پاريجدەگٸ "گەندەرلٸك" جانجال جاڭا مەلٸمەتتەرمەن تولىعۋ ٷستٸندە. اتىشۋلى الجيرلٸك بوكسشى يمان حەليفتٸڭ جىنىسىن اۋىستىرماعانى, ەۋەلدەن ەيەل بوپ جاراتىلعانى بەلگٸلٸ بولدى, - دەپ حابارلايدى Dalanews.kz.
Voice of America اگەنتتٸگٸنٸڭ مەلٸمەتٸنشە, الجيرلٸك بوكسشىنى قارالاۋ وپەراتسيياسىن مەسكەۋ ۇيىمداستىرعان. "يمان حەليف تاپ-تازا ترانس, ەكس-ەركەك, سول سەبەپتٸ شارشى الاڭداعى قارسىلاسىنان مىسى دا, كٷشٸ دە باسىم" دەگەن اقپارات پٷتٸنگە جاقىن فۋنكتسيونەردٸڭ اۋزىنان تاراعان.
سوندا مۇنداعى موتيۆ نەدە?
"موتيۆ? وسىدان بٸر جارىم جىل شاماسى بۇرىن حالىقارالىق بوكس اسسوتسياتسيياسى (IBA, بۇرىنعى AIBA) ۇيىمداستىرعان نيۋ-دەليدەگٸ ەلەم چەمپيوناتىندا ناق وسى يمان حەليف بۇرىن-سوڭدى تۇمسىعى قاناماعان رەسەيلٸك بوكسشى ازالييا امينەۆانى تاس-تالقان قىپ ۇتادى. ٷش كٷن ٶتكەسٸن IBA يمانعا سانكتسييا سالىپ, جارىستان شەتتەتەدٸ. وسىلايشا ٷش كٷن بۇرىن عانا الجيرلٸك بوكسشىدان ويسىراي ۇتىلعان امينەۆانىڭ مٸنسٸز ستاتيستيكاسى قايتادان قالپىنا كەلەدٸ", - دەيدٸ ەمٸريكا داۋىسى.
IBA باسشىلىعى حەليفتٸڭ ٸرٸكتەۋ كريتەريٸنە ساي ەمەسٸن ايتىپ, دەنە تۇرقى, باسقا دا كٶرسەتكٸشتەر بويىنشا ٶزگە سپورتشىلاردان بٸر باس جوعارى تۇرعانىن مەلٸمدەيدٸ. بۇعان قوسا حەليفتٸڭ گەندەرلٸك تەستتەن ٶتپەگەنٸن جارييا ەتەدٸ. پاريجدەگٸ داۋ دا وسىدان تۇتانعانى ەسٸڭٸزدە بولار...
IBA? وليمپ ويىندارىنا قاتىسۋدان ٶمٸرباقيعا شەتتەتٸلگەن قاۋىمداستىقتى قازٸرگٸ كٷنٸ رەسەي بيلەپ-تٶستەپ تۇر. باتىس باسىلىمدارىنىڭ پايىمداۋىنشا مەسكەۋدٸڭ سۋماقاي ساياساتى ارالاسقان ورتادا ەدٸلدٸك اتتى تٷسٸنٸك دەفيتسيتكە ۇشىرايدى.
"حەليف? حالىقتىڭ باسىم كٶپشٸلٸگٸ IBA تاراتقان اقپاراتقا شٷبەسٸز سەنٸپ, الدانىپ قالدى. شىن مەنٸندە, حالىقارالىق وليمپيادا كوميتەتٸ (حوك) مەن IBA اراسىنداعى ارازدىق بٷگٸن عانا ۋشىققان جوق. ەكٸ تاراپ سوڭعى ون جىل بويى يت پەن مىسىق سەكٸلدٸ ەرەگەسٸپ كەلەدٸ. وليمپيادا كوميتەتٸ ەۋەل باستان حەليفكە قاتىستى اقپاراتتىڭ شىعۋ تەگٸنە, قاينار كٶزٸنە ٷڭٸلۋدٸ سۇراعان بولاتىن. الجيرلٸك بوكسشى IBا-نىڭ كوريدورىنان تاراعان جالعان مەلٸمەتتٸڭ قۇربانى بولدى" دەيدٸ وسى تۇستا ەمٸريكا داۋىسى.
باتىس ەلدەرٸ بوكسشىلارعا ارنالعان جاڭا ورعان World Boxing-تٸ قۇرۋعا ەرەكەت ەتۋدە.
IBا تۋرالى از-كەم اقپارات بەرە كەتسەك: بەرتٸنگە دەيٸن AIBA دەپ اتالىپ كەلگەن ۇيىم 2019 جىلى اتىن ٶزگەرتٸپ, قاۋىمداستىق باسشىلىعىنا كرەمل كٶسەمٸنٸڭ جاقىن تانىسى ۋمار كرەملەۆ تاعايىندالعان. كرەملەۆ "گازپرومدى" ەڭ ٸرٸ دەمەۋشٸ رەتٸندە تارتىپ, ۇيىمدى رەسەيدەن باسقارىلاتىن قۇرىلىمعا اينالدىرعان.
حالىقارالىق وليمپيادا كوميتەتٸنٸڭ تالاپتارىن كٶزگە ٸلمەۋ, ەسكەرتۋٸن ەلەمەۋ قالىپتى ٷردٸسكە اينالعان. اقىر سوڭى حوك IBA-نى وليمپيادالىق ٶكٸلەتٸنەن بٸرجولا ايىرىپ تىنعان ەدٸ.
"مۇنىڭ ەسەسٸن قايتارعىسى كەلگەن كرەملەۆ پاريجدەگٸ جارىستىڭ شىرقىن بۇزىپ, حەليفكە قاتىستى ايعاي-شۋدى ٶرشٸتە تٷستٸ. كرەملەۆ بوكسشىنىڭ جىنىسى تۋرالى قوسىمشا مەلٸمدەمەلەر جاسادى, بٸراق دەلەل كەلتٸرمەدٸ, جۇرت ونىڭ سٶزٸنە يلانىپ قالدى.
بوكس ارداگەرلەرٸنٸڭ ايتۋىنشا IBA-نىڭ حەليفتى نيۋ-دەليدەگٸ جارىستان شەتتەتۋٸ نەگٸزسٸز بولعان. الجيرلٸك بوكسشى قاۋىمداستىقتىڭ وسىعان دەيٸنگٸ جارىستارىنا ەش كەدەرگٸسٸز قاتىسقان.
كرەملوۆ? رەسەيلٸك فۋنكتسيونەر باسشىلىق ەتەتٸن ۇيىم مەسكەۋدٸڭ پروپاگاندا قۇرالىنا اينالىپ كەتتٸ. پٷتيننٸڭ جاقىن دوسى وليمپيادا ويىندارىن كەلەكە قىلۋدان قولى بوسار ەمەس, كٷنٸ كەشە عانا ول حوك پرەزيدەنتٸ توماس باحتى "شەيتەنعا" تەڭەدٸ", - دەيدٸ ەمٸريكا داۋسى.
