىقتالدى، ءبىراق ولار قاشان اتىلعان وقتىڭ ءىزى ەكەنىن ءدوپ باسىپ ەشكىم ايتا المادى. ءىس ماتەريالدارىندا ولاردىڭ 7 قاڭتاردا پايدا بولعانى راستالمادى. وتباسى بۇرىن دا كولىكپەن جۇرگەندىكتەن، ولار 7 قاڭتاردا ەمەس، ودان ەرتە دە بولۋى مۇمكىن.

"سوتقا دەيىنگى تەرگەۋ وقتىڭ قاي قارۋدان اتىلعانىن، كىمنىڭ اتقانىن، قاي ۋاقىتتا اتقانىن انىقتاي المادى، سوندىقتان ساراپتاما قورىتىندىسى ءبىز ءۇشىن كۇمان تۋعىزادى"، - دەدى ناتاليا ۋسوۆا.

– حالىق شۋلاپ كەتكەسىن، بىرەۋدى قۇرباندىققا بەرۋ كەرەك بولدى. ال قىزدىڭ قازاسى، ارينە، بارىمىزگە اۋىر ءتيدى. ايىپتالۋشى دا بۇل قازاعا قۋانىپ وتىرعان جوق.  قوعام بالاعا اياۋشىلىق ءبىلدىرىپ جاتىر، ءبىراق ونىڭ ول جاقتا نە ىستەپ جۇرگەنىن، اتا-اناسى قايدا بولعانىن، ەڭ باستىسى، شىن مانىسىندە كىمنىڭ اتقانىن سۇراپ جاتقان ەشكىم جوق.

ونىڭ ايتۋىنشا، مارقۇمنىڭ اكەسى بەلگىلى ءبىر ماقساتتى كوزدەپ وتىرعان سىڭايلى.

"شارتتى تۇردە بوساتۋ ءۇشىن جابىرلەنۋشىلەردىڭ كەلىسىمى قاجەت. مەلدەحان بۇعان نە دەيتىنىن بىلمەيمىن. ءبىراق ازاماتتىق تالاپ ارىزىن قايتارىپ العانىن ايتا كەتكەن ءجون. سودان كەيىن ول قورعانىس مينيسترلىگىنە قاتىستى ايتتى. ول ءار بالاعا 100 ميلليون تەڭگە بەرەسىڭ دەدى. ءبىراق بۇل ءبىزدىڭ كليەنت ءۇشىن وتە-وتە قوماقتى سوما دەپ ويلايمىن. ونىڭ وتباسىندا مۇنداي قارجىلىق مۇمكىندىك جوق: ولار بارىن ساتىپ، ءومىرىنىڭ سوڭىنا دەيىن جۇمىس ىستەسە دە، ول ەشقاشان مۇنداي سومانى قايتارا المايدى"، - دەيدى ناتاليا ۋسوۆا.


ۇسىنىلعان
سوڭعى جاڭالىقتار