اۋىلعا اۋىز سۋ كەلدٸ
ٶتكەن عاسىردىڭ جەتپٸسٸنشٸ جىلدارى سالىنعان سۋ قۇبىرى ەبدەن توزىپ, اۋىل اۋىزسۋسىز قالعان ەدٸ. تٶلە بي اۋدانىنا قاراستى زاقامبار اۋىلىندا 5 مىڭعا جۋىق تۇرعىنى بار. تالاي جىلدان بەرٸ تٸرشٸلٸك نەرٸنە تەۋەلدٸ بولعان اۋىل حالقىنا اۋىزسۋ كٷنٸنە بٸر ساعات قانا بەرٸلٸپ كەلگەن-دٸ. سول كەزدە بارلىق ىدىستارىن تولتىرىپ الۋعا اسىعاتىن تۇرعىندار سۋدىڭ قادٸرٸن بٸر كٸسٸدەي-اق بٸلەدٸ. بارلىعىن ٷنەمدەپ, ىسىراپ قىلماۋعا ٷيرەنگەن.
بيىل مامىر ايىنان باستاپ اۋىزسۋ تارتۋ جۇمىستارى باستالعاندا, اۋىل تۇرعىندارى بٶرٸكتەرٸن اسپانعا اتىپ قۋانعان-دى.
– كٷنٸنە بٸر-اق ساعات سۋ بەرەتٸن. جاقسى جاڭالىق ەستٸپ جاتىرمىز. راقمەت. زاقامبار اۋىلىنا اۋىزسۋ تارتۋ جۇمىستارىنا بيۋدجەتتەن 402 ملن تەڭگە قارجى بٶلٸنگەن. بٷگٸنگە دەيٸن ونىڭ 212 ميلليونى يگەرٸلٸپتٸ. قازٸر بۇندا 8 تەحنيكا مەن 35 ادام تىنىمسىز جۇمىس ٸستەۋدە. ولاردىڭ 25-سٸ – اۋىل تۇرعىندارى, – دەيدٸ زاقامبار اۋىلىنىڭ تۇرعىنى ساتىبالدى قوجاەۆ,
ال قۇرلىس جۇمىستارىنا جەتەكشٸلٸك جاساپ جٷرگەن قايناربەك سۋباەۆ: «سمەتالىق قۇجات بويىنشا 1006 تۇتىنۋشىعا سۋ تارتۋ بەكٸتٸلگەن. اۋدان باسشىلارىنىڭ بٸزگە قوسالقى تاپسىرماسى بويىنشا 30-40 جاڭادان سالىنعان ٷيلەرگە, جاس وتباسىلارعا دا قوسىپ بەرۋدٸ ٶز موينىمىزعا الىپ وتىرمىز. سونىمەن 1050 ابونەنت بولادى. جاۋاپتى مەردٸگەر مەكەمە سۋ قۇبىرىن ەر ٷيدٸڭ اۋلاسىنا دەيٸن كٸرگٸزٸپ بەرەدٸ. ارى قاراي ٷيٸنٸڭ ٸشٸنە تارتۋ – ەركٸمنٸڭ ٶز شارۋاسى. قازٸر اۋىلعا اۋىزسۋ تارتۋ جۇمىستارىنىڭ 60 پايىزى اياقتالعان. جۇمىس قازان ايىنا دەيٸن تولىق بٸتەدٸ», – دەدٸ.
