تەرگەۋ مالىمەتى بويىنشا، ول نارازىلىق كەزىندە تۇرمەدەن بوساپ شىققاننان كەيىن بىردەن بيلىكتى باسىپ الماق بولعان. بۇل - وعان قارسى قوزعالعان التىنشى قىلمىستىق ءىس. ايىبى دالەلدەنسە، 10 جىلعا دەيىن باس بوستاندىعىنان ايىرىلۋى مۇمكىن.

تەرگەۋ ماتەريالىندا اتامبايەۆ بۇرىنعى پرەمەر-مينيستر ومىربەك بابانوۆپەن ءوزارا مامىلەگە كەلىپ، 9 قازاندا نارازىلىققا شىققانداردى "اگرەسسيۆتى قادام جاساۋعا" يتەرمەلەگەن. تەرگەۋشىلەر وسى ارەكەت جاپپاي تارتىپسىزدىككە اكەپ سوقتى دەپ ەسەپتەيدى.

وقيعا كەزىندە اتامبايەۆتىڭ كولىگىنە وق اتىلعان. سول كەزدە وعان قاستاندىق جاساماق بولدى دەپ مالىمدەدى.

ميتينگ كەزىندە اتامبايەۆتىڭ جاقتاستارى بۇرىنعى پرەمەر-مينيستر، سول ساتتە تۇرمەدەن بوساپ شىققان ساپار يساكوۆتىڭ كولىگىنە وق اتقان.

سول كۇنى بىشكەككە توتەنشە جاعداي ەنگىزىلدى. اتامبايەۆ 10 قازاندا ۇستالدى. ونىڭ ادۆوكاتى شىن مانىندە ەكس-پرەزيدەنتكە قاستاندىق جاسالعانىن ايتادى.

المازبەك اتامبايەۆ 2011-2017 جىلدارى ەل باسقاردى. ول 2020 جىلدىڭ ماۋسىم ايىندا قىلمىس الەمىنىڭ بەلسەندىسىن زاڭسىز تۇرمەدەن شىعاردى دەگەن ايىپپەن 11 جىلعا باس بوستاندىعىنان ايىرىلدى.

الايدا 2020 جىلدىڭ 30 قاراشاسىندا جوعارعى سوت تومەنگى ينستانسيا سوتىنىڭ شەشىمىن جويىپ، ءىستى قايتا قاراۋعا جىبەرگەن.

https://dalanews.kz/bas-takyryp/64779-atambaev-qyrgyzdarga-zhanym-ashidy-n