اتىراۋ وبلىسى اقكٶل اۋىلىندا بٸلٸم ورداسىن ايدالاعا سالعان. سونىڭ سالدارىنان بالالار ەلسٸز دالامەن قاتىناپ وقىپ جٷر. قارا جولمەن ٷش شاقىرىمنان اسا جاياۋ جٷرۋگە مەجبٷر, دەپ حابارلايدى dalanews.kz "كتك" تەلەارناسىنا سٸلتەپ.
بيىل اشىلعان بٸلٸم ورداسى اۋىلدىڭ شەتٸندە. بالالار تىم الىس ورنالاسقان جاڭا مەكتەپكە جاياۋ سابىلىپ شارشاعان. ەلسٸزگە سالعان مەكتەپكە بالا تٷگٸلٸ, ەرەسەكتەر "ەنتٸگٸپ ەرەڭ جەتەمٸز" دەيدٸ. ولار الداعى جاۋىن-شاشىن مەن قىستىڭ قاۋپٸن ايتىپ, شىر-پىر ەتەدٸ.
مىڭعا جۋىق بالا ايدالاعا سالىنعان مەكتەپكە قارا جولمەن قاتىنايدى. اينالا سور, بٸر جاعى زيراتتار. ەڭ سوراقىسى, اۋىل سىرتىندا يت-قۇس پەن جابايى اڭ دا كٶپ. اتا-انانى الاڭداتاتىن باستى قاۋٸپتٸڭ بٸرٸ دە وسى. مەكتەپ شالعاي ەكەنٸن ايتىپ شىرىلداعان حالىقتىڭ بار تالابى - وقۋشى تاسىمالدايتىن اۆتوبۋس. بٸراق جەرگٸلٸكتٸ بيلٸك "جول جوق" دەپ اۆتوبۋس شىعارۋعا اسىقپاي وتىر.
"قازٸر ٶز كٷشٸمٸزبەن بۇل مەسەلەنٸ شەشەتٸندەي مەحانيزم جوق. سەبەبٸ وبلىستىق بٸلٸم بەرۋ باسقارماسىنا وسى مەسەلە بويىنشا تاعى دا ۇسىنىس ەزٸرلەپ جاتىرمىز", - دەدٸ قۇرمانعازى اۋدانى بٸلٸم بٶلٸمٸنٸڭ باسشىسى جٸگەر جانقانوۆ.
بۇل مەكتەپتە وقيتىن مىڭنان اسا بالانىڭ 58-ٸ عانا تەمٸرجول ٶتكەلٸنەن ٶتەتٸن بولعاندىقتان, كٶلٸكپەن تاسىمالدانادى ەكەن. قالعان مىڭ بالانىڭ قاۋٸپسٸزدٸگٸنە الاڭداعان اۋىل حالقىنىڭ ەندٸگٸ بار ٷمٸتٸ - وبلىس باسشىلىعى.
