اۋعاندىق ارداگەرلەردٸڭ قازاقستاندىق ارمييا قاتارىن نىعايتا تٷسۋ جولىنداعى ايشىقتى ٷلەسٸن ايتا كەلە وبلىس باسشىسى ارداگەرلەردٸڭ قوعام ٶمٸرٸنە بەلسەنە ارالاسۋى, ۇرپاقتى وتانسٷيگٸشتٸككە تەربيەلەۋدەگٸ ىقپالىن ارتتىرۋدى جالعاستىرۋلارى قاجەتتٸگٸن دە اتاپ ٶتتٸ.
اۋعاندىق ارداگەرلەر اتىنان «اۋعان سوعىسى مٷگەدەكتەرٸنٸڭ رەسپۋبليكالىق ۇيىمى» قوعامدىق بٸرلەستٸگٸنٸڭ تٶراعاسى, كەڭەس وداعىنىڭ باتىرى نيكولاي كرەمەنيش سٶز الىپ, تۋرنيردٸ ۇيىمداستىرۋشىلارعا ريزاشىلىعىن بٸلدٸرٸپ, ويىن قاتىسۋشىلارىنا سەتتٸلٸك تٸلەدٸ.
مۇنان سوڭ تۋرنير تٶرەشٸلەرٸ تانىستىرىلىپ, ٸرٸكتەۋ ويىندارى باستالدى.
جالپى, بۇل سپورتتىق جارىستى ٶتكٸزۋ تۋرالى ۇسىنىس وبلىس ەكٸمٸ ا.باتالوۆتىڭ اقپان ايىنداعى اۋعان سوعىسى ارداگەرلەرٸمەن كەزدەسۋٸ بارىسىندا ايتىلعان بولاتىن. ۇسىنىسقا ەكٸمدٸك تاراپىنان قولداۋ كٶرسەتٸلٸپ, جٷزەگە استى. ەلٸمٸزدٸڭ تٷكپٸر-تٷكپٸرٸنەن 9 كوماندا قاتىسىپ جاتقان جارىس ەكٸ كٷنگە سوزىلىپ, قورىتىندىسى ەرتەڭ شىعارىلاتىن بولادى.
دەرەككٶزٸ: zhetysu.gov.kz
