Qyrǵyzstannyń burynǵy prezidenti Almazbek Atambaev 2020 jyldyń qazan aiynda Bishkektegi jappai tártipsizdikti uiymdastyrdy degen kúdikke ilindi.
Tergeý málimeti boiynsha, ol narazylyq kezinde túrmeden bosap shyqqannan keiin birden bilikti basyp almaq bolǵan. Bul - oǵan qarsy qozǵalǵan altynshy qylmystyq is. Aiyby dáleldense, 10 jylǵa deiin bas bostandyǵynan aiyrylýy múmkin.
Tergeý materialynda Atambaev burynǵy premer-ministr Ómirbek Babanovpen ózara mámilege kelip, 9 qazanda narazylyqqa shyqqandardy "agressivti qadam jasaýǵa" itermelegen. Tergeýshiler osy áreket jappai tártipsizdikke ákep soqty dep esepteidi.
Oqiǵa kezinde Atambaevtyń kóligine oq atylǵan. Sol kezde oǵan qastandyq jasamaq boldy dep málimdedi.
Miting kezinde Atambaevtyń jaqtastary burynǵy premer-ministr, sol sátte túrmeden bosap shyqqan Sapar Isakovtyń kóligine oq atqan.
Sol kúni Bishkekke tótenshe jaǵdai engizildi. Atambaev 10 qazanda ustaldy. Onyń advokaty shyn máninde eks-prezidentke qastandyq jasalǵanyn aitady.
Almazbek Atambaev 2011-2017 jyldary el basqardy. Ol 2020 jyldyń maýsym aiynda qylmys áleminiń belsendisin zańsyz túrmeden shyǵardy degen aiyppen 11 jylǵa bas bostandyǵynan aiyryldy.
Alaida 2020 jyldyń 30 qarashasynda Joǵarǵy sot tómengi instantsiia sotynyń sheshimin joiyp, isti qaita qaraýǵa jibergen.
https://dalanews.kz/bas-takyryp/64779-atambaev-qyrgyzdarga-zhanym-ashidy-n
