ەنەرگەتيكا مينيسترلىگى كەيبىرەۋلەرگە "حالىق ەسەبىنەن ەش سەبەپسىز تابىس تابۋعا مۇمكىندىك بەرىپ وتىر". بۇل تۋرالى جوعارى اۋديتورلىق پالاتا مالىمدەدى، دەپ حابارلايدى Dalanews.kz.
ەلەكتر ەنەرگياسى نارىعىندا پروۆايدەرلەردىڭ سانى ارتىپ كەلەدى. قازىرگى ۋاقىتتا ولاردىڭ سانى 18 زاڭدى تۇلعاعا جەتكەن.
ولاردىڭ قىزمەت قۇنى رەتتەلمەيدى، ال جەتكىزىلەتىن ەلەكتر ەنەرگياسىنىڭ كولەمى مەن باعاسى شارتتىق قاتىناستارعا نەگىزدەلگەن. بۇل تۇتىنۋ مەن ءوندىرۋدىڭ ناقتى كولەمدەرىن جاسىرۋعا مۇمكىندىك بەرىپ، نارىقتىڭ اشىقتىعىنا نۇقسان كەلتىرەدى.
تەك 2024 جىلدىڭ وزىندە پروۆايدەرلەر نارىق وپەراتورلارىن اينالىپ ءوتىپ، 187 ۇيىمنان 13،7 ملرد كۆت*ساع ەلەكتر ەنەرگياسىن (شامامەن 200 ملرد تەڭگە) ساتىپ العان جانە تاراتقان.
سونداي-اق ماينەرلەردىڭ ءبىرىڭعاي ساتىپ الۋشى «جاڭارتىلاتىن ەنەرگيا كوزدەرىن قولداۋ جونىندەگى قارجى-ەسەپ ايىرىسۋ ورتالىعى» جشس-نى اينالىپ ءوتىپ، سىرتقى كومپانيالاردان تەڭگەرىمدەۋشى جەتكىزۋشى ارقىلى ەلەكتر ەنەرگياسىن ساتىپ العانى انىقتالدى. 2024 جىلدىڭ وزىندە ولار 901 ملن كۆت*ساع (شامامەن 13 ملرد تەڭگەدەن استام) ەنەرگيا تۇتىنعان.
وتىرىستا جوعارى اۋديتورلىق پالاتا ءتوراعاسى ءاليحان سمايىلوۆ بۇل ماسەلەگە ەرەكشە نازار اۋداردى.
«ەڭ الدىمەن، ەنەرگەتيكا مينيسترلىگى تاراپىنان ءوندىرىس كولەمىنە، تۇتىنۋعا جانە ناقتى تاريفتەرگە مونيتورينگ جۇرگىزىلۋى ءتيىس. اۋديت دەرەكتەرىنە سايكەس ماينەرلەر ءبىرىڭعاي ساتىپ الۋشىنى اينالىپ ءوتىپ، 1 ملرد كۆت*ساع-قا دەيىن ەلەكتر ەنەرگياسىن تۇتىنىپ وتىر. ەنەرگيا تاپشىلىعى جاعدايىندا ماينەرلەردىڭ ەلەكتر قۋاتىن وسىلاي باقىلاۋسىز تۇتىنۋىنا قالاي جول بەرۋگە بولادى؟» — دەدى ءاليحان سمايىلوۆ ق ر ەنەرگەتيكا مينيسترلىگىنىڭ وكىلدەرىنە.
مينيسترلىك وكىلدەرى ماينەرلەرگە قاتىستى قاجەتتى ليسەنزيالاۋ مەحانيزمدەرى ازىرلەنگەنىن اتاپ ءوتتى.
«ليسەنزيالاۋ – ءبىر ماسەلە. ولار ەنەرگيانى پروۆايدەرلەر ارقىلى رەتتەلمەيتىن باعامەن ساتىپ الادى. ناتيجەسىندە شىعىندار تۇتىنۋشىلارعا جۇكتەلۋدە. بالانستىق پروۆايدەرلەردىڭ سانى ارتىپ كەلەدى. بۇل – حالىق ەسەبىنەن ەش قيىندىقسىز پايدا تابۋدىڭ جولى. ال سىزدەر بۇعان جول بەرىپ وتىرسىزدار. باقىلاۋدىڭ ءتيىمدى مەحانيزمدەرى جوق»، — دەدى جوعارى اۋديتورلىق پالاتا ءتوراعاسى.
نارىقتى تەرەڭ زەرتتەمەۋ جانە ماركەتينگتىك زەرتتەۋلەر جۇرگىزبەۋ سالدارىنان «KEGOC» اق-عا 4 جوبا بويىنشا مەردىگەرلەر جابدىقتى 2-3 ەسە قىمبات باعامەن جەتكىزگەن. جالپى ارتىق شىعىن 2،2 ملرد تەڭگە.
سوڭعى 10 جىلدا «سامۇرىق-ەنەرگو» اق توبى نەبارى 4 جاڭا جوبانى ىسكە اسىرعان. بۇل 2024 جىلى بەكىتىلگەن دامۋ ستراتەگياسى بويىنشا الداعى 10 جىلعا جوسپارلانعان 25 جوبانىڭ ىسكە اسىرىلۋىنا كۇمان تۋدىرادى.
توقتاتىلعان جوبالارعا بايلانىستى «سامۇرىق-ەنەرگو» اق-نىڭ ءتيىمسىز شىعىندارى 199 ملرد تەڭگەنى قۇرايدى. ەڭ ىرىلەرى: بالقاش جەو قۇرىلىسى – 102 ملرد تەڭگە، ەكىباستۇز گرەس-2ء-نىڭ №3 ەنەرگوبلوگى – 61،2 ملرد تەڭگە.
جالپى اۋديت ناتيجەسى بويىنشا انىقتالعان قارجىلىق زاڭ بۇزۋشىلىقتار 66 ملن تەڭگە بولدى.
بيۋدجەت قاراجاتىن ءتيىمسىز جوسپارلاۋ 9،5 ملرد تەڭگەنى، قاراجات پەن اكتيۆتەردى ءتيىمسىز پايدالانۋ 104،7 ملرد تەڭگەنى قۇرادى.
بارلىعى 72 راسىمدىك جانە 35 جۇيەلى بۇزۋشىلىق تىركەلدى.
