كۇن تارتىبىندە قارالعان ماسەلەلەردىڭ ءبىرى – «اۋىل» حالىقتىق-دەموكراتيالىق پاتريوتتىق پارتياسىنىڭ ق ر پارلامەنتى ءماجىلىسى مەن ءماسليحات دەپۋتاتتارىنىڭ كەزەكتى سايلاۋىنا قاتىسۋ ماسەلەسى تالقىلاندى.
– ق ر پرەزيدەنتى قاسىم-جومارت توقايەۆ قازاقستاندا 10 قاڭتار كۇنى ق ر پارلامەنتى ءماجىلىسى مەن ءماسليحات دەپۋتاتتارىنىڭ سايلاۋى وتەتىنى تۋرالى جارلىق شىعاردى. بۇل – ءبىز ءۇشىن ۇلكەن ساياسي وقيعا. ءبىز قازاقستاندا جۇمىس ىستەپ كەلە جاتقان ساياسي پارتيانىڭ ءبىرى رەتىندە وسى ساياسي ناۋقانعا قاتىسۋعا تولىق قۇقىلىمىز. پارتيامىز قۇرىلعالى جيىرما جىلدا ماقساتىمىز، جۇمىسىمىزدىڭ مازمۇنى، ساياسي پلاتفورمامىز وزگەرگەن جوق. سوڭعى بەس جىلدا 52 مىڭنان استام قازاقستان ازاماتى پارتيامىزدىڭ مۇشەسى بولدى. پارتيامىزدىڭ يدەياسىن قولداۋشىلار جىلدان جىلعا كوبەيىپ كەلە جاتىر. الدا كەلە جاتقان سايلاۋعا «اۋىل» حالىقتىق-دەموكراتيالىق پاتريوتتىق پارتياسىنىڭ قاتىسۋى تۋرالى ۇسىنىس ەنگىزەمىن، – دەدى «اۋىل» حالىقتىق-دەموكراتيالىق پاتريوتتىق پارتياسىنىڭ ءتوراعاسى ءالي بەكتايەۆ.
ول الداعى سەزدە پارتيالىق ءتىزىمدى بەكىتىپ، حالىقتىڭ الدىندا جاريا ەتەتىنىن ايتتى. «اۋىل» حالىقتىق-دەموكراتيالىق پاتريوتتىق پارتياسىنىڭ ساياسي كەڭەسى ق ر پرەزيدەنتىنىڭ جارلىعىنا سايكەس 2021 جىلى 10 قاڭتاردا وتەتىن ق ر پارلامەنتى ءماجىلىسى مەن ءماسليحات دەپۋتاتتارىنىڭ كەزەكتى سايلاۋىنا «اۋىل» حالىقتىق-دەموكراتيالىق پاتريوتتىق پارتياسىنىڭ قاتىساتىنىن مالىمدەيدى» دەدى ول.
