تۇركىستان وبلىسىنىڭ اۋدان، قالالارى مەن ەلدى مەكەندەرىن كوگالداندىرۋ، وبلىس اۋماعىنداعى قۇرىلىس قالدىقتارىن تاستايتىن ورىندار جانە بالىق شارۋاشىلىعى، سونداي-اق «اۋىل اماناتى»  جوباسىنىڭ 4ء-شى باعىتى بويىنشا بالىق شارۋاشىلىعىن دامىتۋ ماسەلەلەرى بويىنشا وبلىس اكىمىنىڭ تاپسىرماسىمەن جيىن ءوتتى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.

جيىنعا تۇركىستان وبلىسى اكىمىنىڭ ورىنباسارى ەرمەك كەنجەحان ۇلى، وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى قايرات ابدۋالييەۆ، تۇركىستان وبلىسى جەر قاتىناستارى باسقارماسىنىڭ باسشىسى  ەرعالي تىلەگەن، ارال-سىرداريا وبلىسارالىق باسسەيندىك بالىق شارۋاشىلىعى ينسپەكسياسى، اۋدان، قالا اكىمدەرىنىڭ سالاعا جاۋاپتى ورىنباسارلارى قاتىستى.

وتىرىستا بالىق شارۋاشىلىعىنا ەرەكشە ءمان بەرىلدى. الايدا باسقارما مەن ارال-سىرداريا وبلىسارالىق باسسەيندىك بالىق شارۋاشىلىعى ينسپەكسياسى قىزمەتكەرلەرىمەن باعدارلامانىڭ IV باعىتى بويىنشا جەڭىلدەتىلگەن نەسيە راسىمدەۋدىڭ مەحانيزمدەرى تۋرالى بارلىق اۋدان، قالا اكىمدىكتەرىندە ءتۇسىندىرۋ جۇمىستارى جۇرگىزىلگەنىمەن، وڭ شەشىمىن تاپپاي وتىرعاندىعى ءسوز ەتىلدى.

سونىمەن قاتار «اۋىل اماناتى» باعدارلاماسىنىڭ IV «بالىق شارۋاشىلىعىن دامىتۋ» باعىتى بويىنشا اۋدان، قالا اكىمدىكتەرىمەن كاسىپكەرلەرگە قۇجات تاپسىرتۋ، جۇمىستارى تومەن دەڭگەيدە جۇرگىزىلىپ جاتقاندىعى ايتىلدى.

جيىن سوڭىندا وبلىس اكىمىنىڭ ورىنباسارى كۇزدىك اعاش ەگۋ ماۋسىمىنا بوساتىلاتىن كوشەتتەردىڭ جوسپارىنا سايكەس اۋدان، قالالار كوشەتتەر كولەمىن مۇمكىندىگىنشە الىپ، ەگۋ جۇمىستارىن جۇرگىزۋ كەرەكتىگىن اتاپ ءوتتى. سونداي-اق بالىق شارۋاشىلىعىن دامىتۋ، قۇرىلىس قالدىقتارىن تاستايتىن ارنايى ورىندار اشۋ جانە قۇرىلىس قالدىقتارىن قايتا وڭدەۋمەن اينالىساتىن ينۆەستورلاردى ايقىنداپ،  جۇمىستاردى جانداندىرۋ بويىنشا ناقتى تاپسىرما بەردى.