Kezdesý barysynda vıse-mınıstr azamattyq bastamalardy qoldaý jónindegi memlekettik sharalar týraly habarlady.
Memleket basshysy Qazaqstan halqyna Joldaýynda aýyldyq jerlerdegi Azamattyq bastamalardy qoldaý tetigin ázirleýdi tapsyrǵan bolatyn.
Osyǵan baılanysty, QR Aqparat jáne qoǵamdyq damý mınıstrligi shaǵyn granttardy iske asyrý arqyly aýyldaǵy azamattyq bastamalardy qoldaý boıynsha jumys júrgizýde.
– Búginde barlyǵy 2994 ÚEU tirkelgen. Sońǵy 5 jylda aýylda tek 1513 joba iske asyryldy, qalalarda bul kórsetkish 5 eseden asady. Osy faktordy eskere otyryp, biz shaǵyn granttardy iske asyrý arqyly aýyldaǵy azamattyq bastamalardy qoldaý boıynsha jumys júrgizip jatyrmyz. Bizdiń basty mindetimiz – aýyldyq qoǵamdyq uıymdar úshin memlekettik qarjylandyrýdyń qoljetimdiligin qamtamasyz etý, – dep atap ótti Bolat Tlepov.
Búgingi tańda, mınıstrlikpen respýblıkalyq búdjetten bóletin granttyq qarjylandyrý qoǵamdyq bastamalardy tolyq qamtýǵa múmkindik bermeıdi. Sondyqtan vıse-mınıstr óńirlerde granttyq qarjylandyrýdy qarastyrý qajettiligi týraly aıtyp berdi.
Kezdesýge qatysýshylar azamattyq qoǵamnyń damýy jáne óńirdegi úkimettik emes uıymdardyń qyzmeti týraly aıtyp berdi.
