ەڭ الدىمەن تٸلشٸلەر قاۋىمى جاقىندا عانا پايدالانۋعا بەرٸلگەن داڭق اللەياسىنا ايالدادى. اۋدان ەكٸمٸنٸڭ ورىنباسارى بەيسەنباي تٶرەبەكوۆ 1941-1945 جىلدار ارالىعىندا ماقتارال اۋدانىنان 32 مىڭنان اسا ادام ۇلى وتان سوعىسىنا اتتانىپ, سونىڭ 3900-ٸ عانا امان-ەسەن ەلگە ورالعانىن اتاپ ٶتتٸ. ونىڭ ٸشٸندە 12 ادام "كەڭەس وداعىنىڭ باتىرى" اتاعىن العان ەكەن.
– ەرينە, ەل ٷشٸن قان تٶككەن بوزداقتار ەل ەسٸندە مەڭگٸ ساقتالۋى تيٸس. مٸنە, وسىنى ەسكەرگەن اۋدانىمىزدىڭ ەكٸمٸ باقىت اسانوۆتىڭ باستاماسىمەن س.قوجانوۆ كٶشەسٸ بويىنداعى مەڭگٸلٸك الاۋ ەسكەرتكٸشٸن قايتا قۇرۋ ٷشٸن بيۋدجەتتەن 137 ميلليون تەڭگە قارجى قارالىپ, مەردٸگەر "تايماس company" جشس تاراپىنان قۇرىلىس جۇمىستارى جٷرگٸزٸلدٸ – دەدٸ بەيسەنباي تاسبولاتۇلى.
– مىرزاكەنتكە العاش كەلگەنٸمٸزدە ورتالىق كٶشەلەردٸڭ بويىندا مال جايىلىپ جٷرەتٸن ەدٸ. قۋراعان اعاشتار, ٶسپەگەن گٷلدەر, ەسكٸرگەن عيماراتتار. ەرينە, مۇنىڭ بەرٸ ەلٸگە دەيٸن كٶز الدىمدا. بٸز ەڭ العاش جۇمىسىمىزدى سەنبٸلٸك جاساۋدان باستاپ, جاڭادان اۋدان ورتالىعى بولعان مىرزاكەنتتٸڭ تۇرعىندارىنا تازالىقتى ساقتاۋ مەدەنيەتٸن قالىپتاستىرۋ ٷشٸن تٷسٸندٸرۋ جۇمىستارىن تىنباي جاسادىق. ايىپپۇل سالۋ شارالارىن قولعا الدىق. مىرزاكەنتتٸڭ ەربٸر تۇرعىنى "اۋدان ورتالىعىنىڭ تۇرعىنى" دەگەن اتقا لايىق بولۋ كەرەكتٸگٸن جەنە اۋدانداعى باسقا اۋىلدارعا ٷلگٸ-ٶنەگە بولۋ كەرەكتٸگٸن ايتۋدان شاراشاعان جوقپىز. ەرينە, بٸزگە وڭاي بولعان جوق. دەگەنمەن, بٷگٸنگٸ جاسانعان, جايناعان, گٷلدەنگەن مىرزاكەنتتٸ ٶزدەرٸڭٸز كٶرٸپ تۇرسىزدار, – دەدٸ باقىت ناسىرحانۇلى.
مىرزاكەنتتە كٶپتەگەن كەسٸپكەرلٸك نىساندار دا تۇرعىزىلىپ, حالىققا قىزمەت كٶرسەتۋ ساپاسى كٷن سايىن ارتۋدا. كەنت كٶشەلەرٸنٸڭ بارلىعى دەرلٸك اسفالتتەندٸ. اعاشتار ەگٸلٸپ, جارقىراتا جارىقشامدار ورناتىلدى. سۋبۇرقاقتار اتقىلاپ, گٷلدەر جايقالدى. مىرزالاردىڭ مەكەنٸ دەپ اتالا باستاعان مىرزاكەنت قاي جاعىنان السا دا دامىپ, كٶركٸ كٶز تويمايتىن دەڭگەيگە جەتكەنٸنە باق ٶكٸلدەرٸ كٶز جەتكٸزدٸ.
