بٷگٸن تانىمال جازۋشى, اقىن, مەدەنيەتتانۋشى, كٶسەمسٶزشٸ, اۋدارماشى ەۋەزحان ەبدٸرامانۇلى قودار دٷنيەدەن ٶتتٸ. ول — 1958 جىلى قىزىلوردا وبلىسى قارماقشى اۋدانى ابىلا اۋىلىندا دٷنيەگە كەلگەن.
ەۋەزحان قودار سسسر جەنە قازاقستان جازۋشىلار وداعىنىڭ مٷشەسٸ بولعان, قازاقستان جازۋشىلار وداعى جانىنداعى كٶركەم اۋدارما جەنە ەدەبي بايلانىس جٶنٸندەگٸ باس رەداكتسييالىق كوللەگييانىڭ رەداكتورى قىزمەتٸن اتقارعان. 1994 جىلدان بەرٸ «التىن عاسىر» قازاقستان حالىقتارى مەدەنيەتٸن قورعاۋ جٶنٸندەگٸ وداقتاستىقتىڭ پرەزيدەنتٸ, 1999 - 2001 جىلدارى "سوروس-قازاقستان" حالىقارالىق قورىنىڭ باسقارما مٷشەسٸ, 2002 جىلدىڭ جەلتوقسانىنان قازاقستان رەسپۋبليكاسى پرەزيدەنتٸ جانىنداعى باق جٶنٸندەگٸ كەڭەستٸڭ مٷشەسٸ, 2006 جىلدان «ەۋرازييالىق زەرتتەۋلەر ينستيتۋتى» رەسەي-قازاقستان قورى باس ديرەكتورىنىڭ كەڭەسشٸسٸ, 2006 جىلدىڭ مامىرىنان – مەدەني ساياسات جەنە ٶنەرتانۋ ينستيتۋتىنىڭ ديرەكتورى بولعان ەدٸ. «پاراسات» وردەنٸمەن ماراپاتتالعان.
قازاق تٸلٸندە ەۋەزحان قوداردىڭ ەكٸ كٸتابى شىققان: «قاناعات قاعاناتى» (1994), جەنە «ورالۋ» (2006), ورىس تٸلٸندە شىققاندارى: «كرىلاتىي ۋزور» (1990), «اباي (يبراگيم) كۋنانباەۆ (1996), «كرۋگي زابۆەنييا» (1998), «وچەركي پو يستوريي كازاحسكوي ليتەراتۋرى» (1999), «ستەپنوە زنانيە: وچەركي پو كۋلتۋرولوگيي» (2002), «زوۆ بىتييا» (2006) جەنە قازاق پوەزيياسىنىڭ بەس عاسىرىن قامتىعان «انتولوگييا كازاحسكوي پوەزيي ۆ پەرەۆوداح اۋەزحانا كودارا» (2006); اعىلشىن تٸلٸنە اۋدارىلعانى - «تسۆەتى رۋين» (2004). ٶلەڭدەرٸ اعىلشىن, كەرٸس, ۋكراين تٸلدەرٸنە اۋدارىلعان.
ەۋەزحان قودار قازاق جەنە ورىس تٸلدەرٸندە جازاتىن بيلينگۆاليست جەنە ۇلتتىق كلاسسيكانىڭ اۋدارماشىسى رەتٸندە تانىمال. ورىس تٸلٸنە ورتاعاسىرلىق جىراۋلاردىڭ پوەزيياسىن, ابايدىڭ, ماعجاننىڭ, جۇماتاي جاقىپباەۆتىڭ شىعارمالارىن اۋدارعان. قازاق تٸلٸنە ە.زامياتيننىڭ «اتيللا» دراماسىن, م. حايدەگگەردٸڭ, ج. دەلەزدٸڭ, ح.ورتەگا-ي-گاسسەتتٸڭ جەنە «باتىس فيلوسوفيياسى انتولوگيياسى» جيناعىنا كٸرگەن ٶزگە شەت ەل فيلوسوفتارىن اۋدارعان (2002). قازاق تٸلٸندە شىققان «مەدەنيەتتانۋ سٶزدٸگٸنٸڭ» (2001) اۆتورلارىنىڭ بٸرٸ. «مەدەني مۇرا» مەملەكەتتٸك باعدارلاماسىنىڭ اياسىندا قازاق تٸلٸنە ەلەمدٸك مەدەني تانىمنىڭ ەكٸ تومىن اۋدارعان.
"قالا مەن دالا" گازەتٸ مارقۇمنىڭ وتباسى مەن تۋىس-تۋعاندارىنا قايعىرىپ كٶڭٸل ايتادى.
