Aýǵandyq ardagerlerdiń qazaqstandyq armıa qataryn nyǵaıta túsý jolyndaǵy aıshyqty úlesin aıta kele oblys basshysy ardagerlerdiń qoǵam ómirine belsene aralasýy, urpaqty otansúıgishtikke tárbıeleýdegi yqpalyn arttyrýdy jalǵastyrýlary qajettigin de atap ótti.
– Sport – qoǵamdy salamattylyqqa tárbıeleıtin, rýhty shyńdaıtyn, qajyrlylyqqa beıimdeıtin, qıyndyqqa qarsy tura alatyn qaırat beretin erekshe kúsh. Bizdiń aýǵandyq ardagerlerimiz de dál osyndaı qasıetterge ıe dep aıta alamyz. Bul týrnır mańyzdy sporttyq jarys qana emes, Otan qorǵaýshylardyń erligi men batyrlyǵyn taǵy bir márte eske túsirý dep bilemiz. Búgingi jarys budan keıin de ıgi dástúrge aınalyp, sportsúıer qaýym men dostardyń bas qosatyn sharasyna aınalady dep senemiz, – deı kele jarysqa qatysýshylarǵa jeńis tiledi.
Aýǵandyq ardagerler atynan «Aýǵan soǵysy múgedekteriniń respýblıkalyq uıymy» qoǵamdyq birlestiginiń tóraǵasy, Keńes Odaǵynyń batyry Nıkolaı Kremenısh sóz alyp, týrnırdi uıymdastyrýshylarǵa rızashylyǵyn bildirip, oıyn qatysýshylaryna sáttilik tiledi.
Munan soń týrnır tóreshileri tanystyrylyp, irikteý oıyndary bastaldy.
Jalpy, bul sporttyq jarysty ótkizý týraly usynys oblys ákimi A.Batalovtyń aqpan aıyndaǵy aýǵan soǵysy ardagerlerimen kezdesýi barysynda aıtylǵan bolatyn. Usynysqa ákimdik tarapynan qoldaý kórsetilip, júzege asty. Elimizdiń túkpir-túkpirinen 9 komanda qatysyp jatqan jarys eki kúnge sozylyp, qorytyndysy erteń shyǵarylatyn bolady.
Derekkózi: zhetysu.gov.kz
