Aýǵandyq ardagerlerdiń qazaqstandyq armiia qataryn nyǵaita túsý jolyndaǵy aishyqty úlesin aita kele oblys basshysy ardagerlerdiń qoǵam ómirine belsene aralasýy, urpaqty otansúigishtikke tárbieleýdegi yqpalyn arttyrýdy jalǵastyrýlary qajettigin de atap ótti.
Aýǵandyq ardagerler atynan «Aýǵan soǵysy múgedekteriniń respýblikalyq uiymy» qoǵamdyq birlestiginiń tóraǵasy, Keńes Odaǵynyń batyry Nikolai Kremenish sóz alyp, týrnirdi uiymdastyrýshylarǵa rizashylyǵyn bildirip, oiyn qatysýshylaryna sáttilik tiledi.
Munan soń týrnir tóreshileri tanystyrylyp, irikteý oiyndary bastaldy.
Jalpy, bul sporttyq jarysty ótkizý týraly usynys oblys ákimi A.Batalovtyń aqpan aiyndaǵy aýǵan soǵysy ardagerlerimen kezdesýi barysynda aitylǵan bolatyn. Usynysqa ákimdik tarapynan qoldaý kórsetilip, júzege asty. Elimizdiń túkpir-túkpirinen 9 komanda qatysyp jatqan jarys eki kúnge sozylyp, qorytyndysy erteń shyǵarylatyn bolady.
Derekkózi: zhetysu.gov.kz
