«اۋىل» پارتيياسى مەن «مانساپ» جەكەمەنشٸك مەكتەبٸ قىزىلوردا قالاسىندا اۋىل ۇستازدارىن قولداۋ ماقساتىندا شارا ۇيىمداستىردى. «بٸلٸمدٸ ۇرپاق اۋىلدان» دەپ اتالعان وسى جيىنعا «اۋىل» پارتيياسىنان مەجٸلٸس دەپۋتاتتىعىنا جەنە تٷرلٸ دەڭگەيدەگٸ جەرگٸلٸكتٸ مەسليحاتتارعا كانديداتتار قاتىستى. جيىندا جاس پەداگوگتاردى اۋىل مەكتەپتەرٸنە جۇمىسقا تارتۋ, اۋىل مەكتەپتەرٸنٸڭ اقپاراتقا قولجەتٸمدٸلٸگٸن ارتتىرۋ مەسەلەسٸ تالقىلاندى.
– بٷگٸنگٸ اۋىل مەن قالا اراسىندا بٸردەن كٶزگە ۇراتىن ايتارلىقتاي ەلەۋمەتتٸك الشاقتىق بار. قالا مۇعالٸمدەرٸندە بٸلٸمٸن دامىتا الاتىن مٷمكٸندٸك مول.
اۋىل جەنە قالا جاستارىنا بەرٸلەتٸن مٷمكٸندٸكتەر اراسى دا جەر مەن كٶكتەي. جاستار بولاشاعىن ٶز اۋىلىمەن بايلانىستىرۋ ٷشٸن الدىمەن تۇراقتى جۇمىس, لايىقتى ەڭبەكاقى, ٶمٸر سٷرۋگە قولايلى ينفراقۇرىلىم, جول, سۋ, گاز پروبلەماسى شەشٸلۋ كەرەك. «اۋىل» پارتيياسىنىڭ كٶزدەگەنٸ – اۋىلعا ەرەكشە نازار اۋدارۋ. اۋىل مەن قالا اراسىنداعى بٸلٸم بەرۋ, دەنساۋلىق ساقتاۋ, مەدەنيەت, سپورت سالالارىنىڭ قىزمەتتەرٸ ساپاسىنداعى ايىرماشىلىقتى ايتارلىقتاي قىسقارتۋ.
«ديپلوممەن – اۋىلعا!», «اۋىلعا كەل, جاس مامان!» باعدارلاماسىن قايتا قاراۋ جەنە وعان زامان تالابىنا, جاستار مٷددەسٸنە ساي تٷزەتۋلەر مەن تولىقتىرۋلار ەنگٸزۋ. اۋىلداردا جاستارعا ارنالعان شارالار ٶتكٸزەتٸن, ۇيىمداستىراتىن ورتالىقتار مەن مەدەنيەت ٷيلەرٸن, سپورت سەكتسييالارىن اشۋعا باستاماشى بولۋ, – دەدٸ جيىنعا قاتىسۋشىلار الدىندا سٶز سٶيلەگەن اتالعان مەكتەپ قۇرىلتايشىسى, «اۋىل» پارتيياسىنان مەجٸلٸس دەپۋتاتتىعىنا كانديدات سوفييا ەبدٸرازاقوۆا.
كانديداتتار بٸلٸم سالاسى ماماندارىمەن كەزدەسۋدەن كەيٸن ات باسىن وبلىستىڭ سىردارييا اۋدانىنداعى «اقجارما جەنە ك» شارۋا قوجالىعىنا تٸرەدٸ. قىزىلوردا وبلىسىنداعى ٸرٸ اۋىل شارۋاشىلىعى قۇرىلىمدارىنىڭ بٸرٸ, كٷرٸش جەنە مال شارۋاشىلىعىمەن اينالىساتىن «اقجارما جەنە ك» شارۋا قوجالىعى ەكٸ جٷزگە جۋىق ادامدى جۇمىسپەن قامتىپ وتىر. ەت جەنە سٷت ٶنٸمدەرٸنٸڭ ون سەگٸز تٷرٸن شىعارادى.
شارۋاشىلىق بازاسىندا «اقجارما اگرو» جەنە «اقجارما ينۆەست» اگروٶنەركەسٸپتٸك كووپەراتيۆتەرٸ قۇرىلعان. «اقجارما ينۆەست» وبلىستىق سلەتتە «ەت جەنە سٷت باعىتىنداعى ٷزدٸك اۋىل شارۋاشىلىعى كووپەراتيۆٸ» اتالىمى بويىنشا ٷزدٸك دەپ تانىلعان. قوجالىق جۇمىسىمەن تانىسىپ, ونىڭ جەتٸستٸگٸنە تەنتٸ بولعان كانديداتتار شارۋاشىلىقتىڭ ماشينا اۋلاسىندا ەڭبەك ۇجىمىمەن كەزدەسۋ ٶتكٸزدٸ. ولارعا «اۋىل» پارتيياسى سايلاۋالدى باعدارلاماسىنىڭ نەگٸزگٸ باعىتتارىن تٷسٸندٸرٸپ, ٷگٸت-ناسيحات جۇمىستارىن جٷرگٸزدٸ.
– «اۋىل» پارتيياسىنىڭ نەگٸزگٸ باعىتى – اۋىل شارۋاشىلىعى سالاسىنىڭ قارىشتاپ دامۋىن قامتاماسىز ەتٸپ, اۋىلداردىڭ ٶركەندەۋٸنە ٷلەس قوسۋ. اۋىل مەن اۋىل شارۋاشىلىعى اجىراماس ۇعىم. ولار ادام ارقاۋى استىڭ اتاسى مەن اناسى.
اۋىل – ەر قازاق قاستەرلەۋٸ تيٸس الاشتىڭ التىن قازىعى. مۇڭى بٸردٸڭ – مٷددەسٸ بٸر. اۋىلدىڭ مٷددەسٸ – بٸزدٸڭ مٷددەمٸز! مەجٸلٸسكە بارعاندا بٸز بٸرٸنشٸ كەزەكتە مەملەكەتتٸك ورگاندار تاراپىنان بولاتىن, اگروبيزنەس تيٸمدٸلٸگٸنٸڭ تٶمەندەۋٸنە جەنە ەكسپورتتىڭ دامۋىنا تٸكەلەي نەمەسە جاناما قاتەر تٶندٸرەتٸن كەز كەلگەن شەكتەۋ نەمەسە ٶزگە دە رەتتەۋ شارالارىن قولدانۋعا تىيىم سالامىز.
كوممۋنالدىق تاريفتەردٸ بارلىق اٶك نىسانى, ازىق-تٷلٸك تاۋارلارىن ٶندٸرۋمەن, ساقتاۋمەن جەنە كٶتەرمە ساتۋمەن اينالىساتىن شاعىن جەنە ورتا بيزنەس كەسٸپورىندارى ٷشٸن ٶزٸندٸك قۇن دەڭگەيٸنە دەيٸن سۋبسيدييالاۋدى ەنگٸزۋگە قول جەتكٸزەمٸز. وتاندىق بيزنەستٸ يمپورت قىسىمىنان قورعاۋ ماقساتىندا جاڭا كەدەندٸك-تاريفتٸك ساياسات ەزٸرلەۋ كٷش سالامىز, – دەدٸ «اۋىل» پارتيياسىنان مەجٸلٸس دەپۋتاتتىعىنا كانديدات نۇركەن قارجاۋباەۆ.
كانديداتتاردى سايلاۋشىلار ەكٸ كەزدەسۋدە دە جىلى قابىلدادى. پارتييانىڭ ماقسات-مٷددەسٸ ٶز مۇراتتارىمەن ٷندەسەتٸنٸ ايتقان جيىنعا قاتىسۋشىلار كانديداتتارعا سۇراقتار قويىپ, ۇسىنىستار بەردٸ.
