سوتقا دەيىنگى تەرگەۋ امالدارى "ءوزiءن-وزi ءولتiرۋگە دەيiن جەتكiزۋ" بابى بويىنشا باستالعان.
جازۋشىنىڭ مەزگىلسىز قازاسى الەۋمەتتىك جەلىلەردە رەزونانس تۋدىردى. جەلى پايدالانۋشىلارى مارقۇمدى ولىمگە يتەرمەلەگەنىن ايتۋدا.
"سۋيسيد جايتى جەتىساي اپب پوليسەيلەرىمەن ق ر قك-نىڭ 105-بابىمەن "ءوزiءن-وزi ءولتiرۋگە دەيiن جەتكiزۋ" تىركەلىپ، سوتقا دەيىنگى تەرگەۋ امالدارى جۇرگىزىلۋدە. پوليسەيلەرمەن قاجەتتى دەگەن ءىس-شارالاردىڭ بارلىعى اتقارىلۋدا. ءتيىستى ساراپتامالار تاعايىندالدى.
وقيعانىڭ تولىق ءمان-جايى تەرگەۋ بارىسىندا انىقتالاتىن بولادى، - دەدى تۇركىستان وبلىسى پد رەسمي وكىلى سالتانات قاراكوزوۆا.
جازۋشى Facebook الەۋمەتتىك جەلىسىندەگى سوڭعى جازباسىندا ناماز وقىعىسى كەلەتىنىن ايتىپ جازبا قالدىرعان بولاتىن.
“وكىنىشتىسى، ادامدار وزىنە ۇقساماعان ادامدى ولتىرۋگە، جەرلەۋگە اسىعادى. مەن ىلعي دا جۇرەككە ورالۋدى، قۇدايعا ورالۋدى ارمانداپپىن. ءبىراق ورالماپپىن. ءوزىمنىڭ تاپ-تازا جۇرەگىمدى، قۇدايدى تاپقىم كەلەدى”، –دەگەن ەدى ول.
ول وڭتۇستىك قازاقستان وبلىسى، ماقتارال اۋدانى، بايقونىس اۋىلىندا دۇنيەگە كەلگەن. 2009 جىلى “جالىن” باسپاسىنان “جاڭبىرلى كوكتەم” اتتى اڭگىمەلەر جيناعى جارىق كورگەن.
اياگۇل مانتاي — “سەرپەر” جاستار سىيلىعىنىڭ لاۋرەاتى، باققوجا مۇقاي اتىنداعى ادەبي بايقاۋدىڭ جۇلدەگەرى.
2010 جىلى ادەبيەت نوميناسياسى بويىنشا پرەزيدەنت ستيپەندياسىنىڭ يەگەرى اتاندى.
https://dalanews.kz/kogam/44359-ayag-l-mantaj-mirde-m-ndaj-adamdar-a
