Aýyl ákimderiniń sailaýyn qoǵam jyly qabyldap otyr
Bul saiasi dodaǵa respýblika boiynsha «Nur Otan»-nan 586 kandidat tirkeldi. Onyń ishinde Túrkistan oblysynda «Nur Otan» partiiasy 48 kandidatty usynyp otyr. Bul azamattardyń bári qoǵamdyq jumysta, memlekettik qyzmette, eldik máselelerde shyńdalǵan jandar.
Jalpy Túrkistan oblysynyń 60 aýyldyq okrýginde ákimderdiń sailaýy ótedi. Atalǵan 60 aýyl okrýgi ákimdigine úmitkerlerdiń 48-i «Nur Otan» partiiasy atynan usynyldy. Jetekshi partiia atynan túsetin azamattar óz sailaýaldy baǵdarlamalaryn ázirlep, elmen júzdesýdi, úgit-nasihat jumysyn bastap ketti. Bul qadam da partiiany qaita jańǵyrtýdaǵy ilkimdi isterdiń biri. Byltyr praimerizdi joǵary deńgeide ótkizgen jetekshi partiia biyl ákimder sailaýyna da naqty josparmen, daiyndyqpen qatysýda.
2021 jyldyń alǵashqy jartysyn qortyndylaityn bolsaq, «Nur Otan» partiiasynyń Túrkistan oblystyq filialy «Ózgerister joly: Ár azamatqa laiyqty ómir!» sailaýaldy baǵdarlamasyn oryndaý jónindegi Jol kartasyn ázirledi. Jol kartasy boiynsha naqty jumystar júrip jatyr. Onyń ishinde oblysty damytýǵa arnalǵan Jol kartasynda 26 negizgi kórsetkish pen 128 is-shara bolsa, onyń árbirine oblystyq máslihattyń depýtattary, fraktsiia músheleri jetekshilik etedi. Jai jetekshilik etip qana qoimai, árbir indikatordyń oryndalýyna taldaý jasap, qaýip tónetin jaǵdaida belgili shara qoldanýy tiis. Jartyjyldyqtyń qorytyndysymen 2021-2025 jyldarǵa josparlanǵan 1956 tarmaqtyń 55-i oryndalǵan, 1470-i boiynsha jumys atqarylyp keledi. Jol kartasy sheńberinde Túrkistan qalasynyń ózinde kóptegen qurylys nysany paidalanýǵa berildi. Kásiporyndar iske qosylýda. Partiia filaly janynan oblystyq deńgeide – 12, aýdandyq, qalalyq deńgeilerde 141 qoǵamdyq keńes qurylyp, jumys atqaryp jatyr. Elbasy, Partiia Tóraǵasy Nursultan Nazarbaevtyń «Senim. Dialog. Bolashaqqa nyq qadam – Nur Otan partiiasynyń 7 serpini» baǵdarlamasyn júzege asyrý úshin Túrkistan oblysynda praimeriz ótip, boiynsha 600-ge jýyq adam kadrlyq rezervke alynǵanyn bilesizder. Jańa tulǵalar jarqyrai kórinip, qazir elge qyzmet etip jatyr.
Túrkistan oblysyna qarasty partiia filialdarynyń qoǵamdyq qabyldaý bólmelerine 2021 jyldyń qańtar-maýsym ailarynda 5200 aryz-shaǵym tústi, onyń 4088-i oń sheshimin tapty. 950 ótinishke zań aiasynda keńester berildi.
Oblys ákimi, partiia filialynyń tóraǵasy Ómirzaq Shókeev pandemiia kezinde de karantin talaptaryn saqtai otyryp, turǵyndardy qabyldaýdy tapsyrǵan bolatyn. Bul salada da qozǵalys bar. Qoǵamdyq qabyldaý bólmelerinde 1215 qabyldaý júrgizilip, 2960 azamattyń máseleleri qaraldy. Onyń ishinde barlyq deńgeidegi máslihattaǵy partiia fraktsiiasy depýtattary 692 jeke qabyldaý júrgizip, 1760 azamattyń ótinishne qulaq asty. Oblys, qala, aýdan ákimderi jáne orynbasarlary 87 jeke qabyldaý júrgizip, 220 turǵynnyń aryz-shaǵymyn qabyldady. Jalpy fraktsiia músheleri ózderine júktelgen mindetti jaýapkershilikpen atqaryp, árbir turǵynnyń ótinishin nazarǵa alyp, jumys júrgizýde. Aldaǵy ýaqytta da «Ózgerister joly: Ár azamatqa laiyqty ómir!» sailaýaldy baǵdarlamasynyń Jol kartasyn oryndaý baǵytynda júieli jumys jalǵasady. Árine sheshilmegen másele de az emes. Ol túitkildiń bárin eldiń birligi, azamattardyń berekeli tirligi arqyly tarqatamyz dep senemin!
Beisen TÁJIBAEV, «Nur Otan» partiiasy Túrkistan oblystyq filialy tóraǵasynyń birinshi orynbasary, fraktsiia jetekshisi
