اتىراۋدا ءۇش كۇندە 400-دەن استام ۇستاز ەكپە الدى

Dalanews 12 ناۋ. 2021 16:17 327

سوڭعى ءۇش كۇندە اتىراۋلىق 405 ءمۇعالىم كوروناۆيرۋس ىندەتىنە قارسى ۆاكسينا الدى، – دەپ حابارلايدى Dalanews.kz اتىراۋ وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتىنە سىلتەمە جاساپ.

ءبىلىم سالاسى قىزمەتكەرلەرى اراسىندا ەكپەگە قاتىستى تۇسىندىرمە جۇمىستارى جۇرگىزىلۋدە. سونىڭ ءبىرى – اتىراۋ ەنەرگەتيكا جانە قۇرىلىس كوللەدجىندە  ءوتتى. وندا سانيتاريالىق-ەپيدەميولوگيالىق باقىلاۋ دەپارتامەنتىنەن جۇقپالى جانە پارازيتارلىق اۋرۋلاردى ەپيدەميولوگيالىق باقىلاۋ ءبولىمىنىڭ باس مامانى ءلاززات جايلاۋوۆا، دەنساۋلىق ساقتاۋ باسقارماسىنىڭ مەديسينالىق كومەكتى ۇيىمداستىرۋ جانە ليسەنزيالاۋ ءبولىمىنىڭ باسشىسى نينا وسپانوۆا، №5 قالالىق ەمحانانىڭ ءبولىم مەڭگەرۋشىسى نۇرباقىت قۇپجانوۆ، وبلىستىق ءبىلىم بەرۋ باسقارماسىنىڭ باس مامانى گاۋحار تاكۋزوۆا قاتىسىپ، ۆاكسيناعا قاتىستى مۇعالىمدەر ساۋالدارىنا جاۋاپ بەردى.

اتىراۋ وبلىسىندا 9 ناۋرىزدان باستاپ مۇعالىمدەرگە كوروناۆيرۋس ينفەكسياسىنا قارسى ۆاكسيناسيا سالۋ باستالعان بولاتىن.

سوڭعى ءۇش كۇندە 605 اتىراۋلىق ۆاكسينا الدى. ونىڭ 408ء-ى پەداگوگ، 183ء-ى مەديسينا قىزمەتكەرى، 14ء-ى مەملەكەتتىك قىزمەتشى.

ۇسىنىلعان
سوڭعى جاڭالىقتار