"Saıası júıeni reformalaý barysynda ótkizilgen saılaý búgingi tańda óz jemisin berip otyr. 2021 jyldan bastap Qazaqstan aýyldyq ákimderdi tikeleı saılaý júıesi engizildi. Sonyń nátıjesinde elektorat tikeleı 1,3 myńnan astam ákimdi saılady. Bul úrdis jalǵasyn tabady. Aldaǵy ýaqytta aýyldyq okrýgterde de dál osyndaı naýqan ótkizý josparlanyp otyr.
Sonyń nátıjesinde ákimderdiń saılaýshylar aldyndaǵy jaýapkershiligi arta tústi.
Qazirdiń ózinde-aq saılanǵan aýyldyq ákimshilik basshylary óz tańdaýynyń durys bolǵanyn aýyldastaryna kórsetip, dáleldeýge tyrysyp jatyr, – dedi ol Qazaqstan halqy Assambleıasynyń XXXII sesıasynda sóılegen sózinde.
Balaevanyń atap ótkenindeı, saılanǵan aýyl ákimderiniń 50 paıyzdan astamy jańadan kelgender.
"Olardyń basym kópshiligi buryn-sońdy memlekettik qyzmette istemegen. Olar saılaýǵa óz aýyldarynyń áleýmettik-ekonomıkalyq ahýalyn jaqsartý maqsatynda ózderiniń naqty jobalarymen, baǵdarlamalarymen keldi, qazir bul baǵdarlamalar júzege asyrylyp jatyr, – dedi Prezıdent ákimshiligi basshysynyń orynbasary.
