Aýǵanstanda bolǵan jer silkinisinen qaza tapqandar sany jeti adamǵa deiin ósti, taǵy 150 adam jaraqat alǵan, dep habarlaidy Dalanews.kz Reuters agenttigine silteme jasap.
Buǵan deiin Balh provintsiiasy gýbernatorynyń baspasóz hatshysy Hadji Zaid kem degende tórt adamnyń qaza tapqanyn habarlaǵan edi.
«Jer silkinisiniń saldarynan jeti adam qaza taýyp, 150 adam jaralandy», - dep jazady agenttik.
Jergilikti densaýlyq saqtaý basqarmasynyń dereginshe, jaralanǵandar sany - 150 adam, olardyń jaǵdaiy týraly ázirge naqty aqparat joq.
Magnitýdasy 6,3 bolatyn jer silkinisi UTC ýaqytymen 20:28-de (Máskeý ýaqytymen 23:28-de) Mazari-Sharif qalasynan shyǵys-ońtústik-shyǵysqa qarai 45 shaqyrym jerde tirkelgen. Oshaq tereńdigi - 10 shaqyrym.
AQSh geologiialyq qyzmeti qaýiptiń qyzǵylt (oranjevyi) deńgeiin jariialady.
Buǵan deiin AQSh-ta iri tektonikalyq plitanyń jyljýyna bailanysty joiqyn jer silkinisi bolýy múmkin ekeni habarlanǵan. Ǵalymdardyń aitýynsha, Kaskadiia sýbdýktsiia aimaǵynda, iaǵni Hýan-de-Fýka plitasy Soltústik Amerika plitasynyń astyna kirip jatqan jerde, «Soltústik Amerikanyń tarihyndaǵy eń iri apat» oryn alýy yqtimal.
