اۋعانستاندا ايەلدەرگە بىر-بىرىمەن سويلەسۋگە تىيىم سالىندى. "تاليبان" قوزعالىسى ايەلدەرگە قوعامدىق ورىنداردا باسقا ايەلدەرمەن سويلەسۋگە تىيىم سالدى، - دەپ حابارلايدى Dalanews.kz الەمدىك باق-قا سىلتەپ.
دەرەكتەرگە سۇيەنسەك، تاليبان ىزگىلىكتى ناسيحاتتايتىن، جاماندىقتى جوياتىن ءبىرقاتار زاڭ قابىلداعان.
"بۇل زاڭعا سايكەس ايەلدىڭ كوپشىلىك الدىندا شىققان داۋىسى "جاماندىق" سانالادى"، - دەپ جازىلعان دەرەكتەردە.
بىرىككەن ۇلتتار ۇيىمى بۇل شەكتەۋلەردى ايىپتاعان.
2021 جىلى تامىزدا اۋعانستاندا تالىپتەر بيلىككە كەلگەننەن بەرى ەلدەگى ايەلدەرگە ءبىلىم الۋعا، ەر ادامنىڭ ەرىپ ءجۇرۋىنسىز ساياحاتتاۋعا جانە كوپشىلىك الدىندا سويلەۋگە، اسىرەسە، ەر ادامدارمەن سويلەسۋگە تىيىم سالىنعان بولاتىن.
ولارعا ساياباقتارعا بارۋعا، سۋعا تۇسۋگە نەمەسە سپورتپەن اينالىسۋعا دا بولمايدى. سۇلۋلىق سالوندارىنا دا بارا المايدى. ايەلدەرگە قاتىستى زورلىق-زومبىلىق تۋرالى زاڭ دا كۇشىن جويعان بولاتىن.
