ەيەلدەر اراسىنداعى ۆولەيبولدان «التاي» كومانداسى ٷشٸنشٸ رەت قازاقستان كۋبوگٸن ۇتتى
«التاي» كومانداسى اقتىق سىندى كەرەكۋدٸڭ «ەرتٸس-قازحروم» كومانداسىن كٷش سىناسىپ, ٷش ويىن نەتيجەسٸندە 3:0 ەسەبٸمەن ۇتتى.
تارتىستى ويىندى تاماشالاعانىمىزدا قوس كوماندادا بارىن سالىپ ويناعانى بايقادىق. باستاپقىدا التايلىقتار وڭ جاق قاپتالدان شابۋىل ۇيىمداستىرىپ, العاشى سالىمدا العا شىقتى.
بۇدان كەيٸن پاۆلودار وبلىسىنان كەلگەن كومانداسى دا نامىسقا تىرىسىپ, ەكٸنشٸ ويىندا ٶز پايدالارىنا شەشۋگە تىرىستى. ويىن بارىسىندا «ەرتٸس-قازحروم» كومانداسى 17:23 ەسەبٸمەن العا شىققان كەزٸ بولدى.
بٸراق «التاي» كومانداسىنىڭ كەنٸگٸ ويىنشىلار ويىن بارىسىن دەرەۋ ٶز قولدارىنا الىپ, ەسەپتٸ 24:24 جەتكٸزدٸ. بۇدان كەيٸن التايلىقتاردى توقتاتۋ مٷمكٸن بولمادى. ويىننىڭ سوڭعى مينۋتىندا ەسەپ 31:29 كٶرسەتٸپ, «التاي» كومانداسىنىڭ العا شىقتى.
– بۇل مەن ٷشٸن كٷتپەگەن ٷلكەن قۋانىش بولدى. قازاقستاننىڭ ۆولەيبولدان قۇراما كومانداسىمەن بٸرلەسٸپ جاتتىقانىمىز ٶز نەتيجەسٸن بەردٸ. بۇل جەردە باپكەرٸمٸزدٸڭ ەڭبەگٸ زور. ول كٸسٸ ويىن بارىسىندا ەربٸر ۇساق-تٷيەككە مەن بەرەدٸ. بٸراق ەمموتسيياعا بەرٸلٸپ, ايعايعا باسقان كەزٸن كٶرمەدٸك, – دەپ «التاي» كومانداسىنىڭ ويىنشىسى كريستينا بەلوۆا ٶزدەرٸنٸڭ جەڭٸسكە قالاي جەتكەنٸن قىسقاشا ايتىپ بەردٸ.
