Sotqa deıingi tergeý amaldary "Ózin-ózi óltirýge deıin jetkizý" baby boıynsha bastalǵan.
Jazýshynyń mezgilsiz qazasy áleýmettik jelilerde rezonans týdyrdy. Jeli paıdalanýshylary marqumdy ólimge ıtermelegenin aıtýda.
"Sýısıd jaıty Jetisaı APB polıseılerimen QR QK-niń 105-babymen "Ózin-ózi óltirýge deıin jetkizý" tirkelip, sotqa deıingi tergeý amaldary júrgizilýde. Polıseılermen qajetti degen is-sharalardyń barlyǵy atqarylýda. Tıisti saraptamalar taǵaıyndaldy.
Oqıǵanyń tolyq mán-jaıy tergeý barysynda anyqtalatyn bolady, - dedi Túrkistan oblysy PD resmı ókili Saltanat Qarakózova.
Jazýshy Facebook áleýmettik jelisindegi sońǵy jazbasynda namaz oqyǵysy keletinin aıtyp jazba qaldyrǵan bolatyn.
“Ókinishtisi, adamdar ózine uqsamaǵan adamdy óltirýge, jerleýge asyǵady. Men ylǵı da júrekke oralýdy, Qudaıǵa oralýdy armandappyn. Biraq oralmappyn. Ózimniń tap-taza júregimdi, Qudaıdy tapqym keledi”, –degen edi ol.
Ol Ońtústik Qazaqstan oblysy, Maqtaral aýdany, Baıqonys aýylynda dúnıege kelgen. 2009 jyly “Jalyn” baspasynan “Jańbyrly kóktem” atty áńgimeler jınaǵy jaryq kórgen.
Aıagúl Mantaı — “Serper” jastar syılyǵynyń laýreaty, Baqqoja Muqaı atyndaǵy ádebı baıqaýdyń júldegeri.
2010 jyly Ádebıet nomınasıasy boıynsha Prezıdent stıpendıasynyń ıegeri atandy.
https://dalanews.kz/kogam/44359-ayag-l-mantaj-mirde-m-ndaj-adamdar-a
