ايماق باسشىسى ماحامبەت دوسمۇحامبەتوۆ ەل تاۋەلسىزدىگىنىڭ حالقىمىز ءۇشىن اسا ماڭىزعا يە ەكەنىن جەتكىزدى.
– حالقىمىز ءۇشىن ازاتتىقتان اسقان قۇندىلىق جوق. سان عاسىردان سارىلا جەتكەن ساناداعى مۇرات جاڭا داۋىردە جاسامپاز قۋاتقا اينالدى. تۇڭعىش پرەزيدەنتىمىز ايتقانداي: «تاۋەلسىزدىك ءداۋىرى دەگەنىمىز – ۇلتتىڭ بۇرىن ءوتۋى مۇمكىن ەمەستەي̆ كورىنەتىن شىڭىراۋدىڭ شەتىندەگى تاۋدىڭ قاتەرلى سوقپاعىمەن جۇرگەنمەن بىردەي̆ قۇبىلىس. الاي̆دا ءبىز ونى دا باعىندىرا الدىق». ەلباسى باستاعان بۋىن الەمگە جانە بولاشاق ۇرپاققا تاۋەلسىز قازاقستان اتتى جاسامپازدىقتىڭ ۇلى جەمىسىن ۇسىندى، – دەدى وبلىس اكىمى.
سونىمەن قاتار، ماحامبەت دوسمۇحامبەتوۆ جالپى ەلىمىزبەن بىرگە ءوڭىردىڭ تاۋەلسىزدىك جىلدارىنداعى وسىپ-وركەندەۋىنە توقتالىپ ءوتتى.
![](/uploads/images/20240127193526409.jpg)
– تاۋەلسىزدىكتىڭ ارقاسىندا اتىراۋ وبلىسى دا بۇرىن-سوڭدى بولماعان جەتىستىكتىرگە قول جەتكىزدى. حالىقتىڭ تۇرمىس ساپاسىن جاقسارتۋ ەڭ باستى مىندەتىمىز بولدى. وسى جىلداردا وڭىردەگى جۇمىسسىزدىق دەڭگەيى 15،5%-دان 4،9%-عا دەيىن تومەندەدى. 1994 جىلى وڭىردە بەلسەندى جۇمىس كۇشى 175 مىڭ ادام بولسا، بيىل 334 مىڭعا دەيىن جەتتى، – دەگەن م.دوسمۇحامبەتوۆ وبلىستا تۇرعىنداردىڭ تابيعي گازبەن قامتىلۋى 12 پروسەنتتەن 99،7 پروسەنتكە دەيىن، ال، ورتالىقتاندىرىلعان سۋمەن قامتۋ كورسەتكىشى 35 پروسەنتتەن 99 پروسەنتكە دەيىن ارتقانىن اتاپ ءوتتى.
سونداي-اق، وڭىردە 100 مىڭنان استام وتباسى باسپانالى بولىپ، 12 ميلليون شارشى مەتر تۇرعىن ءۇي پايدالانۋعا بەرىلگەنى ايتىلدى. سونىمەن قاتار، ءبىلىم، دەنساۋلىق، سپورت سالالارىندا دا جەتىستىكتەر ايتارلىقتاي وسكەنىن جەتكىزدى.
«ەگەمەندىك الۋىمىزبەن ەلىمىزدىڭ التىن ءداۋىرى باستالدى. وسى كەزەڭ ىشىندە ءبىز تالاي تاريحي بەلەستى باعىندىردىق. بۇعان ءار ايماقتىڭ قوسقان ۇلەسى زور. سونىڭ ىشىندە اتىراۋ وبلىسىنىڭ ورنى بولەك ەكەنىن ماقتانىشپەن ايتۋىمىز كەرەك. مۇنى ەلباسى نۇرسۇلتان نازاربايەۆتىڭ: «اتىراۋ قازاقستاننىڭ ءوز تاۋەلسىزدىگىن العاننان بەرى قالاي دامىعانىنىڭ سيمۆولى بولىپ سانالادى» دەگەن ءسوزى قۋاتتاي تۇسەدى.
![](/uploads/images/20240127193526726.jpg)
سونداي-اق، قازاقستاننىڭ ەڭبەك سىڭىرگەن قايراتكەرى، جازۋشى، كومپوزيتور، «اتىراۋ وبلىسىنىڭ قۇرمەتتى ازاماتى» ءىليا جاقانوۆ پەن تاۋەلسىزدىك قۇرداستارى ءوز تىلەكتەرىن ءبىلدىردى.
ءوز كەزەگىندە، ۇلىبريتانيادان ءبىلىم العان، قازىرگى ساتتە نكوك كومپانياسىندا ينجەنەر بولىپ ەڭبەك ەتەنىن بەرىك ۋاپ ءوزىنىڭ وسى سالاعا كەلۋىن تاريحي وقيعامەن بايلانىستىردى. ول 2000 جىلى ەلباسى نۇرسۇلتان نازاربايەۆتىڭ قاشاعان كەن ورنىن اشقاندا، وزىنە باتا بەرىپ، ىرىمداپ، قازاق مۇنايىمەن بەتىن سيپاعان جەتى جاسار ءساتىن ەسكە الدى.
سونىمەن قاتار، مەرەكەلىك شارادا وبلىسىمىزدىڭ كوركەيۋى مەن ەكونوميكاسىنىڭ وسۋىنە وزىندىك ۇلەسىن قوسىپ جۇرگەن ءوڭىردىڭ ءبىر توپ ازاماتتارى وبلىس اكىمىنىڭ العىس حاتىمەن ماراپاتتالدى.
سالتاناتتى شارادا ارنايى دايىندالعان فيلم كەلۋشىلەر نازارىنا ۇسىنىلىپ، سوڭى كونسەرتتىك باعدارلاماعا ۇلاستى.