Dalanews.kz تٸلشٸسٸمەن از-كەم ەڭگٸمە ٶربٸتكەن ساراپشى بەيجٸڭ باسشىسىنىڭ سوڭعى ەكٸ جىلداعى العاشقى مەملەكەتتٸك ساپارىن قازاقستان باستاۋىن قازاق ديپلوماتيياسى ٷشٸن ٷلكەن مەرتەبە سانايدى.
«2019 جىلدىڭ باسىنان بەرٸ سي مىرزا قىتايدىڭ اۋماعىنان شىققان جوق. ٸندەتكە قارسى كٷرەسٸپ جاتقان حالقىمەن بٸرگە بولدى. ەل-جەردٸ ارالاپ, ۆيرۋستىڭ تارالۋىنا سەبەپكەر بولعاندى قالامادى. پاندەمييا بەسەڭدەگەسٸن بەيجٸڭ ەلەمدەگٸ ەڭ ٸرٸ ينۆەستور ەكەنٸن ەسكەرٸپ, سوڭعى جىلدارى ٷزٸلگەن مەمساپار دەستٷرٸن قايتا جالعادى.
قىتاي باسشىنىڭ الدىمەن قازاقستانعا ات باسىن بۇرۋى بٸزدٸڭ ەلدٸڭ قانشالىقتى ماڭىزدى ەرٸپتەس ەكەنٸن ايعاقتايدى. قىتاي ورتا ازييا ەلدەرٸنٸڭ ٸشٸندە قازاقستاننىڭ پوتەنتسيالىن جوعارى باعالايدى» دەيدٸ ساراپشى.
ونىڭ اتاپ ٶتكەنٸندەي, بەيجٸڭنٸڭ بٸزدٸڭ ەلدٸڭ اۋماقتىق تەۋەلسٸزدٸگٸ مەن اۋماقتىق تۇتاستىعىنا اراشا بولۋعا ۋەدە ەتكەنٸ بەكەر ەمەس. بيىل ەكٸ ەلدٸڭ اراسىنداعى ديپلوماتييالىق بايلانىسقا 30 جىل تولدى.
قىتاي ەليتاسى وسى ۋاقىت ارالىعىندا قازاق ديپلوماتيياسىنىڭ بەيجٸڭدەي الپاۋىت ەلمەن تٸل تابىسا بٸلەتٸن قابٸلەتٸن مويىنداعان.
«سي مىرزا قازاقستاننىڭ وسى باعىتتان تايماعانىن, وسى قالىپتان اۋماعانىن قالايدى. ەلٸمٸزدٸڭ ەكونوميكالىق پوتەنتسيالى, سونىڭ ٸشٸندەگٸ ينۆەستورعا دەگەن كٶزقاراسى مەن قۇرمەتٸ باتىس ەلدەرٸنەن كەم تٷسپەيدٸ. قازاقستان قول قويىلعان قۇجاتتىڭ سوڭعى ابزاتسىنا دەيٸنگٸ تالاپتى مٷلتٸكسٸز ورىندايتىن ەل.
ال مۇنداي مەملەكەتتٸڭ ساياسي تۇراقتىلىعىنا دا ٶزگە دە ەرٸپتەس ەلدەر مٷددەلٸ بولادى», – دەيدٸ ساراپشى.
ساراپشى قىتاي بيلٸگٸنٸڭ توقاەۆتىڭ تۇسىندا قولعا الىنعان ساياسي رەفورمالاردى قولدايتىنىن ايتادى. سي تسزينپين قاڭتار وقيعاسى مەن ونىڭ سوڭى الا كەلگەن ٶزگەرٸستەر جاقسى حاباردار. قازاقستان باسشىلىعىنىڭ وسى وقيعادان كەيٸنگٸ ساياسي-ەكونوميكالىق باستامالارى قىتايمەن اراداعى بارىس-كەلٸس پەن الىس-پەرٸستٸڭ ەكٸنشٸ تىنىسىن اشارىنا سەنٸمدٸ.
«بەيجٸڭ گەوساياساتتىڭ سان قۇبىلىپ تۇرعانىنان قاراماستان قازاقستاننىڭ دەربەستٸگٸ مەن تەرريتورييالىق تۇتاستىعىنا كٶلدەنەڭ بٸرەۋدٸڭ كيلٸگۋٸنە جول بەرمەيتٸنٸن راستاپ وتىر. بۇل بٸز ٷشٸن العا قادام باسىپ, ساياسي رەفورمالاردى الاڭسىز جٷزەگە اسىرۋعا تاپتىرماس مٷمكٸندٸك. سي تسزينپين وسى ارقىلى تەرٸسكەيدەن تٶنۋٸ ىقتيمال قاۋٸپ-قاتەردٸ تەجەپ تاستادى. سٶي دەي وتىرا توقاەۆتىڭ جاڭا قازاقستاننىڭ قابىرعاسىن قالاۋعا جەردەمدەستٸ. اقوردا ەندٸگٸدە سىرتتان تٶنەتٸن تەۋەكەلدەرگە الاڭدامايدى», – دەيدٸ ساراپشى.
كەۋكەنوۆتٸڭ اتاپ ٶتكەنٸندەي سوڭعى جىلدارى تۇرالاپ قالعان ەكٸ ەلدٸڭ اراسىنداعى ورتاق جوبالارعا قىتاي باسشىسىنىڭ ساپارىنان جان بٸتەتٸن بولادى. توقاەۆ بيلٸككە كەلگەلٸ بەيجٸڭ مەن استانانىڭ قارىم-قاتىناسىندا تۇراقتىلىق پايدا بولىپ, ساۋدا-ساتتىق كٶرسەتكٸشٸ ەسەلەپ ارتقان.
ساراپشىنىڭ مەلٸم ەتكەنٸندەي جىل باسىنان بەرٸ قازاق-قىتاي تاۋار اينالىمى بىلتىرعى جىلعى سالىستىرعاندا 38 پايىزعا ٶسكەن.
«قىتاي بٸزدٸڭ ەلدٸڭ اگروٶندٸرٸسٸ مەن ترانپورت-لوگيستيكاسىنا, ٸت تەحنولوگييالارعا, روبوتتى تەحنيكاعا, تۇتاستاي العاندا عىلىم مەن بٸلٸمگە قارجى قۇيۋعا ىقىلاس بٸلدٸرٸپ وتىر. ەكٸ ەل باسشىسىنىڭ جٷزدەسۋٸندە قىتايعا اپاراتىن شويىن جولداردىڭ سانىن كٶبەيتۋ مەسەلەسٸ سٶز بولدى. وسى ارقىلى قازاق بيلٸگٸ قىتاي شەكاراسىنداعى ەكٸ جاقتىڭ كەسٸپكەرلەرٸنە دە قيىندىق تۋعىزىپ وتىرعان مەسەلەنٸ بٸرجولاتا شەشكٸسٸ كەلەدٸ.
ەلبەتتە, تاراپتار تەك ساۋدا-ساتتىق سالاسىمەن عانا شەكتەلٸپ قالمايدى. توقاەۆ پەن سيدٸڭ قىتاي مەن قازاقستاننىڭ ٸرٸ قالالارىندا مەدەني ورتالىقتار اشاتىن ۋاعدالاستى», – دەيدٸ ەدٸل كەۋكەنوۆ.
