اۋعانستاندا بولعان جەر سىلكىنىسىنەن قازا تاپقاندار سانى جەتى ادامعا دەيىن ءوستى، تاعى 150 ادام جاراقات العان، دەپ حابارلايدى Dalanews.kz Reuters اگەنتتىگىنە سىلتەمە جاساپ.

بۇعان دەيىن بالح پروۆينسياسى گۋبەرناتورىنىڭ باسپا ءسوز حاتشىسى حادجي زايد كەم دەگەندە ءتورت ادامنىڭ قازا تاپقانىن حابارلاعان ەدى.

«جەر سىلكىنىسىنىڭ سالدارىنان جەتى ادام قازا تاۋىپ، 150 ادام جارالاندى»، - دەپ جازادى اگەنتتىك.

جەرگىلىكتى دەنساۋلىق ساقتاۋ باسقارماسىنىڭ دەرەگىنشە، جارالانعاندار سانى - 150 ادام، ولاردىڭ جاعدايى تۋرالى ازىرگە ناقتى اقپارات جوق.

ماگنيتۋداسى 6،3 بولاتىن جەر سىلكىنىسى UTC ۋاقىتىمەن 20:28-دە (ماسكەۋ ۋاقىتىمەن 23:28-دە) مازاري-شاريف قالاسىنان شىعىس-وڭتۇستىك-شىعىسقا قاراي 45 شاقىرىم جەردە تىركەلگەن. وشاق تەرەڭدىگى - 10 شاقىرىم.

اقش گەولوگيالىق قىزمەتى ءقاۋىپتىڭ قىزعىلت (ورانجيەۆىي) دەڭگەيىن جاريالادى.

بۇعان دەيىن اقش-تا ءىرى تەكتونيكالىق پليتانىڭ جىلجۋىنا بايلانىستى جويقىن جەر سىلكىنىسى بولۋى مۇمكىن ەكەنى حابارلانعان. عالىمداردىڭ ايتۋىنشا، كاسكاديا سۋبدۋكسيا ايماعىندا، ياعني حۋان-دە-فۋكا پليتاسى سولتۇستىك امەريكا پليتاسىنىڭ استىنا كىرىپ جاتقان جەردە، «سولتۇستىك امەريكانىڭ تاريحىنداعى ەڭ ءىرى اپات» ورىن الۋى ىقتيمال.