اتىراۋ مۇناي ٶڭدەۋ زاۋىتى بەنزين ەكسپورتتاۋعا كۆوتا الدى, بٸراق وتىن سىرتقا شىعارىلماۋى مٷمكٸن, دەپ حابارلايدى dalanews.kz.
اتىراۋ مۇناي ٶڭدەۋ زاۋىتى تامىزدا اي-92 ماركالى بەنزيننٸڭ 13,2 مىڭ تونناسىن ەكسپورتتاۋعا كۆوتا الدى. وسىلايشا, زاۋىتتان سىرتقا شىعارىلاتىن بەنزيننٸڭ جالپى كٶلەمٸ 43,8 مىڭ تونناعا جەتتٸ.
كۆوتانىڭ 7,1 مىڭ تونناسى "قازمۇنايگازعا", ال 6,1 مىڭ تونناسى KC Energy Group كومپانيياسىنا بٶلٸنگەن. بۇعان دەيٸن "كوندەنسات" مۇناي ٶڭدەۋ زاۋىتىنا دا كۆوتا بەرٸلگەن. ونىڭ كٶلەمٸ اي-92 بەنزينٸ بويىنشا 27,6 مىڭ توننا, اي-95 بويىنشا 2,9 مىڭ توننا بولدى.
الايدا اتىراۋ مۇناي ٶڭدەۋ زاۋىتىنان بەنزيندٸ ەكسپورتتاۋ جوسپارى ەزٸرگە بەلگٸسٸز. سەبەبٸ وتىندى سىرتقا شىعارۋ بويىنشا كەلٸسٸمشارتتار جاسالماعان. سونىمەن قاتار, قىركٷيەك-قازان ايلارىندا پاۆلودار مۇناي-حيمييا زاۋىتىندا جٶندەۋ جۇمىستارى جٷرگٸزٸلەتٸندٸكتەن, ٸشكٸ نارىق ٷشٸن وتىن قورىن الدىن الا جيناۋ قاجەت.
شٸلدەدە پاۆلودار مۇناي-حيمييا زاۋىتىنان دا بەنزين ەكسپورتتالمادى. ترەيدەرلەردٸڭ بٸرٸنٸڭ ايتۋىنشا, تاراپتار كەلٸسٸمگە كەلە الماعان. ال "كوندەنسات" زاۋىتىنان رەسەيگە شامامەن 9 مىڭ توننا بەنزين جەتكٸزٸلگەن.
دەرەككٶزدەردٸڭ پٸكٸرٸنشە, تامىزدا اتىراۋ مۇناي ٶڭدەۋ زاۋىتىنان بەنزين ەكسپورتتاۋ جوسپارى دا جٷزەگە اسپاي قالۋى مٷمكٸن. سەبەبٸ ماۋسىمدىق سۇرانىس جوعارى كەزدە بەنزيندٸ سىرتقا شىعارۋ ٸشكٸ نارىقتا وتىن تاپشىلىعىنا ەكەپ سوعۋى ىقتيمال.
