بۇل ساياسي دوداعا رەسپۋبليكا بويىنشا «Nur Otan»-نان 586 كانديدات تىركەلدى. ونىڭ ىشىندە تۇركىستان وبلىسىندا «Nur Otan» پارتياسى 48 كانديداتتى ۇسىنىپ وتىر. بۇل ازاماتتاردىڭ ءبارى قوعامدىق جۇمىستا، مەملەكەتتىك قىزمەتتە، ەلدىك ماسەلەلەردە شىڭدالعان جاندار.
جالپى تۇركىستان وبلىسىنىڭ 60 اۋىلدىق وكرۋگىندە اكىمدەردىڭ سايلاۋى وتەدى. اتالعان 60 اۋىل وكرۋگى اكىمدىگىنە ۇمىتكەرلەردىڭ 48ء-ى «Nur Otan» پارتياسى اتىنان ۇسىنىلدى. جەتەكشى پارتيا اتىنان تۇسەتىن ازاماتتار ءوز سايلاۋالدى باعدارلامالارىن ازىرلەپ، ەلمەن جۇزدەسۋدى، ۇگىت-ناسيحات جۇمىسىن باستاپ كەتتى. بۇل قادام دا پارتيانى قايتا جاڭعىرتۋداعى ىلكىمدى ىستەردىڭ ءبىرى. بىلتىر پرايمەريزدى جوعارى دەڭگەيدە وتكىزگەن جەتەكشى پارتيا بيىل اكىمدەر سايلاۋىنا دا ناقتى جوسپارمەن، دايىندىقپەن قاتىسۋدا.
2021 جىلدىڭ العاشقى جارتىسىن قورتىندىلايتىن بولساق، «Nur Otan» پارتياسىنىڭ تۇركىستان وبلىستىق فيليالى «وزگەرىستەر جولى: ءار ازاماتقا لايىقتى ءومىر!» سايلاۋالدى باعدارلاماسىن ورىنداۋ جونىندەگى جول كارتاسىن ازىرلەدى. جول كارتاسى بويىنشا ناقتى جۇمىستار ءجۇرىپ جاتىر. ونىڭ ىشىندە وبلىستى دامىتۋعا ارنالعان جول كارتاسىندا 26 نەگىزگى كورسەتكىش پەن 128 ءىس-شارا بولسا، ونىڭ اربىرىنە وبلىستىق ءماسليحاتتىڭ دەپۋتاتتارى، فراكسيا مۇشەلەرى جەتەكشىلىك ەتەدى. جاي جەتەكشىلىك ەتىپ قانا قويماي، ءاربىر ينديكاتوردىڭ ورىندالۋىنا تالداۋ جاساپ، ءقاۋىپ تونەتىن جاعدايدا بەلگىلى شارا قولدانۋى ءتيىس. جارتىجىلدىقتىڭ قورىتىندىسىمەن 2021-2025 جىلدارعا جوسپارلانعان 1956 تارماقتىڭ 55ء-ى ورىندالعان، 1470ء-ى بويىنشا جۇمىس اتقارىلىپ كەلەدى. جول كارتاسى شەڭبەرىندە تۇركىستان قالاسىنىڭ وزىندە كوپتەگەن قۇرىلىس نىسانى پايدالانۋعا بەرىلدى. كاسىپورىندار ىسكە قوسىلۋدا. پارتيا فيلالى جانىنان وبلىستىق دەڭگەيدە – 12، اۋداندىق، قالالىق دەڭگەيلەردە 141 قوعامدىق كەڭەس قۇرىلىپ، جۇمىس اتقارىپ جاتىر. ەلباسى، پارتيا ءتوراعاسى نۇرسۇلتان نازاربايەۆتىڭ «سەنىم. ديالوگ. بولاشاققا نىق قادام – Nur Otan پارتياسىنىڭ 7 سەرپىنى» باعدارلاماسىن جۇزەگە اسىرۋ ءۇشىن تۇركىستان وبلىسىندا پرايمەريز ءوتىپ، بويىنشا 600-گە جۋىق ادام كادرلىق رەزەرۆكە الىنعانىن بىلەسىزدەر. جاڭا تۇلعالار جارقىراي كورىنىپ، ءقازىر ەلگە قىزمەت ەتىپ جاتىر.
تۇركىستان وبلىسىنا قاراستى پارتيا فيليالدارىنىڭ قوعامدىق قابىلداۋ بولمەلەرىنە 2021 جىلدىڭ قاڭتار-ماۋسىم ايلارىندا 5200 ارىز-شاعىم ءتۇستى، ونىڭ 4088ء-ى وڭ شەشىمىن تاپتى. 950 وتىنىشكە زاڭ اياسىندا كەڭەستەر بەرىلدى.
وبلىس اكىمى، پارتيا فيليالىنىڭ ءتوراعاسى ءومىرزاق شوكەيەۆ پاندەميا كەزىندە دە كارانتين تالاپتارىن ساقتاي وتىرىپ، تۇرعىنداردى قابىلداۋدى تاپسىرعان بولاتىن. بۇل سالادا دا قوزعالىس بار. قوعامدىق قابىلداۋ بولمەلەرىندە 1215 قابىلداۋ جۇرگىزىلىپ، 2960 ازاماتتىڭ ماسەلەلەرى قارالدى. ونىڭ ىشىندە بارلىق دەڭگەيدەگى ءماسليحاتتاعى پارتيا فراكسياسى دەپۋتاتتارى 692 جەكە قابىلداۋ جۇرگىزىپ، 1760 ازاماتتىڭ وتىنىشنە قۇلاق استى. وبلىس، قالا، اۋدان اكىمدەرى جانە ورىنباسارلارى 87 جەكە قابىلداۋ جۇرگىزىپ، 220 تۇرعىننىڭ ارىز-شاعىمىن قابىلدادى. جالپى فراكسيا مۇشەلەرى وزدەرىنە جۇكتەلگەن مىندەتتى جاۋاپكەرشىلىكپەن اتقارىپ، ءاربىر تۇرعىننىڭ ءوتىنىشىن نازارعا الىپ، جۇمىس جۇرگىزۋدە. الداعى ۋاقىتتا دا «وزگەرىستەر جولى: ءار ازاماتقا لايىقتى ءومىر!» سايلاۋالدى باعدارلاماسىنىڭ جول كارتاسىن ورىنداۋ باعىتىندا جۇيەلى جۇمىس جالعاسادى. ارينە شەشىلمەگەن ماسەلە دە از ەمەس. ول تۇيتكىلدىڭ ءبارىن ەلدىڭ بىرلىگى، ازاماتتاردىڭ بەرەكەلى تىرلىگى ارقىلى تارقاتامىز دەپ سەنەمىن!
بەيسەن تاجىبايەۆ، «Nur Otan» پارتياسى تۇركىستان وبلىستىق فيليالى ءتوراعاسىنىڭ ءبىرىنشى ورىنباسارى، فراكسيا جەتەكشىسى
