كەزدەسۋ بارىسىندا ۆيسە-مينيستر ازاماتتىق باستامالاردى قولداۋ جونىندەگى مەملەكەتتىك شارالار تۋرالى حابارلادى.
مەملەكەت باسشىسى قازاقستان حالقىنا جولداۋىندا اۋىلدىق جەرلەردەگى ازاماتتىق باستامالاردى قولداۋ تەتىگىن ازىرلەۋدى تاپسىرعان بولاتىن.
وسىعان بايلانىستى، ق ر اقپارات جانە قوعامدىق دامۋ مينيسترلىگى شاعىن گرانتتاردى ىسكە اسىرۋ ارقىلى اۋىلداعى ازاماتتىق باستامالاردى قولداۋ بويىنشا جۇمىس جۇرگىزۋدە.
– بۇگىندە بارلىعى 2994 ۇەۇ تىركەلگەن. سوڭعى 5 جىلدا اۋىلدا تەك 1513 جوبا ىسكە اسىرىلدى، قالالاردا بۇل كورسەتكىش 5 ەسەدەن اسادى. وسى فاكتوردى ەسكەرە وتىرىپ، ءبىز شاعىن گرانتتاردى ىسكە اسىرۋ ارقىلى اۋىلداعى ازاماتتىق باستامالاردى قولداۋ بويىنشا جۇمىس جۇرگىزىپ جاتىرمىز. ءبىزدىڭ باستى مىندەتىمىز – اۋىلدىق قوعامدىق ۇيىمدار ءۇشىن مەملەكەتتىك قارجىلاندىرۋدىڭ قولجەتىمدىلىگىن قامتاماسىز ەتۋ، – دەپ اتاپ ءوتتى بولات تلەپوۆ.
بۇگىنگى تاڭدا، مينيسترلىكپەن رەسپۋبليكالىق بيۋدجەتتەن بولەتىن گرانتتىق قارجىلاندىرۋ قوعامدىق باستامالاردى تولىق قامتۋعا مۇمكىندىك بەرمەيدى. سوندىقتان ۆيسە-مينيستر وڭىرلەردە گرانتتىق قارجىلاندىرۋدى قاراستىرۋ قاجەتتىلىگى تۋرالى ايتىپ بەردى.
كەزدەسۋگە قاتىسۋشىلار ازاماتتىق قوعامنىڭ دامۋى جانە وڭىردەگى ۇكىمەتتىك ەمەس ۇيىمداردىڭ قىزمەتى تۋرالى ايتىپ بەردى.
