اۋعاندىق ارداگەرلەردىڭ قازاقستاندىق ارميا قاتارىن نىعايتا ءتۇسۋ جولىنداعى ايشىقتى ۇلەسىن ايتا كەلە وبلىس باسشىسى ارداگەرلەردىڭ قوعام ومىرىنە بەلسەنە ارالاسۋى، ۇرپاقتى وتانسۇيگىشتىككە تاربيەلەۋدەگى ىقپالىن ارتتىرۋدى جالعاستىرۋلارى قاجەتتىگىن دە اتاپ ءوتتى.
– سپورت – قوعامدى سالاماتتىلىققا تاربيەلەيتىن، رۋحتى شىڭدايتىن، قاجىرلىلىققا بەيىمدەيتىن، قيىندىققا قارسى تۇرا الاتىن قايرات بەرەتىن ەرەكشە كۇش. ءبىزدىڭ اۋعاندىق ارداگەرلەرىمىز دە ءدال وسىنداي قاسيەتتەرگە يە دەپ ايتا الامىز. بۇل تۋرنير ماڭىزدى سپورتتىق جارىس قانا ەمەس، وتان قورعاۋشىلاردىڭ ەرلىگى مەن باتىرلىعىن تاعى ءبىر مارتە ەسكە ءتۇسىرۋ دەپ بىلەمىز. بۇگىنگى جارىس بۇدان كەيىن دە يگى داستۇرگە اينالىپ، سپورتسۇيەر قاۋىم مەن دوستاردىڭ باس قوساتىن شاراسىنا اينالادى دەپ سەنەمىز، – دەي كەلە جارىسقا قاتىسۋشىلارعا جەڭىس تىلەدى.
اۋعاندىق ارداگەرلەر اتىنان «اۋعان سوعىسى مۇگەدەكتەرىنىڭ رەسپۋبليكالىق ۇيىمى» قوعامدىق بىرلەستىگىنىڭ ءتوراعاسى، كەڭەس وداعىنىڭ باتىرى نيكولاي كرەمەنيش ءسوز الىپ، ءتۋرنيردى ۇيىمداستىرۋشىلارعا ريزاشىلىعىن ءبىلدىرىپ، ويىن قاتىسۋشىلارىنا ساتتىلىك تىلەدى.
مۇنان سوڭ تۋرنير تورەشىلەرى تانىستىرىلىپ، ىرىكتەۋ ويىندارى باستالدى.
جالپى، بۇل سپورتتىق جارىستى وتكىزۋ تۋرالى ۇسىنىس وبلىس اكىمى ا.باتالوۆتىڭ اقپان ايىنداعى اۋعان سوعىسى ارداگەرلەرىمەن كەزدەسۋى بارىسىندا ايتىلعان بولاتىن. ۇسىنىسقا اكىمدىك تاراپىنان قولداۋ كورسەتىلىپ، جۇزەگە استى. ەلىمىزدىڭ تۇكپىر-تۇكپىرىنەن 9 كوماندا قاتىسىپ جاتقان جارىس ەكى كۇنگە سوزىلىپ، قورىتىندىسى ەرتەڭ شىعارىلاتىن بولادى.
دەرەككوزى: zhetysu.gov.kz
