مەملەكەت باسشىسىنىڭ وكىمىمەن اتوم ەنەرگياسى جونىندەگى اگەنتتىگى ءتوراعاسىنىڭ وسىمەن ءتورتىنشى ورىنباسارى تاعايىندالدى. بۇل لاۋازىمعا بۇعان دەيىن "قازمۇنايگاز" ۇك" اق باسقارما ءتوراعاسىنىڭ ورىنباسارى بولعان ۆاسيليي لاۆرەنوۆ كەلدى، دەپ حابارلايدى Dalanews.kz اقوردانىڭ باسپا ءسوز قىزمەتىنە سىلتەمە جاساپ.
اتوم ەنەرگياسى جونىندەگى اگەنتتىك 2025 جىلى ناۋرىز ايىندا جاڭادان قۇرىلىپ، ونىڭ باسشىلىعىنا سول كەزدەگى ەنەرگەتيكا ءمينيسترى الماسادام ساتقالييەۆ تاعايىندالعان ەدى.
لاۆرەنوۆ ۆاسيليي سەرگەيەۆيچ 1979 جىلى 17 قاراشادا دۇنيەگە كەلگەن.
2000 جىلى قازاق مەملەكەتتىك زاڭ اكادەمياسىن ءبىتىردى. 2004 جىلى ديۋك ۋنيۆەرسيتەتىنىڭ قۇقىق مەكتەبىندە جانە جاپونيانىڭ كيۋسيۋ ۋنيۆەرسيتەتىندە حالىقارالىق قۇقىق ماماندىعى بويىنشا ءبىلىم الدى.
ەڭبەك جولىن 1999 جىلى "تيتۋل" زاڭ اگەنتتىگىندە زاڭگەر كومەكشىسى بولىپ باستادى، "GRATA" زاڭ فيرماسىندا زاڭگەر بولىپ جۇمىس ىستەدى. 2001-2002 جىلدارى "قازاتومونەركاسىپ" ۇاك" اق زاڭ دەپارتامەنتىندە زاڭ كەڭەسشىسى بولىپ قىزمەت ەتتى.
2005-2007 جىلدارى "Bateman Kazakhstan Oil and Gas Company B.V." قازاقستانداعى فيليالىنىڭ زاڭ ءبولىمىنىڭ باستىعى، قۇقىقتىق ماسەلەلەر بويىنشا باس كەڭەسشىسى بولىپ جۇمىس ىستەدى.
2007-2008 جىلدارى "ينتەگرا مەنەدجمەنت" جاق (قازاقستان رەسپۋبليكاسىنداعى وكىلدىك) مۇناي كاسىپشىلىگىنە قىزمەت كورسەتۋ كومپانياسىنىڭ زاڭ قىزمەتىنىڭ ديرەكتورى، 2008-2017 جىلدارى "Eastcomtrans" كومپانيالار توبىنىڭ زاڭ دەپارتامەنتىنىڭ ديرەكتورى، باس زاڭ كەڭەسشىسى، 2019-2022 جىلدارى Greenline Services Ltd كومپانياسىنىڭ بۋداپەشت قالاسىنداعى اعا سەرىكتەسى، كەڭەسشىسى لاۋازىمىن اتقارعان.
2022 جىلدىڭ مامىرىنان باستاپ "قازمۇنايگاز" ۇك" اق باسقارما ءتوراعاسىنىڭ ورىنباسارى قىزمەتىندە بولدى.
