Kún tártibinde qaralǵan máselelerdiń biri – «Aýyl» halyqtyq-demokratıalyq patrıottyq partıasynyń QR Parlamenti májilisi men máslıhat depýtattarynyń kezekti saılaýyna qatysý máselesi talqylandy.
– QR Prezıdenti Qasym-Jomart Toqaev Qazaqstanda 10 qańtar kúni QR Parlamenti májilisi men máslıhat depýtattarynyń saılaýy ótetini týraly jarlyq shyǵardy. Bul – biz úshin úlken saıası oqıǵa. Biz Qazaqstanda jumys istep kele jatqan saıası partıanyń biri retinde osy saıası naýqanǵa qatysýǵa tolyq quqylymyz. Partıamyz qurylǵaly jıyrma jylda maqsatymyz, jumysymyzdyń mazmuny, saıası platformamyz ózgergen joq. Sońǵy bes jylda 52 myńnan astam Qazaqstan azamaty partıamyzdyń múshesi boldy. Partıamyzdyń ıdeıasyn qoldaýshylar jyldan jylǵa kóbeıip kele jatyr. Alda kele jatqan saılaýǵa «Aýyl» halyqtyq-demokratıalyq patrıottyq partıasynyń qatysýy týraly usynys engizemin, – dedi «Aýyl» halyqtyq-demokratıalyq patrıottyq partıasynyń tóraǵasy Álı Bektaev.
Ol aldaǵy sıeze partıalyq tizimdi bekitip, halyqtyń aldynda jarıa etetinin aıtty. «Aýyl» halyqtyq-demokratıalyq patrıottyq partıasynyń saıası keńesi QR Prezıdentiniń jarlyǵyna sáıkes 2021 jyly 10 qańtarda ótetin QR Parlamenti májilisi men máslıhat depýtattarynyń kezekti saılaýyna «Aýyl» halyqtyq-demokratıalyq patrıottyq partıasynyń qatysatynyn málimdeıdi» dedi ol.
