ەڭ الدىمەن تىلشىلەر قاۋىمى جاقىندا عانا پايدالانۋعا بەرىلگەن داڭق اللەياسىنا ايالدادى. اۋدان اكىمىنىڭ ورىنباسارى بەيسەنباي تورەبەكوۆ 1941-1945 جىلدار ارالىعىندا ماقتارال اۋدانىنان 32 مىڭنان اسا ادام ۇلى وتان سوعىسىنا اتتانىپ، سونىڭ 3900ء-ى عانا امان-ەسەن ەلگە ورالعانىن اتاپ ءوتتى. ونىڭ ىشىندە 12 ادام "كەڭەس وداعىنىڭ باتىرى" اتاعىن العان ەكەن.
– ارينە، ەل ءۇشىن قان توككەن بوزداقتار ەل ەسىندە ماڭگى ساقتالۋى ءتيىس. مىنە، وسىنى ەسكەرگەن اۋدانىمىزدىڭ اكىمى باقىت اسانوۆتىڭ باستاماسىمەن س.قوجانوۆ كوشەسى بويىنداعى ماڭگىلىك الاۋ ەسكەرتكىشىن قايتا قۇرۋ ءۇشىن بيۋدجەتتەن 137 ميلليون تەڭگە قارجى قارالىپ، مەردىگەر "تايماس company" ج ش س تاراپىنان قۇرىلىس جۇمىستارى جۇرگىزىلدى – دەدى بەيسەنباي تاسبولات ۇلى.
مۇنان سوڭ تىلشىلەر اۋدان ورتالىعىنداعى جاستار گۇلزارىندا اۋدان اكىمى باقىت اسانوۆپەن ارنايى كەزدەسىپ، اۋدان باسشىسىنان سۇحبات الدى. باقىت ناسىرحان ۇلى 3 جىلدىڭ ىشىندە مىرزاكەنت كەنتىن اباتتاندىرۋ، كوركەيتۋ، كوگالداندىرۋ باعىتىندا جاسالعان جۇمىستار جونىندە كەڭىنەن اڭگىمەلەپ بەردى.
– مىرزاكەنتكە العاش كەلگەنىمىزدە ورتالىق كوشەلەردىڭ بويىندا مال جايىلىپ جۇرەتىن ەدى. قۋراعان اعاشتار، وسپەگەن گۇلدەر، ەسكىرگەن عيماراتتار. ارينە، مۇنىڭ ءبارى الىگە دەيىن كوز الدىمدا. ءبىز ەڭ العاش جۇمىسىمىزدى سەنبىلىك جاساۋدان باستاپ، جاڭادان اۋدان ورتالىعى بولعان مىرزاكەنتتىڭ تۇرعىندارىنا تازالىقتى ساقتاۋ مادەنيەتىن قالىپتاستىرۋ ءۇشىن ءتۇسىندىرۋ جۇمىستارىن تىنباي جاسادىق. ايىپپۇل سالۋ شارالارىن قولعا الدىق. مىرزاكەنتتىڭ ءاربىر تۇرعىنى "اۋدان ورتالىعىنىڭ تۇرعىنى" دەگەن اتقا لايىق بولۋ كەرەكتىگىن جانە اۋدانداعى باسقا اۋىلدارعا ۇلگى-ونەگە بولۋ كەرەكتىگىن ايتۋدان شاراشاعان جوقپىز. ارينە، بىزگە وڭاي بولعان جوق. دەگەنمەن، بۇگىنگى جاسانعان، جايناعان، گۇلدەنگەن مىرزاكەنتتى وزدەرىڭىز كورىپ تۇرسىزدار، – دەدى باقىت ناسىرحان ۇلى.
جالپى اۋدان ورتالىعى بولعانىنا 3 جىل تولعان مىرزاكەنت كەنتى كۇن سايىن قۇلپىرىپ كەلەدى. كەنتتە ەسكىرگەن نىسانداردىڭ بارلىعى دا قايتا جاڭارىپ، ۇلكەن قۇرىلىس نىساندارى بوي كوتەردى. اتاپ ايتقاندا، اۋدان اكىمى اپپاراتىنىڭ عيماراتى، جاستار گۇلزارى، ق.مۇڭايتپاسوۆ اتىنداعى ورتالىق ستاديون، ورتالىق كىتاپحانا، مىرزاكەنت ەمحاناسى ەل يگىلىگىنە بەرىلدى. بۇگىندە 1200 ورىندىق مەكتەپ جانە 280 ورىندىق بالاباقشانىڭ قۇرىلىسى جۇرۋدە جانە دەربەس بولىمدەر ءۇشىن اكىمشىلىك عيماراتى، سپورت سارايى، ورتالىق ساياباق نىساندارىنىڭ قۇرىلىسى جوسپارلانۋدا. سونىمەن قاتار، وتكەن جىلعى توتەنشە جاعداي سالدارىنان مىرزاكەنتتە جاڭا مولتەك اۋدان بوي كوتەرىپ، ونىڭ ىشىندە جاڭا ساياباق پەن اللەيالار پايدا بولدى.
مىرزاكەنتتە كوپتەگەن كاسىپكەرلىك نىساندار دا تۇرعىزىلىپ، حالىققا قىزمەت كورسەتۋ ساپاسى كۇن سايىن ارتۋدا. كەنت كوشەلەرىنىڭ بارلىعى دەرلىك اسفالتتەندى. اعاشتار ەگىلىپ، جارقىراتا جارىقشامدار ورناتىلدى. سۋبۇرقاقتار اتقىلاپ، گۇلدەر جايقالدى. مىرزالاردىڭ مەكەنى دەپ اتالا باستاعان مىرزاكەنت قاي جاعىنان السا دا دامىپ، كوركى كوز تويمايتىن دەڭگەيگە جەتكەنىنە ب ا ق وكىلدەرى كوز جەتكىزدى.
