"ساياسي جۇيەنى رەفورمالاۋ بارىسىندا وتكىزىلگەن سايلاۋ بۇگىنگى تاڭدا ءوز جەمىسىن بەرىپ وتىر. 2021 جىلدان باستاپ قازاقستان اۋىلدىق اكىمدەردى تىكەلەي سايلاۋ جۇيەسى ەنگىزىلدى. سونىڭ ناتيجەسىندە ەلەكتورات تىكەلەي 1،3 مىڭنان استام اكىمدى سايلادى. بۇل ءۇردىس جالعاسىن تابادى. الداعى ۋاقىتتا اۋىلدىق وكرۋگتەردە دە ءدال وسىنداي ناۋقان وتكىزۋ جوسپارلانىپ وتىر.
سونىڭ ناتيجەسىندە اكىمدەردىڭ سايلاۋشىلار الدىنداعى جاۋاپكەرشىلىگى ارتا ءتۇستى.
ءقازىردىڭ وزىندە-اق سايلانعان اۋىلدىق اكىمشىلىك باسشىلارى ءوز تاڭداۋىنىڭ دۇرىس بولعانىن اۋىلداستارىنا كورسەتىپ، دالەلدەۋگە تىرىسىپ جاتىر، – دەدى ول قازاقستان حالقى اسسامبلەياسىنىڭ XXXII سەسسياسىندا سويلەگەن سوزىندە.
بالايەۆانىڭ اتاپ وتكەنىندەي، سايلانعان اۋىل اكىمدەرىنىڭ 50 پايىزدان استامى جاڭادان كەلگەندەر.
"ولاردىڭ باسىم كوپشىلىگى بۇرىن-سوڭدى مەملەكەتتىك قىزمەتتە ىستەمەگەن. ولار سايلاۋعا ءوز اۋىلدارىنىڭ الەۋمەتتىك-ەكونوميكالىق احۋالىن جاقسارتۋ ماقساتىندا وزدەرىنىڭ ناقتى جوبالارىمەن، باعدارلامالارىمەن كەلدى، ءقازىر بۇل باعدارلامالار جۇزەگە اسىرىلىپ جاتىر، – دەدى پرەزيدەنت اكىمشىلىگى باسشىسىنىڭ ورىنباسارى.
