"استانا ەكسپو-2017" كومپانيياسىنىڭ بۇرىنعى كەڭەسشٸسٸ ايدوس ەسپولوۆتىڭ ۇستالعانى راستالدى, دەپ حابارلايدى Dalanews.kz.
Tengrinews.kz مەلٸمەتٸنشە, بۇل اقپاراتتى ۇقك راستاعان.
ايتا كەتەيٸك, بۇعان دەيٸن ەگجەي-تەگجەيٸن جازعان ەدٸك. اشىق دەرەككٶز مەلٸمەتٸنشە, ايدوس ەسپولوۆ – ەكس-پرەزيدەنت نۇرسۇلتان نازارباەۆتىڭ ٷشٸنشٸ ەيەلٸ ەسەل قۇرمانباەۆانىڭ اعاسى. ول "ەۋرازييالىق تەحنولوگييالىق ۋنيۆەرسيتەتٸ" مەن Alatau Asset Management Company كومپانيياسىنىڭ قۇرىلتايشىلارىنىڭ بٸرٸ رەتٸندە تانىلعان.
ەسكە سالايىق, 2025 جىلى سەۋٸردٸڭ سوڭىندا مەجٸلٸس دەپۋتاتى ەرمۇرات بەپي "استانا ەكسپو-2017" كومپانيياسىنداعى قارجى جىمقىرۋ ٸسٸنە قاتىستى مەسەلە كٶتەرگەن ەدٸ.
ول كەزدە كومپانييانىڭ بۇرىنعى باسقارما تٶراعاسىنىڭ ورىنباسارى مۇرات وماروۆ بەرگەن مەلٸمەتتەر جارييالانىپ, ايدوس ەسپولوۆ كەڭەسشٸ قىزمەتٸن اتقارعان كەزٸندە پارا العانى ايتىلعان. الايدا ول ٸستٸڭ رەسمي فيگۋرانتتارى قاتارىندا "انىقتالماعان تۇلعا" رەتٸندە عانا كٶرسەتٸلگەن.
